ମୁମ୍ବାଇ: ବଲିଉଡ୍ ଅଭିନେତା ସଞ୍ଜୟ ଦତ୍ତ ଏବେ କ୍ୟାନସରରେ ପୀଡ଼ିତ ଥିବା ବେଳେ ଚିକିତ୍ସା ପାଇଁ ନିକଟରେ ସେ ମୁମ୍ବାଇର କୋକିଳାବେନ ହସ୍ପିଟାଲରେ ଭର୍ତ୍ତି ହୋଇଛନ୍ତି। ଗଣମାଧ୍ୟମର ସୂଚନା ଅନୁଯାୟୀ, ସଞ୍ଜୟ ଫୁସ୍ଫୁସ୍ କର୍କଟରେ ପୀଡିତ ଥିବା ଜଣାପଡିବା ପରେ ତାଙ୍କ ଆଶୁ ଆରୋଗ୍ୟ କାମନା କରାଯାଇଛି। ଏବେ କିନ୍ତୁ ବଲିଉଡ୍ ଅଭିନେତା ଇର୍ଫାନ୍ ଖାଁଙ୍କ ପୁଅ ବବଲି ସଞ୍ଜୁ ଭାଇଙ୍କ ସ୍ବାସ୍ଥ୍ୟକୁ ନେଇ ଏକ ଇମୋଶନାଲ ପୋଷ୍ଟ କରିଥିବା ଦେଖାଯାଇଛି। ଏହି ପୋଷ୍ଟ ମାଧ୍ୟମରେ ବି ସେ କିଛି ତଥ୍ୟ ଉପରୁ ପରଦା ଉଠାଇଥିବା କୁହାଯାଉଛି। ଇର୍ଫାନଙ୍କ ପୁଅ ଲେଖିଛନ୍ତି ସବୁ ଲେଖକ କିଛି ଲେଖିବା ପୂର୍ବରୁ ଚିନ୍ତା କରି ଥାଆନ୍ତି, ହେଲେ ମୁଁ ଲେଖକ ନୁହେଁ କି ଚିନ୍ତା କରି କିଛି ଲେଖିନାହିଁ। ସେ ସମସ୍ତ ଖବରଦାତା ଓ ଅନ୍ୟମାନଙ୍କ ବିଷୟରେ ଜାଣିବାକୁ ଇଚ୍ଛା ରଖୁଥିବା ସମସ୍ତ ବ୍ୟକ୍ତିଙ୍କୁ ଅନୁରୋଧ କରିଛନ୍ତି କି ସଞ୍ଜୁ ଭାଇଙ୍କ ସ୍ବାସ୍ଥ୍ୟକୁ ନେଇ ଦୟାକରି ଅନୁମାନ ଲଗାଇବା କମ୍ କରନ୍ତୁ। ଅବଶ୍ୟ ଏହା ଆପଣଙ୍କ କାମ ହେଲେ ସମସ୍ତଙ୍କ ମଧ୍ୟରେ ମାନବିକତା ବଞ୍ଚି ରହିଛି। ତେଣୁ ସଞ୍ଜୁ ଭାଇ ଓ ତାଙ୍କ ପରିବାରକୁ ଏଥିପାଇଁ ଆବଶ୍ୟକ ସମୟ ଦିଆଯାଉ। ଇର୍ଫାନଙ୍କ ପୁଅ କହିଛନ୍ତି ଯେତେବେଳେ ତାଙ୍କ ପିତାଙ୍କୁ କ୍ୟାନସର ହୋଇଥିବା କଥା ଜଣାପଡିଥିଲା ସେତେବେଳେ ସହଯୋଗର ହାତ ବଢାଇଥିବା ବ୍ୟକ୍ତିଙ୍କ ମଧ୍ୟରେ ସଞ୍ଜୁ ଭାଇ ଥିଲେ ପ୍ରଥମ। ଏମିତିକି ପିତାଙ୍କ ବିୟୋଗ ପରେ ବି ସେ ସଞ୍ଜୁ ଭାଇ ପ୍ରଥମେ ତାଙ୍କ ନିକଟରେ ଠିଆ ହୋଇଥିଲେ ବୋଲି କହିଛନ୍ତି ଇର୍ଫାନଙ୍କ ପୁଅ। ସେ କହିଛନ୍ତି ବିନା ଗଣମାଧ୍ୟମ ଚାପରେ ସଞ୍ଜୁ ଭାଇଙ୍କୁ ଚିକିତ୍ସିତ ହେବାକୁ ଦିଆଯାଉ। ସମସ୍ତେ ଜାଣିଛନ୍ତି ସେ ହେଉଛନ୍ତି ଟାଇଗର। ଏହି ରେସ୍ରେ ବି ସେ ଜିତିବେ ଓ ପୁଣିଥରେ ଆପଣମାନଙ୍କୁ କିଛି ହିଟ୍ ମୁଭି ଭେଟି ଦେବେ। ସୂଚନାଯୋଗ୍ୟ, ବଲିଉଡ୍ ଅଭିନେତା ଇର୍ଫାନ ଖାଁ ୨୦୧୮ରେ କ୍ୟାନସରରେ ପୀଡ଼ିତ ହେବା ପରେ ଦୀର୍ଘ ଦିନ ଧରି ଲଣ୍ଡନରେ ଚିକିତ୍ସିତ ହୋଇଥିଲେ। ହେଲେ ୨୦୧୯ରେ କ୍ୟାନସରରେ ହିଁ ତାଙ୍କର ମୃତ୍ୟୁ ହୋଇଥିଲା।
