ଇସଲାମାବାଦ,୨୯।୯: ପାକିସ୍ତାନର ପୂର୍ବତନ ଅଧିନାୟକ ଇଞ୍ଜାମାମ-ଉଲ-ହକ ସ୍ପଷ୍ଟ କରିଛନ୍ତି ଯେ ତାଙ୍କର ହୃଦଘାତ ହୋଇ ନ ଥିଲା ଏବଂ ନିୟମିତ ଯାଞ୍ଚ ପାଇଁ ଡାକ୍ତରଙ୍କ ନିକଟକୁ ଯାଇଥିଲେ। ସେ କହିଥିଲେ ଯେ, ତାଙ୍କୁ ହୃଦଘାତ ହୋଇନାହିଁ, କିନ୍ତୁ ପେଟ ହେତୁ ତାଙ୍କୁ ଆଞ୍ଜିଓପ୍ଲାଷ୍ଟି କରିବାକୁ ପଡିଲା। ଭବିଷ୍ୟତରେ ହୃଦୟକୁ ବିପଦରୁ ରକ୍ଷା କରିବା ପାଇଁ ଅସ୍ତ୍ରୋପଚାର କରାଯାଇଥିଲା ବୋଲି ଇଞ୍ଜାମାମ କହିଛନ୍ତି।
ଇଞ୍ଜାମାମ କହିଛନ୍ତି ଯେ, ମୋର ସ୍ବାସ୍ଥ୍ୟ ପାଇଁ ପ୍ରାର୍ଥନା କରିଥିବାରୁ ମୁଁ ସମସ୍ତଙ୍କୁ ଧନ୍ୟବାଦ ଦେବାକୁ ଚାହୁଁଛି। ଗଣମାଧ୍ୟମର ରିପୋର୍ଟ ଅନୁଯାୟୀ, ଗତ ୩ ଦିନ ଧରି ଇଞ୍ଜାମାମ ଛାତିରେ ଯନ୍ତ୍ରଣା ଅନୁଭବ କରୁଥିଲେ। ପ୍ରାରମ୍ଭିକ ଅନୁସନ୍ଧାନରେ ସେ ଭଲ ଥିବା ଜଣାପଡିଛି। କିନ୍ତୁ ସୋମବାର ଯେତେବେଳେ ତାଙ୍କୁ ପୁନଃ ଯାଞ୍ଚ କରାଯାଇଥିଲା ସେତେବେଳେ ଜଣାପଡିଥିଲା ଯେ ସେ ହୃଦଘାତରେ ପୀଡିତ ଥିଲେ। ଏହା ପରେ ତାଙ୍କୁ ଅସ୍ତ୍ରୋପଚାର ପାଇଁ ଲାହୋରର ଏକ ଡାକ୍ତରଖାନାକୁ ନେବାକୁ ପଡିଥିଲା।