କୋଟିପତି ବ୍ୟବସାୟୀ ମୁକେଶ ଅମ୍ବାନୀ ଏବଂ ନୀତା ଅମ୍ବାନୀଙ୍କ ପୁଅ ହେଉଛନ୍ତି ଆକାଶ ଆଉ ଝିଅ ଈଶା। ଆଜି ହେଉଛି ଉଭୟଙ୍କ ଜନ୍ମଦିନ। ଏହି ଅବସରରେ ଖୁଡ଼ି ଟିନା ଅମ୍ବାନୀ ଇନ୍ଷ୍ଟାଗ୍ରାମରେ ଫଟୋ ଶେୟାର କରି ଉଭୟଙ୍କୁ ଶୁଭେଚ୍ଛା ଜଣାଇଛନ୍ତି। ଏଥିସହ ତାଙ୍କର ଫଟୋ ମଧ୍ୟ ଶେୟାର କରିଛନ୍ତି। ଈଶା ଏବଂ ଆକାଶଙ୍କ ଜନ୍ମ ୧୯୯୧ ଅକ୍ଟୋବର ୨୩ରେ। ଉଭୟ ଆଜି ଜନ୍ମଦନ ପାଳନ କରୁଥିବା ବେଳେ ଖୁଡ଼ି ଟିନା ଶୁଭେଚ୍ଛା ଜଣାଇଛନ୍ତି। ଏହି ସ୍ବତନ୍ତ୍ର ଦିନରେ ଝିଆରୀ ଏବଂ ପୁତୁରାଙ୍କ ପାଇଁ ସେ ଏକ ହୃଦୟସ୍ପର୍ଶୀ ବାର୍ତ୍ତା ଲେଖିଛନ୍ତି।
ଇନ୍ଷ୍ଟାଗ୍ରାମରେ ଶେୟାର କରିଥିବା ଫଟୋରେ ଟିନା ଲେଖିଛନ୍ତି, ଆକାଶ ଜଣେ ଦାୟିତ୍ୱବାନ ପୁଅ। ଆହୁରି ମଧ୍ୟ ସେ ଆକାଶଙ୍କ ପିଲାଦିନ କଥା ମନେ ପକାଇଛନ୍ତି। ସେ କହିଛନ୍ତି, କେତେ ଶୀଘ୍ର ବଡ଼ ହୋଇଗଲ ତୁମେ ଦୁଇଜଣ। ଆଜି ବି ତୁମକୁ ସେହି ଛୋଟ ଝିଅପୁଅ ଭାବରେ ଦେଖେ। ଉଭୟଙ୍କ ଜନ୍ମଦିନରେ ପ୍ରେମ, ଆଲିଙ୍ଗନ ଏବଂ ନିଜର ଶୁଭାଶ୍ରୀର୍ବାଦ ଜଣାଇଛନ୍ତି। ସେ ଲେଖିଛନ୍ତି, ଏହି ବିଶେଷ ଦିନର ତୁମେ ଦୁହେଁ ଆହୁରି ଆଗକୁ ଚାଲ। ତୁମ ଦୁହିଁଙ୍କୁ ବହୁତ ବହୁତ ଭଲପାଇବା।
ଅନ୍ୟପକ୍ଷରେ ଟିନାଙ୍କ ଏହି ପୋଷ୍ଟରେ ୟୁଜରମାନେ ମଧ୍ୟ ବହୁ ମନ୍ତବ୍ୟ ଦେବା ସହ ଉଭୟ ଜାଆଁଳା ଭଉଣୀ-ଭାଇଙ୍କୁ ଶୁଭକାମନା ଜଣାଇଛନ୍ତି।
