ନୂଆଦିଲ୍ଲୀ,୭।୩: ଗତ କିଛିଦିନ ହେବ ବିଭିନ୍ନ କାରଣ ପାଇଁ ଦଲାଲ ଷ୍ଟ୍ରିଟ୍ରେ କାରବାର ମାନ୍ଦା ରହୁଥିଲା। ଏପରିକି ଗତ ସପ୍ତାହର କାରବାରରେ ମଧ୍ୟ ପରିବର୍ତ୍ତନ ହେଉଥିଲା। ବିଶେଷକରି ଚଳିତ ସପ୍ତାହର ପ୍ରଥମ କାର୍ଯ୍ୟଦିବସରେ ନିବେଶକମାନେ ଲକ୍ଷାଧିକ ଟଙ୍କାର ସମ୍ପତ୍ତି ବୃଦ୍ଧି କରାଇପାରିଛନ୍ତି। ସେହିଭଳି ସୋମବାର ସେନ୍ସେକ୍ସ ପ୍ରାୟ ୪୧୬ ପଏଣ୍ଟ ବଢ଼ି ଥିବା ବେଳେ ନିଫ୍ଟି ମଧ୍ୟ ପ୍ରାୟ ୧୧୭ ବୃଦ୍ଧି ସହ କାରବାର ବନ୍ଦ କରିଥିଲା। ଏପରିକି ଶେୟାର ବଜାରର ସୂଚନା ଅନୁଯାୟୀ ଦିନକ ମଧ୍ୟରେ ନିବେଶକମାନେ ପ୍ରାୟ ୨.୧୨ ଲକ୍ଷ କୋଟି ଟଙ୍କାର ସମ୍ପତ୍ତି ବଢ଼ିଛି। ସେହିପରି ସୋମବାର ଷ୍ଟକ୍ ବଜାରର କାରବାରରେ ପାୱାର ଏବଂ ୟୁଟିଲିଟି କ୍ଷେତ୍ରର ଶେୟାରଗୁଡିକରେ ବ୍ୟାପକ ଅଭିବୃଦ୍ଧି ଦେଖିବାକୁ ମିଳିଛି। ଏହାଛଡ଼ା ବିଏସ୍ଇ ସେନ୍ସେକ୍ସରେ ଅଏଲ ଆଣ୍ଡ ଗ୍ୟାସ୍, ଆଇଟି ଏବଂ ଟେକ୍ କମ୍ପାନୀର ଶେୟାର ସୂଚକାଙ୍କ ମଧ୍ୟ ୧% ବଢ଼ିଛି। ବିଶେଷକରି ବିଏସ୍ଇର ମିଡ୍କ୍ୟାପ୍ ଏବଂ ସ୍ମଲକ୍ୟାପ୍ ଇଣ୍ଡେକ୍ସ ମଧ୍ୟ ଯଥାକ୍ରମେ ୦.୭୪% ଏବଂ ୦.୯୦% ବୃଦ୍ଧି ସହ ବଜାର କାରବାର ବନ୍ଦ ହୋଇଛି। ଉଲ୍ଲେଖଯୋଗ୍ୟ, ବିଏସ୍ଇର ତାଲିକାଭୁକ୍ତ କମ୍ପାନୀଗୁଡ଼ିକର ମୋଟ ବଜାର ପୁଞ୍ଜି ସୋମବାର ୨.୧୨ ଲକ୍ଷ କୋଟି ବଢ଼ି ୨୬୫.୫୪ ଲକ୍ଷ କୋଟି ଟଙ୍କାରେ ପହଞ୍ଚତ୍ଛି। ଏପରିକି ଏହାର ପୂର୍ବ କାରବାର (ଶୁକ୍ରବାର) ଫଳାଫଳରେ ୨୬୩.୪୨ ଲକ୍ଷ କୋଟି ଟଙ୍କା ରହିଥିଲା। ଏହିପରି ବିଏସ୍ଇରେ ଲିଷ୍ଟେଡ୍ କମ୍ପାନୀଗୁଡିକର ମାର୍କେଟ୍ କ୍ୟାପ୍ ସୋମବାର ପ୍ରାୟ ୨.୦୭ ଲକ୍ଷ କୋଟି ଟଙ୍କା ବଢିଛି। ଗତ ୨ଦିନରେ ବିଏସ୍ଇର ସମସ୍ତ କମ୍ପାନୀର ମାର୍କେଟ୍ କ୍ୟାପ୍ ପ୍ରାୟ ୫.୫ଲକ୍ଷ କୋଟି ଟଙ୍କା ବଢ଼ିଛି। ବିଶେଷକରି ଗତ ୨ ଦିନ ମଧ୍ୟରେ ବିଏସ୍ଇର ୩୦ ଶେୟାର ବିଶିଷ୍ଟ ସୂଚକାଙ୍କ ସେନ୍ସେକ୍ସ ପ୍ରାୟ ୧,୩୦୦ ଅଙ୍କ ବଢ଼ିଛି। ଫଳରେ ଶେୟାର ବଜାର ନିବେଶକଙ୍କ ସମ୍ପତ୍ତି ଗତ ୨ଦିନରେ ପ୍ରାୟ ୫.୫ ଲକ୍ଷ କୋଟି ଟଙ୍କା ବଢ଼ିଛି। ଅପରପକ୍ଷରେ ନିଫ୍ଟି-୫୦ରେ ମଧ୍ୟ ୧୧୭ ପଏଣ୍ଟ ବଢ଼ି ୧୭,୭୧୧ ଅଙ୍କରେ ବନ୍ଦ ହୋଇଛି।
