ନୂଆଦିଲ୍ଲୀ,୨୨।୩: ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) IPL 2025 ପାଇଁ ଆଣ୍ଡି ଫ୍ଲାୱାରଙ୍କୁ ମୁଖ୍ୟ ପ୍ରଶିକ୍ଷକ ଭାବରେ ବଜାୟ ରଖିଛି। ଆଣ୍ଡି ଫ୍ଲାୱାର ଜଣେ ଅଭିଜ୍ଞ ପ୍ରଶିକ୍ଷକ ଯିଏ ଅନେକ ଅନ୍ତର୍ଜାତୀୟ ଏବଂ ଫ୍ରାଞ୍ଚାଇଜ ଦଳକୁ ସଫଳତାର ନେତୃତ୍ୱ ଦେଇଛନ୍ତି। କିନ୍ତୁ ଆପଣ କ’ଣ ଜାଣନ୍ତି ଯେ ସେ RCBର ମୁଖ୍ୟ ପ୍ରଶିକ୍ଷକ ଭାବରେ ସେ କେତେ ଦରମା ପାଉଛନ୍ତି? ଆସନ୍ତୁ ଜାଣିବା…
ରିପୋର୍ଟ ଅନୁସାରେ, ଆଣ୍ଡି ଫ୍ଲାୱାର RCBରେ ମୁଖ୍ୟ ପ୍ରଶିକ୍ଷକ ଭୂମିକା ନିଭାଇ ପ୍ରତି ସିଜିନରେ ପ୍ରାୟ 4-5 କୋଟି ଟଙ୍କା ଦରମା ପାଉଛନ୍ତି। ତାଙ୍କର ପୂର୍ବ ଅଭିଜ୍ଞତା ଏବଂ ଦଳକୁ ଉତ୍ତମ ରଣନୀତି ପ୍ରଦାନ କରିବାର କ୍ଷମତାକୁ ବିଚାରକୁ ନେଇ ଏହି ପରିମାଣ ସ୍ଥିର କରାଯାଇଛି। IPLରେ ମୁଖ୍ୟ ପ୍ରଶିକ୍ଷକଙ୍କ ଦରମା ଫ୍ରାଞ୍ଚାଇଜର ନୀତି ଏବଂ ପ୍ରଶିକ୍ଷକଙ୍କ ଅଭିଜ୍ଞତା ଉପରେ ଆଧାର କରି ସ୍ଥିର କରାଯାଏ।
ଆଣ୍ଡି ଫ୍ଲାୱାର ଜଣେ ପୂର୍ବତନ ଜିମ୍ବାୱେ କ୍ରିକେଟର ଏବଂ ପ୍ରଶିକ୍ଷକ। ସେ ବିଶ୍ୱର ସର୍ବୋତ୍ତମ ୱିକେଟକିପର-ବ୍ୟାଟସମ୍ୟାନଙ୍କ ମଧ୍ୟରୁ ଜଣେ ଏବଂ ଇଂଲଣ୍ଡ କ୍ରିକେଟ ଦଳର ପ୍ରଶିକ୍ଷକ ଭାବରେ ମଧ୍ୟ କାର୍ଯ୍ୟ କରିଛନ୍ତି।
RCBର ପୂର୍ବ ପ୍ରଶିକ୍ଷକ ଏବଂ ସେମାନଙ୍କ ଦରମା
ଗତ କିଛି ବର୍ଷ ମଧ୍ୟରେ RCB ଅନେକ ମୁଖ୍ୟ ପ୍ରଶିକ୍ଷକଙ୍କୁ ପରିବର୍ତ୍ତନ କରିଛି। ଆସନ୍ତୁ ଦେଖିବା ପୂର୍ବତନ ପ୍ରଶିକ୍ଷକମାନେ କେତେ ଦରମା ପାଉଥିଲେ:
ସାଇମନ କାଟିଚ (୨୦୨୦-୨୦୨୧) ପ୍ରତି ସିଜିନରେ ୪ କୋଟି ଟଙ୍କା
ଗ୍ୟାରି କର୍ଷ୍ଟେନ (୨୦୧୯) ପ୍ରତି ସିଜିନରେ ୫ କୋଟି ଟଙ୍କା
ଡାନିଏଲ ଭିଟୋରି (୨୦୧୪-୨୦୧୮) ପ୍ରତି ସିଜିନ ପାଇଁ ୩.୫ କୋଟି ଟଙ୍କା
ଖେଳାଳିମାନଙ୍କ ପରି ପ୍ରଶିକ୍ଷକମାନେ ମଧ୍ୟ ସମାନ ଦରମା ପାଆନ୍ତି କି?
IPLରେ ମୁଖ୍ୟ ପ୍ରଶିକ୍ଷକଙ୍କ ଦରମା ସାଧାରଣତଃ ଶ୍ରେଷ୍ଠ ଖେଳାଳିଙ୍କ ଦରମା ଅପେକ୍ଷା କମ ଥାଏ। ଉଦାହରଣ ସୱରୂପ, RCB ଅଧିନାୟକ ରଜତ ପତିଦାର ପ୍ରତି ସିଜନରେ ପ୍ରାୟ 12 କୋଟି ଟଙ୍କା ପାଆନ୍ତି, ଯେତେବେଳେ ମୁଖ୍ୟ ପ୍ରଶିକ୍ଷକଙ୍କ ଦରମା ଏଥିରୁ କମ। ତଥାପି, ଦଳର ପ୍ରଦର୍ଶନକୁ ଉନ୍ନତ କରିବାରେ ତାଙ୍କର ଭୂମିକା ବହୁତ ଗୁରୁତ୍ୱପୂର୍ଣ୍ଣ।
