ତେଲ ଆଭିବ,୧୫ ।୧: ଇସ୍ରାଏଲର ପ୍ରଧାନମନ୍ତ୍ରୀ ବେନଜାମିନ ନେତନ୍ୟାହୁ ଓ ତାଙ୍କ ସରକାରଙ୍କ ବିରୋଧରେ ବିରୋଧି ବେଶ କିଛି ସମୟ ହେବ ବିରୋଧ ଜାରି ରଖିଛନ୍ତି । ଏହାରି ଭିତରେ ଶନିବାର ରାତିରେ ତେଲ ଆଭିବରେ ହଜାର ହଜାର ସଂଖ୍ୟାରେ ଲୋକେ ଇସ୍ରାଏଲର ଆଇନ ପ୍ରଣାଳୀରେ ପ୍ରସ୍ତାବିତ ପରିବର୍ତ୍ତନ ବିରୋଧରେ ପ୍ରଦର୍ଶନ କରିଛନ୍ତି । ଏହି ସମୟରେ ପ୍ରର୍ଶନକାରୀମାନେ ନେତନ୍ୟାହୁଙ୍କ ତୁଳନା ରୁଷିଆ ରାଷ୍ଟ୍ରପତି ଭ୍ଲାଦିମର ପୁଟିନଙ୍କ ସହ କରିଛନ୍ତି । ଇସ୍ରାଏଲ ମିଡିଆର ସୂଚନା ଅନୁଯାୟୀ, କେବଳ ତେଲ ଆଭିବ କାହିଁକି ଜେରୁଜେଲମରେ ବି ନେତନ୍ୟାହୁଙ୍କୁ ବିରୋଧ କରାଯାଇଛି । କୁହାଯାଉଛି କି ସରକାରଙ୍କ ବିରୋଧରେ ପ୍ରାୟ ୮୦ ହଜାର ଲୋକ ଏକାଠି ହୋଇଥିଲେ ।
ସୂଚନାଯୋଗ୍ୟ, ଇସ୍ରାଏଲର ଆଇନ ମନ୍ତ୍ରୀ ୟାରିବ ଲେଭିନ ଗତ ସପ୍ତାହରେ ଆଇନ ପ୍ରଣାଳୀରେ ସଂଶୋଧନର ପ୍ରସ୍ତାବ ଦେଇଥିଲେ । ଆଇନ ପ୍ରଣାଳୀରେ ସଂଶୋଧନ ମାଧ୍ୟମରେ ସରକାର ଏକ ସମୀକ୍ଷା ସମିତି ମାଧ୍ୟମରେ ସର୍ବୋଚ୍ଚ ନ୍ୟାୟାଳୟର ନାମାଙ୍କିତ ବ୍ୟକ୍ତିଙ୍କ ମଧ୍ୟରେ ସୁଧାର କରି ଓ ସଂସଦକୁ ସର୍ବୋଚ୍ଚ ନ୍ୟାୟାଳୟର ରାୟକୁ ଅସ୍ୱିକାର କରିବାର ଅଧିକାର ଦେବାର ପ୍ରସ୍ତାବ ଦେଉଥିଲେ ।
ଇସ୍ରାଏଲର ସର୍ବୋଚ୍ଚ ନ୍ୟାୟଳୟର ଅଧ୍ୟକ୍ଷ ଏସ୍ତେର ହୟାତ ଏହାକୁ ବିରୋଧ କରିଛନ୍ତି । ସେ କହିଛନ୍ତି, ଏହି ପ୍ରସ୍ତାବିତ ସଂଶୋଧନ, ଆଇନ ପ୍ରଣାଳୀ ଉପରେ ଏକ ଅନିୟନ୍ତ୍ରିତ ଆକ୍ରମଣ । ଏହାଦ୍ୱାରା ଜଣାପଡୁଛି କି ସରକାର ଆଇନ ପ୍ରଣାଳୀର ସ୍ୱତନ୍ତ୍ରତା ଉପରେ ପ୍ରହାର କରିବାର ଇଚ୍ଛା ରଖିଛନ୍ତି ।
ପ୍ରଦର୍ଶନକାରୀଙ୍କ କହିବା କଥା ହେଲା ଏମାନେ ଇସ୍ରାଏଲର ଭବିଷ୍ୟତକୁ ନେଇ ଚିନ୍ତିତ । ଏହସହ ସେମାନେ ନେତନ୍ୟାହୁଙ୍କୁ ଏହି ବାର୍ତ୍ତା ଦେବାକୁ ଆସିଛନ୍ତି, ଯେ ଜନତା ଏକଥାକୁ ବରଦାସ୍ତ କରିବେ ନାହିଁ କି ସେ ଦେଶର ଲୋକତନ୍ତ୍ରକୁ ପୁନନିର୍ମାଣ ରୂପରେ କ’ଣ ମାନୁଛନ୍ତି ।
