କେନ୍ଦୁଝର,୪।୩ (ସ୍ବ.ପ୍ର.) – ହାତୀ ମାନଙ୍କ ଚଳପ୍ରଚଳ ଅଞ୍ଚଳରେ ବନ ବିଭାଗ ପକ୍ଷରୁ ସୂଚନା ଫଳକ ଲଗାଯାଇଛି । ବିଶେଷ କରି କେନ୍ଦୁଝର ବନଖଣ୍ଡର ଏନ୍ଏଚ୍ ୪୯, ଏନ୍ଏଚ୍ ୨୦ ତଥା ଅନ୍ୟ ରାସ୍ତା ଅତିକ୍ରମ କରି ହାତୀ ମାନେ ଗୋଟିଏ ଜଙ୍ଗଲରୁ ଅନ୍ୟ ଜଙ୍ଗଲକୁ ଚଳପ୍ରଚଳ କରିଥାନ୍ତି । ତେବେ ବହୁ ସଂଖ୍ୟାରେ ଗାଡି ଚଳାଚଳ ଏବଂ ରାସ୍ତା କଡ ଓ ଉପରେ ପାର୍କିଂ କରୁଥିବାରୁ ହାତୀ ମାନେ ଚଳପ୍ରଚଳ କରିପାରୁନାହାନ୍ତି। ବିଶେଷ କରି ବାଂଶପାଳ ବ୍ଲକ ଶୁଆକାଟି ସ୍ଥିତ ଖଣିରୁ ଲୁହାପଥର ପରିବହନ ପାଇଁ ବହୁ ସଂଖ୍ୟାରେ ଟ୍ରକ ରାସ୍ତା କଡ଼ରେ ବା ଉପରେ ଲମ୍ବା ଧାଡିରେ ଘଣ୍ଟା ଘଣ୍ଟା ଠିଆ ହୋଇ ରହୁଥିବାରୁ ହାତୀ ମାନେ ଯାତାୟାତ କରି ନ ପାରି ଆଖପାଖ ଅଞ୍ଚଳରେ ଉପତ୍ାତ କରୁଛନ୍ତି। ଏନେଇ ଧରିତ୍ରୀ ରେ ଖବର ପ୍ରକାଶ ପାଇବା ପରେ ବନ ବିଭାଗ ପଦକ୍ଷେପ ନେଉଥିବା ସୂଚନା ଦେଇଥିଲେ। ଏବେ ହାତୀ ଚଲାପଥ ପାଇଁ ଲଗାଯାଇଥିବା ସୂଚନା ଫଳକ ଠାରୁ ୧୦୦ ମିଟର ପର୍ଯ୍ୟନ୍ତ ସ୍ଥାନରେ କାୈଣସି ଗାଡି ଠିଆ କଲେ ଓ ହାତୀ ଚଲାପଥ ଅବରୋଧ କଲେ ଦଣ୍ଡିତ ହେବେ ବୋଲି ବନ ବିଭାଗ ପକ୍ଷରୁ ତାଗିଦ କରାଯାଇଛି। ଏହାକୁ ପରିବେଶବିତ ମାନେ ସ୍ବାଗତ କରିବା ସହ ଉକ୍ତ ଅଞ୍ଚଳରେ ପାଟ୍ରୋଲିଂ କରି ହାତୀ ମାନଙ୍କୁ ସୁରକ୍ଷିତ ଯାତାୟାତ କରିବା ପାଇଁ ବ୍ୟବସ୍ଥା କରିବାକୁ ଦାବି ହେଉଛି ।
