ଭୁବନେଶ୍ୱର,୧୬ା୧୧: ବେଦାନ୍ତ ଆଲୁମିନିୟମର ଝାରସୁଗୁଡ଼ା ପ୍ଲାଣ୍ଟରେ ଜଳ ଖର୍ଚ୍ଚ କମ୍ କରିବା ପାଇଁ ଇଣ୍ଟରନେଟ୍ ଅଫ୍ ଥିଙ୍ଗସ୍ (ଆଇଓଟି) ପ୍ରଯୁକ୍ତିକୁ ନିୟୋଜିତ କରାଯାଇଛି। ଯେହେତୁ ପାୱାର ପ୍ଲାଣ୍ଟ ପାଇଁ କୁଲିଂ ୱାଟରର ଆବଶ୍ୟକତା ରହୁଛି, ସେଥିପାଇଁ ଉକ୍ତ ପ୍ରଯୁକ୍ତି ଦ୍ୱାରା ରିୟଲ ଟାଇମ ଅପରେଶନାଲ ଡାଟା ସହ ଉପଯୁକ୍ତ ଜଳ ସଂରକ୍ଷଣ ହୋଇପାରିବ। ବିଶେଷକରି କମ୍ପାନୀ ଏହି ପ୍ରଯୁକ୍ତି ଦ୍ୱାରା ଉନ୍ନତ ଜଳ ସଂରକ୍ଷଣ ସାଙ୍ଗକୁ ଜଳର ଗୁଣବତ୍ତା, ମାପିବା ଓ କ୍ଷୟ ହ୍ରାସ ଏବଂ ଅନ୍ୟାନ୍ୟ କାର୍ଯ୍ୟକ୍ଷମ ମାପଦଣ୍ଡଗୁଡ଼ିକ ମଧ୍ୟ ପୂରଣ କରିପାରିବ। ଏ ସମ୍ପର୍କରେ ବେଦାନ୍ତ ଲିମିଟେଡ୍ର ସିଇଓ (ଆଲୁମିନିୟମ ବିଜ୍ନେସ୍) ରାହୁଲ ଶର୍ମା କହିଛନ୍ତି, କମ୍ପାନୀ ଆଲୁମିନିୟମ ଉତ୍ପାଦନ କ୍ଷେତ୍ରରେ ବୃହତ୍ ନିର୍ମାତା ହୋଇଥିବାରୁ ଆମେ ଭବିଷ୍ୟତକୁ ଆଖି ଆଗରେ ରଖି ଉପତ୍ାଦନ କରୁଛୁ। ଆମର କାର୍ଯ୍ୟକୁ ଅଧିକ ବିକାଶଶୀଳ ଓ ନିର୍ଭରଯୋଗ୍ୟ କରିବା ଲାଗି ଆମକୁ ଅତ୍ୟାଧୁନିକ ଜ୍ଞାନକୌଶଳର ଆବଶ୍ୟକତା ରହିଛି। ଡିଜିଟାଇଜେଶନ ପ୍ରୋଗ୍ରାମକୁ ତ୍ୱରାନ୍ବିତ କରିବା ଲାଗି ସବୁକ୍ଷେତ୍ରରେ ଉତ୍କର୍ଷ ପ୍ରତିପାଦନ କରିବାକୁ ହେବ।
ବେଦାନ୍ତ ଷ୍ଟାର୍ଟ ଅପ୍ ଇନ୍କ୍ୟୁବେଟର ମାଧ୍ୟମରେ କମ୍ପାନୀ ନୂଆ ଯୁଗର ଷ୍ଟାର୍ଟଅପ ସହ ଉପତ୍ାଦନରେ ନୂତନତା ଓ ଡିଜିଟାଇଜେସନ ଶକ୍ତି ବ୍ୟବହାର କରୁଛି। ବ୍ୟବସାୟିକ ବିଷୟରେ ଯେଉଁଠାରେ ଷ୍ଟାର୍ଟଅପ୍ଗୁଡ଼ିକ ଦକ୍ଷତାଠାରୁ ଆରମ୍ଭକରି ଶକ୍ତି ସଂରକ୍ଷଣ ସମାଧାନ, ଜଳ, ବର୍ଜ୍ୟବସ୍ତୁ ପରିଚାଳନା ପ୍ରଭୃତି କାର୍ଯ୍ୟ ସହ ଜଡ଼ିତ। ଏହା ଭାରତର ଉପତ୍ାଦନ ଦୃଶ୍ୟପଟରେ ଏକ ମୌଳିକ ପରିବର୍ତ୍ତନ ଆଣିବା ସହ ବିକଶିତ ଦେଶଗୁଡ଼ିକୁ ପ୍ରେରଣା ଯୋଗାଇବ।
