ଜେରୁଜେଲମ,୩ା୧୨: ଇସ୍ରାଏଲକୁ ଏହାର ଆଧୁନିକ ଯୁଦ୍ଧ ଜାହାଜ ମିଳିଛି। ଏହା ଆସିବା ପରେ ଇରାନ ସବୁଠୁ ଭୟଭୀତ ଏବଂ ଚିନ୍ତାଗ୍ରସ୍ତ ହୋଇପଡ଼ିଛି। ଇସ୍ରାଏଲ ଏହି ଯୁଦ୍ଧ ଜାହାଜକୁ ଜର୍ମାନୀରୁ ମଗାଇଛି। ଏହି ଜାହାଜକୁ ଜର୍ମାନୀରେ ‘ସିଲ’୍ଡ କୁହାଯାଏ। ଏବେ ଇସ୍ରାଏଲ ଏବଂ ଇରାନ ମଧ୍ୟରେ ତିକ୍ତତା ସୃଷ୍ଟି ହୋଇଛି। ଇରାନର ସର୍ବୋଚ୍ଚ ଆଣବିକ ବୈଜ୍ଞାନିକଙ୍କ ହତ୍ୟା ପରେ ଇରାନ ଏବଂ ଇସ୍ରାଏଲରେ ବାତବାରଣ ସରଗରମ ରହିଛି। ଭୂମଧ୍ୟସାଗରର ତୈଳକୂପକୁ ନେଇ ଦୁଇ ଦେଶ ମଧ୍ୟରେ ଅନେକ ବିବାଦ ଲାଗିରହିଛି।
ଇସ୍ରାଏଲର ଏହି ଯୁଦ୍ଧ ଜାହାଜ ‘ ଦ ସାର୍ -୬ କର୍ଭେଟ୍’ ବର୍ଗର ଅଟେ। ଏହାକୁ ଇସ୍ରାଏଲର ହାଇଫା ବନ୍ଦରରେ ନିୟୋଜିତ କରାଯାଇଛି। ଆସନ୍ତାବର୍ଷ ଇସ୍ରାଏଲ ଜର୍ମାନୀରୁ ଆଉ ୩ଟି ଯୁଦ୍ଧ ଜାହାଜ ଆଣିବ। ଏହା ପରେ ଆଉ ୧୫ଟି ଯୁଦ୍ଧ ଜାହାଜ ମଧ୍ୟ ଆସିବ। ଇସ୍ରାଏଲ ଏହି କ୍ଷେପଣାସ୍ତ୍ରଗୁଡ଼ିକୁ ଲୋହିତ ସାଗର ଏବଂ ଉପସାଗରରେ ଲଞ୍ଚ କରିବାରେ ସକ୍ଷମ ହେବ।
ଇସ୍ରାଏଲ ମଧ୍ୟ ତା’ର ତୈଳକୂପକୁ ସୁରକ୍ଷା ଦେବାକୁ ଚାହୁଁଛି। ତେଣୁ ଏହାର ତଦାରଖ ପାଇଁ ଏହି ଯୁଦ୍ଧଜାହାଜଗୁଡ଼ିକୁ ନିୟୋଜିତ କରିବ। କାରଣ ତୈଳକୂପଗୁଡ଼ିକ ଲେବାନନର ସାମୁଦ୍ରିକ ସୀମା ନିକଟରେ ରହିଛି। ଏଥିପାଇଁ ଇସ୍ରାଏଲ କୌଣସି ରିସ୍କ ନେବାକୁ ଚାହୁଁନାହିଁ।
ଅନ୍ୟପକ୍ଷରେ ଇସ୍ରାଏଲର ଜଣେ ସୁରକ୍ଷା ଅଧିକାରୀ କହିଛନ୍ତି, ଇରାନ ଏହାକୁ ଦେଖି ଭୟଭୀତ ହୋଇଯାଇଛି। କାରଣ ଏହା ଯେ କୌଣସି ସମୟରେ ଆକ୍ରମଣ କରିପାରେ।
