ଦୁବାଇ,୧୪।୧୦; ଆଇପିଏଲ ୨୦୨୦ରେ ଦିଲ୍ଲୀ କ୍ୟାପିଟାଲ୍ସ ଦଳ ଚମତ୍କାର ପ୍ରଦର୍ଶନ କରୁଛି। ପଏଣ୍ଟ ଟେବୁଲ ଶୀର୍ଷରେ ମୁମ୍ବାଇ ଇଣ୍ଡିଆନ୍ସ ପରେ ଦିଲ୍ଲୀ ଦ୍ୱିତୀୟ ସ୍ଥାନରେ ରହିଛି। ଶ୍ରେୟାସ ଆୟରଙ୍କ ନେତୃତ୍ୱରେ ଏହି ଦଳ ଏପର୍ଯ୍ୟନ୍ତ ୭ଟି ମ୍ୟାଚ ମଧ୍ୟରୁ ୫ଟି ଜିତିଛି। ଦଳ ଜବରଦସ୍ତ ଫର୍ମରେ ଅଛି। ଚଳିତ ସିଜନରେ ଆଇପିଏଲ ଇତିହାସର ଦ୍ୱିତୀୟ ସଫଳ ଦଳ ଚେନ୍ନାଇ ସୁପର କିଙ୍ଗ୍ସକୁ ପରାସ୍ତ କରିବା ପରେ ଫ୍ରାଞ୍ଚାଇଜ ପକ୍ଷରୁ ଖେଳାଳିଙ୍କୁ ଏକ ସରପ୍ରାଇଜ୍ ଦିଆଯାଇଥିଲା। ଏହା ଦେଖି କିଛି ଖେଳାଳିଙ୍କ ଆଖିରେ ଲୁହ ଆସିଯାଇଥିଲା। ଖେଳାଳିଙ୍କ ପରିବାରର ଭିଡିଓ ବାର୍ତ୍ତା ପରଦାରେ ପ୍ରଦର୍ଶିତ ହୋଇଥିଲା। ଦିଲ୍ଲୀ କ୍ୟାପିଟାଲ୍ସ ତାରକା ଖେଳାଳି ଶିମ୍ରନ ହେଟମିୟର ହଠାତ୍ ତାଙ୍କ ଗର୍ଲଫ୍ରେଣ୍ଡର ସାମ୍ନା କରିଥିଲେ। ଗର୍ଲଫ୍ରେଣ୍ଡଙ୍କୁ ଦେଖି କାନ୍ଦି ପକାଇଲେ ଶିମ୍ରନ। ମ୍ୟାଚ୍ରେ ଭଲ ପ୍ରଦର୍ଶନ କରି ନ ଥିବା କ୍ଲିପ୍ଗୁଡିକ ଗୁଡିକୁ ଦେଖିବା ପାଇଁ ସମସ୍ତ ଖେଲାଳି ଏବଂ ସପୋର୍ଟ ଷ୍ଟାଫ୍ଙ୍କୁ ଡକାଯାଇଥିଲା। ଏଠାରେ ଖେଳାଳିଙ୍କ ପରିବାରର ଭିଡିଓ ବାର୍ତ୍ତା ପରଦାରେ ପ୍ରଦର୍ଶିତ ହୋଇଥିଲା। ଦିଲ୍ଲୀ କ୍ୟାପିଟାଲ୍ସ ମଧ୍ୟ ଏହି ଭିଡିଓକୁ ଶେୟାର କରିଛି।
