ତେହରାନ୍,୮।୪: ୪୦ ଦିନ ପରେ ଆମେରିକା ଏବଂ ଇରାନ ମଧ୍ୟରେ ଦୁଇ ସପ୍ତାହର ଅସ୍ତ୍ରବିରତି ଘୋଷଣା କରାଯାଇଛି। ଏହା ପରେ ଇରାନ ଉତ୍ସବମୁଖର ହୋଇ ଉଠିଛି। ତେହରାନ୍ର ଲୋକମାନେ ଇରାନୀ ପତାକା ଧରି ରାସ୍ତାକୁ ଓହ୍ଲାଇ ଖୁସି ମନାଇଛନ୍ତି। ଇରାନ ବ୍ୟତୀତ ଇସ୍ରାଏଲରେ ମଧ୍ୟ ଏହି ଅସ୍ତ୍ରବିରତି ସମ୍ପର୍କରେ ସତର୍କତା ଜାରି କରାଯାଇଛି। ବର୍ତ୍ତମାନ ଏପ୍ରିଲ ୧୦ ତାରିଖରେ ପାକିସ୍ତାନରେ ଅସ୍ତ୍ରବିରତି ସମ୍ପର୍କରେ ଏକ ବୈଠକ ଅନୁଷ୍ଠିତ ହେବ।
ଫେବୃଆରୀ ୨୮ ତାରିଖରେ ଆମେରିକା ଏବଂ ଇସ୍ରାଏଲ ମିଳିତ ଭାବରେ ଇରାନ ଉପରେ ଆକ୍ରମଣ କରିଥିଲେ। ଏହି ଆକ୍ରମଣରେ ଇରାନର ସର୍ବୋଚ୍ଚ ନେତା ଖାମେନେଇଙ୍କ ସମେତ ଅନେକ ପ୍ରମୁଖ ନେତା ଏବଂ ଅଧିକାରୀ ପ୍ରାଣ ହରାଇଥିଲେ। ଏହା ପରେ ଇରାନ ଏକ ପ୍ରମୁଖ ଜଳପଥ ହର୍ମୁଜ ପ୍ରଣାଳୀକୁ ବନ୍ଦ କରିଦେଲା। ୟୁରୋପ ଏବଂ ଏସିଆର ଅନେକ ଦେଶ ଅଶୋଧିତ ତୈଳ ଏବଂ ଏଲପିଜି ଯୋଗାଣରେ ସମସ୍ୟାର ସମ୍ମୁଖୀନ ହୋଇଥିଲେ।
