ମୁମ୍ବାଇ,୫।୧୦: ଅନ୍ତଃରାଷ୍ଟ୍ରୀୟ ଘଟଣାବଳୀ ଓ ଭୂ-ରାଜନୈତିକ ବାତାବରଣ ଯୋଗୁ ଭାରତୀୟ ପୁଞ୍ଜି ବଜାର ଓ ଷ୍ଟକ ମାର୍କେଟ କାରବାରରେ ଏକ ପ୍ରକାରର ବଡ ଧରଣର ପ୍ରଭାବ ପଡିଛି। ଏପରିକି ଶେୟାର ବଜାରର ନିବେଶକ ଦିନକରେ (ସୋମବାର) ୬ ଲକ୍ଷ କୋଟିରୁ ଅଧିକ ଟଙ୍କାର ନିବେଶ ବା ପୁଞ୍ଜି ହରାଇଛନ୍ତି।
ଅପରପକ୍ଷରେ କ୍ରମାଗତ ଭାବେ ଶେୟାର ବଜାରର କାରବାରରେ ପରିବର୍ତ୍ତନ ଘଟୁଛି। ଏପରିକି ଚଳିତ ସପ୍ତାହର ପ୍ରଥମ ଦିନରେ ବମ୍ବେ ଷ୍ଟକ ଏକ୍ସଚେଞ୍ଜ (ବିଏସଇ) ଏବଂ ନ୍ୟାଶନାଲ ଷ୍ଟକ ଏକ୍ସଚେଞ୍ଜ (ଏନଏସଇ) ର କାରବାରରେ ହ୍ରାସ ଘଟିଛି। ଫଳରେ ୩୦ ଶେୟାର ବିଶିଷ୍ଠ ବିଏସଇ ସେନସେକ୍ସର କାରବାର ପ୍ରାୟ ୪୪୨ ପଏଣ୍ଟ କମି ୭୮,୭୮୨.୨୪ ଅଙ୍କରେ ଥିଲାବେଳେ ଏନଏସଇ ନିଫ୍ଟି କାରବାରରେ ମଧ୍ୟ ୧.୨୭% ହ୍ରାସ ଘଟି ପ୍ରାୟ ୨୪,୦୦୦ (୨୩,୯୯୫.୩୫ ଅଙ୍କ) ଅଙ୍କର ନିକଟବର୍ତ୍ତୀ ହୋଇଥିଲା।
ଉଲ୍ଲେଖଯୋଗ୍ୟ, ସୋମବାର ଶେୟାର ବଜାରର କାରବାର ଶେଷ ସୁଦ୍ଧା ବଜାର ପୁଞ୍ଜି ପ୍ରାୟ ୪୪୨ ଲକ୍ଷ କୋଟିରେ ପହଞ୍ଚିଥିଲା। ଏପରିକି ପୂର୍ବ କାରବାର (ଶୁକ୍ରାବାର) ଶେଷ ସୁଦ୍ଧା ବଜାର ପୁଞ୍ଜି ପ୍ରାୟ ୪୪୮ ଲକ୍ଷ କୋଟି ଥିଲାବେଳେ ସୋମବାର କାରବାର ଶେଷ ସୁଦ୍ଧା ନିବେଶକମାନେ ୬ଲକ୍ଷ କୋଟିରୁ ଅଧିକ ଟଙ୍କାର ନିବେଶ ହରାଇବାରୁ ବଜାର ପୁଞ୍ଜି ୪୪୨ ଲକ୍ଷ କୋଟିରେ ପହଞ୍ଚିଥିଲା।
ସେହିଭଳି ୩୦ଶେୟାର ବିଶିଷ୍ଟ ବିଏସଇ ସେନସେକ୍ସର ମିଡକ୍ୟାପ କାରବାରରେ ୧.୩% ହ୍ରାସ ଘଟିଥିଲାବେଳେ ସ୍ମଲକ୍ୟାପର କାରବାରରେ ୧.୬୫% କମିଥିଲା। ଏପରିକି ଏନଏସଇ ନିଫ୍ଟର ମିଡକାପ କାରବାରରେ ୧.୨୬% କମି ୫୫,୭୮୪.୫୫ ଅଙ୍କରେ ପହଞ୍ଚିଥିଲାବେଳେ ସ୍ମଲକ୍ୟାପ କାରବାରରେ ମଧ୍ୟ ୨.୦୪% ହ୍ରାସ ଘଟି ୮୯୦୨.୫୦ ଅଙ୍କରେ ରହିଥିଲା। ସେହିପରି ନିଫ୍ଟି ବ୍ୟାଙ୍କିଙ୍ଗ କାରବାର ୪୫୮.୬୫ ପଏଣ୍ଟ କମି ୫୧,୨୧୫.୨୫ ଅଙ୍କରେ ବନ୍ଦ ହୋଇଥିଲା।
ଶେୟାର ବଜାରରେ ହ୍ରାସ
ଦିନକ ପରେ ପୁଣି ଥରେ ଘରୋଇ ଶେୟାର ବଜାର କାରବାରରେ ପରିବର୍ତ୍ତନ ଘଟିଛି। ଏପରିକି ଚଳିତ ସପ୍ତାହର ପ୍ରଥମ କାର୍ଯ୍ୟ ଦିବସର ଫଳାଫଳ ଅନୁଯାୟୀ ଶେୟାର ବଜାରର ନିବେଶକମାନେ ଲକ୍ଷାଧିକ ଟଙ୍କାର ନିବେଶ ହରାଇଛନ୍ତି। ବିଶେଷକରି ସୋମବାର ବମ୍ବେ ଷ୍ଟକ୍ ଏକ୍ସଚେଞ୍ଜ (ବିଏସ୍ଇ)ର ସେନସେକ୍ସ ପ୍ରାୟ ୯୪୨ (୯୪୧.୮୮) ପଏଣ୍ଟ କମି ୭୮,୭୮୨(୭୮,୭୮୨.୨୪) ଅଙ୍କରେ କାରବାର ବନ୍ଦ କରିଥିଲା। ସେହିଭଳି ନ୍ୟାଶନାଲ ଷ୍ଟକ ଏକ୍ସଚେଞ୍ଜ (ଏନ୍ଏସ୍ଇ) ର ନିଫ୍ଟି-୫୦ ରେ ମଧ୍ୟ ୩୦୯ (୩୦୯.୦୦) ପଏଣ୍ଟ ହ୍ରାସ ଘଟି ୨୩,୯୯୫ (୨୩,୯୯୫.୩୫) ଅଙ୍କରେ କାରବାର ଶେଷ ହୋଇଥିଲା। ଅପରପକ୍ଷରେ ବିଏସଇ ସେନସେକ୍ସର ମିଡକ୍ୟାପ୍ ଓ ସ୍ମଲକ୍ୟାପ୍ ଶେୟାରଗୁଡିକର ଇଣ୍ଡେକ୍ସ ସହିତ ଏନଏସଇ ନିଫ୍ଟି ମିଡକ୍ୟାପ,ସ୍ମଲକ୍ୟାପ ଏବଂ ବ୍ୟାଙ୍କ ଶେୟାରଗୁଡିକର କାରବାରରେ ପରିବର୍ତ୍ତନ ହୋଇଛି। ଏପରିକି ଶେୟାର ବଜାରର ସେକ୍ଟୋରାଲ ଇଣ୍ଡେକ୍ସ କାରବାରରେ ମଧ୍ୟ ହ୍ରାସ ଘଟିଛି।
