ଜେରୁଜେଲମ,୧୩।୧୦: ଇସ୍ରାଏଲ ଉପରେ ହମାସ ଆକ୍ରମଣ ହେବାର ପ୍ରାୟ ଏକ ସପ୍ତାହ ବିତିଗଲାଣି। ଏହି ଆକ୍ରମଣ ସମ୍ପର୍କିତ ଭୟାନକ ଚିତ୍ର ପଦାକୁ ଆସୁଛି। ଇସ୍ରାଏଲର ଏକ ସହରରେ ଜଣେ ଗର୍ଭବତୀ ମହିଳାଙ୍କ ମୃତଦେହ ମିଳିଛି। ଆତଙ୍କବାଦୀମାନେ ବର୍ବରତାର ସୀମା ଅତିକ୍ରମ କରି ମହିଳାଙ୍କ ପେଟ ଚିରି ଦେଇଥିଲେ। ଫଳରେ ମହିଳାଙ୍କ ସନ୍ତାନ ବାହାରକୁ ଆସିଯାଇଥିଲା। ଆତଙ୍କବାଦୀମାନେ ଏଥିରେ ସନ୍ତୁଷ୍ଟ ନ ଥିଲେ। ନିଷ୍ପାପ ଶିଶୁକୁ ଛୁରି ଭୁସି ହତ୍ୟା କରିଥିଲେ। ଏହାପୂର୍ବରୁ ମଧ୍ୟ ଇସ୍ରାଏଲରେ ଅନେକ ଶିଶୁ ଏବଂ ମହିଳାଙ୍କୁ ହମାସ ଆତଙ୍କବାଦୀମାନେ ହତ୍ୟା କରିଥିବା ଦେଖାଯାଇଛି।
ଇସ୍ରାଏଲ-ହମାସ ଯୁଦ୍ଧରେ ଏପର୍ଯ୍ୟନ୍ତ ୨୭୦୦ ଲୋକ ପ୍ରାଣ ହରାଇଛନ୍ତି। ଏଥିମଧ୍ୟରୁ ୧୨୦୦ ଲୋକ ଇସ୍ରାଏଲରେ ଏବଂ ୧୫୦୦ ରୁ ଅଧିକ ଲୋକ ଗାଜା ଅଞ୍ଚଳରେ ମୃତ୍ୟୁବରଣ କରିଛନ୍ତି।
