ଅହମ୍ମଦାବାଦ୍,୨୯।୫: ଆଇପିଏଲ ୧୫ର ଫାଇନାଲ ଆଜି ରାଜସ୍ଥାନ ରୟାଲ୍ସ (ଆରଆର) ଏବଂ ଗୁଜରାଟ ଟାଇଟାନ୍ସ (ଜିଟି) ମଧ୍ୟରେ ଖେଳାଯାଉଛି। ଏହି ମ୍ୟାଚ ପୂର୍ବରୁ ଅହମ୍ମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଆଇପିଏଲ ୨୦୨୨ର ସମାପନ ସମାରୋହ ଆୟୋଜିତ ହୋଇଛି। ଏହି ସମାରୋହରେ ବଲିଉଡ୍ ଗୀତିକାର ଏ.ଆର୍ ରେହମାନ ଏବଂ ଅଭିନେତା ରଣବୀର ସିଂଙ୍କ ଜଲଓ୍ବା ଦେଖିବାକୁ ମିଳିଥିଲା। ଆଇପିଏଲରେ ୩ ବର୍ଷ ପରେ ବନ୍ଦ ସମାରୋହ ଆୟୋଜିତ ହୋଇଛି। କରୋନା ମହାମାରୀ ହେତୁ ଗତ ୩ ବର୍ଷ ହେବ ଏହି ସମାରୋହ ହୋଇ ନ ଥିଲା।
ସମାପନ ସମାରୋହ ୪୫ ମିନିଟ ଧରି ଚାଲିଥିଲା। ଭାରତୀୟ କ୍ରିକେଟ ଇତିହାସର ଝଲକ ଦେଖାଇ ଏ.ଆର୍ ରହମାନ ନିଜର ଶକ୍ତିଶାଳୀ ସ୍ବରରେ ଜୟ ହୋ ଗାଇ ସମସ୍ତଙ୍କୁ ଆକର୍ଷିତ କରିଥିଲେ। ତାଙ୍କ ସହ ଗାୟକ ମୋହିତ ଚୌହାନ ଏବଂ ନୀତି ମୋହନ ମଧ୍ୟ ଥିଲେ। ସେହିପରି ରଣବୀର ସେ କେଜିଏଫ ସମେତ ଅନେକ ଫିଲ୍ମ ଗୀତରେ ନୃତ୍ୟ କରିଥିଲେ।
ଆଇପିଏଲ ୨୦୨୨ର ଅନ୍ତିମ ମ୍ୟାଚରେ ବିସିସିଆଇ ସଭାପତି ସୌରଭ ଗାଙ୍ଗୁଲି, ଉପରାଷ୍ଟ୍ରପତି ରାଜୀବ ଶୁକ୍ଲା, ସଚିବ ଜୟ ଶାହା, ସମେତ ବିସିସିଆଇର ଉଚ୍ଚ ସ୍ତରୀୟ ଅଧିକାରୀମାନେ ଯୋଗଦେଇଥିଲେ। ଏହାସହ ବଲିଉଡ୍ ଅଭିନେତା ଅକ୍ଷୟ କୁମାର ମଧ୍ୟ ମ୍ୟାଚ୍ ଦେଖିବା ପାଇଁ ଷ୍ଟାଡିୟମରେ ଉପସ୍ଥିତ ଅଛନ୍ତି।
