ତେହେରାନ,୨୪।୧୦: ଇରାନରେ ଏକ ଅଭାବନୀୟ ଘଟଣା ଘଟିଛି। ଏକ ପ୍ରଦେଶର ରାଜ୍ୟପାଳ ମଞ୍ଚ ଉପରେ ଭାଷଣ ଦେଉଥିବା ବେଳେ ତାଙ୍କ ସାମ୍ନାରେ ବସିଥିବା ଜଣେ ବ୍ୟକ୍ତି ହଠାତ୍ ମଞ୍ଚ ଉପରକୁ ଉଠି ତାଙ୍କୁ ଚାପୁଡ଼ା ମାରିଥିଲେ। ସେଠାରେ ଉପସ୍ଥିତ ଥିବା ଏହା ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ପରେ ପଚରାଉଚରା ବେଳେ ଆକ୍ରମଣର କାରଣ ଜଣାପଡିଥିଲା। ରିପୋର୍ଟ ଅନୁଯାୟୀ, ନିକଟରେ ବ୍ରିଗ ଜେନେରାଲ ଆବେଦ୍ଦିନ ଖୋରାମଙ୍କୁ ଇରାନର ପୂର୍ବ ଆଜେରବାଇଜାନ ପ୍ରଦେଶରେ ରାଜ୍ୟପାଳ କରାଯାଇଛି। ଏକ କାର୍ଯ୍ୟକ୍ରମରେ ଭାଷଣ ଦେବା ପାଇଁ ସେ ମଞ୍ଚ ଉପରକୁ ଯାଇଥିଲେ। ସେ ତାଙ୍କ ଭାଷଣ ଆରମ୍ଭ କରିବା ମାତ୍ରେ ଜଣେ ବ୍ୟକ୍ତି ମଞ୍ଚକୁ ଆସି ତାଙ୍କୁ ଜୋରରେ ଚାପୁଡ଼ା ମାରିଥିଲେ। ଚାପୁଡ଼ା ଶବ୍ଦ ଏତେ ଜୋରରେ ଥିଲା ଯେ ଏହା ମାଇକ୍ରେ ରେକର୍ଡ ହୋଇ ହଲରେ ପ୍ରତିଧ୍ୱନିତ ହୋଇଥିଲା।
ରାଜ୍ୟପାଳଙ୍କୁ ଆକ୍ରମଣ କରାଯିବା ମାତ୍ରେ ତାଙ୍କ ସୁରକ୍ଷା କର୍ମୀମାନେ ସଙ୍ଗେ ସଙ୍ଗେ ମଞ୍ଚରେ ପହଞ୍ଚି ସମ୍ପୃକ୍ତ ବ୍ୟକ୍ତିଙ୍କୁ ବାହରକୁ ନେଇଯାଇଥିଲେ। କିଛି ସମୟ ପରେ ରାଜ୍ୟପାଳ ପୁନର୍ବାର ମଞ୍ଚକୁ ଆସି ତାଙ୍କ ଭାଷଣ ସମାପ୍ତ କଲେ। ରାଜ୍ୟପାଳ ଖୋରାମ କହିଛନ୍ତି, ମୁଁ ତାଙ୍କୁ ଆଦୌ ଜାଣି ନାହିଁ, କିନ୍ତୁ ଆପଣ ବୋଧହୁଏ ତାଙ୍କୁ ଜାଣିଛନ୍ତି। ଯେତେବେଳେ ମୁଁ ସିରିଆରେ ଥିଲି, ମୋର ଶତ୍ରୁମାନେ ମୋତେ ଦିନକୁ ୧୦-୧୦ ଥର ମାଡ ମାରୁଥିଲେ। ସେ ମୋ ମୁଣ୍ଡରେ ଏକ ଭାରୀ ବନ୍ଧୁକ ଧରି ଆସୁଥିଲେ। ତଥାପି ମୁଁ ସେମାନଙ୍କୁ କ୍ଷମା କରିଦେଇଥିଲି।ତେଣୁ ମୋତେ ଚାପୁଡ଼ା ମାରିଥିବା ବ୍ୟକ୍ତିଙ୍କୁ ମଧ୍ୟ ମୁଁ କ୍ଷମା କରୁଛି।
ପୋଲିସର ପଚରାଉଚରା ବେଳେ ଆକ୍ରମଣକାରୀ ଜଣେ ସୁରକ୍ଷାକର୍ମୀ ବୋଲି ଜଣା ପଡିଥିଲା। ପଚରାଉଚରା ବେଳେ ସେ କହିଥିଲେ ଯେ, ଜଣେ ପୁରୁଷ ନର୍ସ ତାଙ୍କ ସ୍ତ୍ରୀଙ୍କୁ କରୋନା ଟିକା ଦେଇଛନ୍ତି। ଏହା କରି ନର୍ସ ତାଙ୍କ ସ୍ତ୍ରୀଙ୍କୁ ଛୁଇଁଲେ। ସେ ଏଥିରେ ଅତ୍ୟଧିକ ରାଗିଯାଇ ସରକାରର ମୁଖ୍ୟ ଭାବରେ ରାଜ୍ୟପାଳଙ୍କୁ ଏକ ଶିକ୍ଷା ଦେବାକୁ ଚାହୁଁଥିଲେ।
