ତେହରାନ, ୨୫ା୫: ଆସନ୍ତା ୧୧ ତାରିଖରୁ ଆରମ୍ଭ ହେବାକୁଥିବା ଫିଫା ବିଶ୍ୱକପ୍ ଲାଗି ଇରାନ ପକ୍ଷରୁ ଦଳର ଟ୍ରେନିଂ କ୍ୟାମ୍ପ ଆମେରିକାରୁ ମେକ୍ସିକୋକୁ ସ୍ଥାନାନ୍ତର କରିବା ଲାଗି କରାଯାଇଥିବା ଅନୁରୋଧକୁ ଫିଫା ଆନୁଷ୍ଠାନିକ ଭାବେ ମଞ୍ଜୁରୀ ପ୍ରଦାନ କରିଛି।
ଏଥିଯୋଗୁ ଇରାନ ଆମେରିକାର ଆରିଜୋନା ବଦଳରେ ମେକ୍ସିକୋର ତିଜୁଆନାଠାରେ ଟ୍ରେନିଂ କ୍ୟାମ୍ପ କରିବ। ଆମେରିକାରେ ଟ୍ରାଭେଲ କଟକଣା ଓ ଭିଜା ସମ୍ପର୍କିତ ସମସ୍ୟାକୁ ନେଇ ଇରାନ ପକ୍ଷରୁ ଚିନ୍ତା ପ୍ରକଟ କରାଯାଇଥିଲା।
ଫିଫାର ଏହି ନିଷ୍ପତ୍ତି ସମ୍ପର୍କରେ ଫୁଟବଲ ଫେଡେରେଶନ ଇସ୍ଲାମିକ ରିପବ୍ଲିକ ଅଫ୍ ଇରାନ (ଏଫ୍ଏଫ୍ଆଇଆର୍ଆଇ) ସଭାପତି ମେହଦି ତାଜ କହିଛନ୍ତି। ତିଜୁଆନାଠାରେ କ୍ୟାମ୍ପ କରିବା ଦ୍ୱାରା ଦଳୀୟ ଖେଳାଳିଙ୍କ ଟ୍ରାଭେଲ ବ୍ୟବସ୍ଥା ସରଳ ହୋଇପାରିବ ଏବଂ ଇରାନ ଏଆର ଦ୍ୱାରା ପରିଚାଳତ ଫ୍ଲାଇଟ୍ର ଫାଇଦା ମଧ୍ୟ ନେଇପାରିବ। ତିଜୁଆନା ଆମେରିକା ସୀମାନ୍ତ ସାନ ଡିଏଗୋ ସହର ନିକଟତର ହୋଇଥିବାରୁ ଇରାନ ଦଳ ମାତ୍ର ଏକ ଘଣ୍ଟ ମଧ୍ୟରେ ଗ୍ରୁପ ମ୍ୟାଚ୍ ପାଇଁ ଲସଏଞ୍ଜେଲ୍ସ ପହଞ୍ଚିପାରିବ।