ବଲିଉଡ୍ ଅଭିନେତା ଇରଫାନ ଖାନ ଆଜି ଏହି ଦୁନିଆରେ ନାହାଁନ୍ତି ସତ କିନ୍ତୁ ତାଙ୍କ ଅଭିନୟକୁ ଆଜି ବି ଦର୍ଶକ ମନେ ରଖିଛନ୍ତି। ନିଜ ଅଭିନୟ ଯାଦୁରେ ସେ ଲକ୍ଷଲକ୍ଷ ଦର୍ଶକଙ୍କ ହୃଦୟ ଜିତିପାରିଛନ୍ତି। ସଂସାରରୁ ତାଙ୍କ ବିଦାୟକୁ ୨ ବର୍ଷ ପୂରିଯାଇଥିଲେ ସୁଦ୍ଧା ତାଙ୍କର ଏକ ଫିଲ୍ମ ‘ଅପନୋ ସେ ବେୱଫାଇ’କୁ ଦର୍ଶକ ଆଜିବି ଅପେକ୍ଷା କରିଛନ୍ତି। ପ୍ରଶଂସକମାନେ ଗତ ୨ ବର୍ଷ ଧରି ଏହି ଫିଲ୍ମକୁ ଅପେକ୍ଷା କରିଛନ୍ତି। ଏହା ତାଙ୍କର ଦ୍ୱିତୀୟ ଶ୍ରାଦ୍ଧ ବାର୍ଷିକୀରେ ମୁକ୍ତିଲାଭ କରିବାକୁ ଥିବା ବେଳେ ରିଲିଜ ହୋଇପାରି ନ ଥିଲା। ତେବେ ଫିଲ୍ମଟ ଖୁବଶୀଘ୍ର ରିଲିଜ ହେବାକୁ ଯାଉଛି।
ଇରଫାନଙ୍କ ଫିଲ୍ମ ‘ଆପନୋ ସେ ବେୱଫାଇ’ର ନିର୍ଦ୍ଦେଶକ ପୀୟୁଷ ଶାହା ଏକ ସାକ୍ଷାତକାରରେ କହିଛନ୍ତି,ଆମେ ଚାହୁଁଛୁ ଦର୍ଶକମାନେ ଆମର ଏହି ପାରିବାରିକ ମନୋରଞ୍ଜନ ପିଲ୍ମକୁ ଦେଖିବାକୁ ନିଶ୍ଚୟ ଆସିବେ । କିନ୍ତୁ ଏହା ବହୁତ ବିଳମ୍ବ ହୋଇଗଲା । ତେବେ ଫିଲ୍ମ ରିଲିଜ୍ ପାଇଁ ପ୍ରସ୍ତୁତି ଚାଲିଛି।
