ନୂଆଦିଲ୍ଲୀ,୫।୨: ଦକ୍ଷିଣ ଆଫ୍ରିକା ବିପକ୍ଷରେ ଲଜ୍ଜାଜନକ ପରାଜୟକୁ ଭୁଲି ଓ୍ବେଷ୍ଟଇଣ୍ଡିଜ ବିପକ୍ଷରେ ଭଲ ପ୍ରଦର୍ଶନ କରିବା ଲକ୍ଷ୍ୟରେ ଟିମ୍ ଇଣ୍ଡିଆ। ଏହି ସିରିଜ ଲାଗି ନିୟମିତ ଅଧିନାୟକ ରୋହିତ ଶର୍ମା ସୁସ୍ଥ ହୋଇ ଫେରିଛନ୍ତି। ଅପରପକ୍ଷେ ପ୍ରଥମ ମ୍ୟାଚ୍ରେ କେ.ଏଲ୍. ରାହୁଲ ଏବଂ ଶିଖର ଧାଓ୍ବନ ଖେଳିବେ ନାହିଁ। ଏଣୁ ରୋହିତଙ୍କ ସହ କେଉଁ ଖେଳାଳି ଓପନିଂ କରିବ ସେ ନେଇ ଆଲୋଚନା ହେଉଥିଲା। ଏବେ ତାହା ସ୍ପଷ୍ଟ ହୋଇଛି।
ଫେବୃୟାରୀ ୬ରେ ଭାରତ-ଓ୍ବେଷ୍ଟଇଣ୍ଡିଜ ବିପକ୍ଷରେ ପ୍ରଥମ ମ୍ୟାଚ୍ ଫେବୃୟାରୀ ୬ରେ ଅହମ୍ମଦାବାଦରେ ଖେଳାଯିବ। ଏହି ମ୍ୟାଚ୍ରେ ଶିଖର ଧାଓ୍ବନ କରୋନା ପଜିଟିଭ୍ ହେବା କାରଣରୁ ଏବଂ କେଏଲ୍ ରାହୁଲ ନିଜସ୍ବ କାରଣରୁ ଖେଳିବେ ନାହିଁ। ଏହାକୁ ନେଇ ରୋହିତଙ୍କ ସହ ଈଶାନ କିଶନ ଓପନିଂ କରିବେ ବୋଲି ଜଣାପଡ଼ିଛି।
ଭାରତର ଷ୍ଟାର ଉଇକେଟକିପର ଈଶାନ ଆକ୍ରାମକ ବ୍ୟାଟିଂକୁ ନେଇ ଜଣାଶୁଣା। ଆଇପିଏଲ୍ରେ ମୁମ୍ବାଇ ଇଣ୍ଡିଆନ୍ସ ପକ୍ଷରୁ ଓପନିଂ କରି ସେ ଭଲ ପ୍ରଦର୍ଶନ କରିଥିଲେ। ଏହାଛଡ଼ା ନ୍ୟୁଜିଲାଣ୍ଡ ବିପକ୍ଷରେ ସେ ଓପନିଂ ମଧ୍ୟ କରିଛନ୍ତି। ଏଣୁ ତାଙ୍କଠାରୁ ଅଧିନାୟକ ଭାବେ ବଡ଼ ଇନିଂସ ଖେଳିବାର ଆଶା ରଖିଛନ୍ତି ରୋହିତ।
