ହାତୀଦାନ୍ତ ବିକ୍ରି ଉପରେ ଭାରତ ସମେତ ବିଶ୍ୱର ସମସ୍ତ ଦେଶରେ ନିଷେଧ କରାଯାଇଛି। ୧୯୮୬ରେ ଭାରତ ବନ୍ୟଜନ୍ତୁ ସୁରକ୍ଷା ଆଇନ, ୧୯୭୨ରେ ସଂଶୋଧନ କରି ହାତୀଦାନ୍ତର ଘରୋଇ ବିକ୍ରି ଉପରେ ପ୍ରତିବନ୍ଧକ ଲଗାଇଥିଲା। ଆଜି ବି ଅନେକ ଲୋକ ବେଆଇନ ଉପାୟରେ ହାତୀଦାନ୍ତ ବିକ୍ରି କରୁଛନ୍ତି।ଅନେକ ଲୋକ ନକଲି ହାତୀଦାନ୍ତରେ ତିଆରି ଜିନିଷ ବିକ୍ରି କରନ୍ତି। କିନ୍ତୁ ପ୍ରଶ୍ନ ଉଠେ ହାତୀଦାନ୍ତ ଏତେ ମହଙ୍ଗା କାହିଁକି? ଏହା ସୁନା ଅପେକ୍ଷା ଅଧିକ ମୂଲ୍ୟବାନ।
ସୋସିଆଲ ମିଡିଆ ପ୍ଲାଟଫର୍ମ ‘କୋରା’ ଉପରେ, ଲୋକମାନେ ପ୍ରାୟତଃ ବିଭିନ୍ନ ପ୍ରଶ୍ନ ପଚାରନ୍ତି ଯାହାର ଉତ୍ତର ମଧ୍ୟ ଅନନ୍ୟ। କିଛି ସମୟ ପୂର୍ବରୁ କେହି ଜଣେ ପ୍ରଶ୍ନ ପଚାରିଛନ୍ତି, ହାତୀର ଦାନ୍ତ କାହିଁକି ସୁନାଠାରୁ ଅଧିକ ମୂଲ୍ୟବାନ? ତେବେ ଜାଣନ୍ତୁ ଏ ବିଷୟରେ…
ଚନ୍ଦ୍ର ପ୍ରକାଶ ତିଓ୍ବାରୀ ନାମକ ଜଣେ ୟୁଜର କହିଛନ୍ତି, ହାତୀଦାନ୍ତ ମୂଲ୍ୟବାନ ହେବାର କାରଣ ହେଲା, ଏହାର ଯୋଗାଣ ସୀମିତ। ତେଣୁ ଏହା ଅତ୍ୟନ୍ତ ମହଙ୍ଗା। ହାତୀଦାନ୍ତ ଏକ ବିଳାସପୂର୍ଣ୍ଣ ସାମଗ୍ରୀ ଏବଂ ଏହାକୁ ତିଆରି କରିବା ସହଜ ଅଟେ। ୨୦୧୪ରେ ଏକ କିଲୋଗ୍ରାମ ହାତୀଦାନ୍ତର ମୂଲ୍ୟ ୧.୬ ଲକ୍ଷ ଟଙ୍କା ଥିଲା। ଲୋକମାନେ ଏହାକୁ ଏକ ଷ୍ଟାଟସ୍ ଏବଂ ଶୁଭ ଭାବି କିଣିଥାନ୍ତି। ହାତୀଦାନ୍ତରୁ ଚୁଡ଼ି, ବ୍ରେସ୍ଲେଟ୍, ବାକ୍ସ, ପିଆନୋ ଚାବି, ମୂର୍ତ୍ତି ଇତ୍ୟାଦି ତିଆରି କରାଯାଇଥିଲା। ଜଣେ ୟୁଜର ଲେଖିଛନ୍ତି, ହାତୀଦାନ୍ତ ସୁନାଠାରୁ ଅଧିକ ମୂଲ୍ୟବାନ ନୁହେଁ। ଅବଶ୍ୟ ଚାଇନାରେ ଏକ ଧନୀ ମଧ୍ୟବିତ୍ତ ଶ୍ରେଣୀର ବୃଦ୍ଧି ସହିତ ଅନେକ କାରଣରୁ ହାତୀଦାନ୍ତର ଚାହିଦା ବୃଦ୍ଧି ପାଇଛି, ଯେଉଁଠାରେ ହାତୀକୁ ଏକ ଷ୍ଟାଟସ୍ର ପ୍ରତୀକ ଭାବରେ ଦେଖାଯାଏ। ହାତୀଦାନ୍ତର ଅଭାବ ଏବଂ ବେଆଇନ ଶିକାର ହେତୁ ହାତୀ ସଂଖ୍ୟା ହ୍ରାସ ପାଇଛି। ହାତୀଦାନ୍ତ ଏକ ନିରାପଦ ବିନିଯୋଗ କାରଣ ଏହା ଏକ ବିରଳ ଏବଂ ସ୍ଥାୟୀ ଜିନିଷ ଅଟେ।
ଏ-ଜେ ଆନିମଲ୍ସ ଓ୍ବେବ୍ସାଇଟ୍, ଟେଲିଗ୍ରାଫ ଇଣ୍ଡିଆ ଏବଂ ଓ୍ବାଇଲ୍ଡ ଏଡ୍ ଓ୍ବେବ୍ସାଇଟ୍ଗୁଡିକର ରିପୋର୍ଟ ଅନୁଯାୟୀ, କଳାବଜାରରେ ହାତୀଦାନ୍ତର ମୂଲ୍ୟ ୨୦ ହଜାରରୁ ୧ ଲକ୍ଷ ଟଙ୍କା ମଧ୍ୟରେ ରହିଛି। କେତେକ ସ୍ଥାନରେ କୁହାଯାଇଛି, ହାତୀଦାନ୍ତ କିଲୋଗ୍ରାମ ପିଛା ୫ ଲକ୍ଷ ଟଙ୍କା ରହିଛି। ଯେଉଁଠାରେ ୧ କିଲୋଗ୍ରାମ ସୁନାର ଦାମ୍ ୫୪ଲକ୍ଷରୁ ଅଧିକ। ଏହାକୁ ଅଧିକ ମୂଲ୍ୟବାନ ବିବେଚନା କରାଯାଏ। କାରଣ ଏହାକୁ ଏକ ଷ୍ଟାଟସ୍ର ପ୍ରତୀକ ଭାବରେ ବିବେଚନା କରାଯାଏ ଏବଂ ଏହା ପାଇବା ମଧ୍ୟ କଷ୍ଟସାଧ୍ୟ ଅଟେ। ତେଣୁ ଲୋକେ କୁହନ୍ତି ସୁନାଠାରୁ ବି ହାତୀଦାନ୍ତ ମୂଲ୍ୟବାନ।
