ଆଇଏସ୍‌ଏଲ୍‌: ଗୋଆ- ମୁମ୍ବାଇ ସେମି ଫାଷ୍ଟ ଲେଗ୍‌ ଡ୍ର
7:55 amMarch 6, 2021March 6, 2021 / 21

ମାର୍ଗାଓ,୬।୩: ଇଣ୍ଡିଆନ ସୁପର ଲିଗ୍‌ (ଆଇଏସ୍‌ଏଲ୍‌)ରେ ଶୁକ୍ରବାର ଏଫ୍‌ସି ଗୋଆ ଓ ମୁମ୍ବାଇ ସିଟି ଏଫ୍‌ସି ମଧ୍ୟରେ ଖେଳାଯାଇଥିବ ସେମିଫାଇନାଲ ଫାଷ୍ଟ ଲେଗ୍‌ ମ୍ୟାଚ୍‌ ୨-୨ ଗୋଲରେ ଅମୀମାଂସିତ ରହିଛି। ସ୍ଥାନୀୟ ଫାଟୋର୍ଡା ଷ୍ଟାଡିୟମରେ ଅନୁଷ୍ଠିତ କଡ଼ା ସଂଘର୍ଷପୂର୍ଣ୍ଣ ଏହି ମ୍ୟାଚ୍‌ରେ ଇଗର ଅଙ୍ଗୁଲୋ ୨୦ତମ ମିନିଟ୍‌ରେ ପେନାଲ୍ଟି ଜରିଆରେ ପ୍ରଥମ ଗୋଲ ଦେଇ ଗୋଆକୁ ୧-୦ରେ ଅଗ୍ରଣୀ କରାଇଥିଲେ। ମୁମ୍ବାଇର ହୁଗୋ ବୌମୋସ ୩୮ତମ ମିନିଟ୍‌ରେ ଗୋଲ ଦେଇ ମ୍ୟାଚ୍‌ ୧-୧ ସମାନସ୍ତରକୁ ଆଣିଥିଲେ। ୫୯ ତମ ମିନିଟ୍‌ରେ ସେଭିଅର ଗାମା ଗୋଲ ଦେଇ ପୁଣି ଥରେ ଗୋଆକୁ ଅଗ୍ରଣୀ କରାଇଥିଲେ। ଶେଷରେ ୬୧ତମ ମିନିଟ୍‌ରେ ମୌଟୋର୍ଡା ଫଲ ଏକ ସୁନ୍ଦର ଫିଲ୍ଡ ଗୋଲ ଦେଇ ମ୍ୟାଚ୍‌କୁ ୨-୨ଗୋଲ ସମାନସ୍ତରକୁ ଆଣିଥିଲେ। ଏହାପରେ ଗୋଲ ସମ୍ଭବ ହୋଇ ନ ଥିଲା। ଫଳରେ ମ୍ୟାଚ୍‌ ଅମୀମାଂସିତ ରହିଥିଲା। ସେମିଫାଇନାଲ ଦ୍ୱିତୀୟ ଲେଗ୍‌ ମ୍ୟାଚ୍‌ରେ ଗୋଆ ଓ ମୁମ୍ବାଇ ୮ ତାରିଖ ସୋମବାର ପରସ୍ପରକୁ ଭେଟିବେ।