ରସୁଲପୁର,୨୮ା୧୧(ଡି.ଏନ୍.ଏ.): ଯାଜପୁର ଜିଲା ରସୁଲପୁର ବ୍ଲକ ଅନ୍ତର୍ଗତ ବଡ଼କଇଞ୍ଚତ୍ ପଞ୍ଚାୟତ ଡିଅକଇଞ୍ଚତ୍ ଗ୍ରାମର ୨୬ ବର୍ଷୀୟ ଯୁବକ ମଙ୍ଗୁଳି ବାରିକ ସ୍ଥାନୀୟ ଅଞ୍ଚଳରେ ଜଣେ ଯୁବ ଉଦ୍ୟୋଗୀ ଭାବେ ପରିଚିତ। ତାଙ୍କ ସଫଳତା ଯୁବପିଢ଼ି ପାଇଁ ପ୍ରେରଣାର ଉତ୍ସ। ଅନ୍ତଃବସ୍ତ୍ର ତିଆରି କାରଖାନା ତାଙ୍କୁ ସ୍ବତନ୍ତ୍ର ପରିଚୟ ଦେଇଛି। ସେ ଦିନମଜୁରିଆ ଭାବେ କାମ କରି ପରିବାର ପ୍ରତିପୋଷଣ କରୁଥିଲେ। ଏବେ ସେ ନିଯୁକ୍ତିଦାତା ସାଜିଛନ୍ତି। ନିଜସ୍ବ ଉଦ୍ୟମରେ ପ୍ରତିଷ୍ଠା କରିଥିବା ତାଙ୍କ କାରଖାନାରେ ପୁରୁଷ ମହିଳାଙ୍କ ପାଇଁ ଉତ୍ପାଦିତ ସାମଗ୍ରୀକୁ ବିଭିନ୍ନ ଦୋକାନରେ ବିକ୍ରି କରି ଆତ୍ମନିର୍ଭରଶୀଳ ହୋଇପାରିଛନ୍ତି। ତାଙ୍କ କାରଖାନାରେ ସେ ୮ ଯୁବତୀ ଯୁବକଙ୍କୁ ନିଯୁକ୍ତି ଦେଇଛନ୍ତି। ସେ ତାଙ୍କ ଆର୍ଥତ୍କ ସ୍ଥିତି ସୁଧାରିବାରେ ସଫଳ ହେବା ସହ ଅନ୍ୟ ପରିବାରକୁ ରୋଜଗାର ଯୋଗାଇ ଦେବାରେ ସକ୍ଷମ ହୋଇ ପାରିଛନ୍ତି। ତାଙ୍କର ଏହି ଉଦ୍ୟମକୁ ସାଧାରଣରେ ପ୍ରଶଂସା କରାଯାଉଛି। ଯୁବପିଢ଼ି ମଙ୍ଗୁଳିଙ୍କ ଭଳି ଉଦ୍ଯୋଗୀ ହୋଇପାରିଲେ ପରିବାର ଓ ଦେଶର ଆର୍ଥତ୍କ ସ୍ଥିତିରେ ସୁଧାର ଆସିପାରନ୍ତା ବୋଲି କୁହାଯାଉଛି।
ମଧୁବନ ସରକାରୀ ଉଚ୍ଚ ବିଦ୍ୟାଳୟରେ ପାଠ ପଢୁଥିଲେ ମଙ୍ଗୁଳି। ପରିବାରର ଆର୍ଥତ୍କସ୍ଥିତ ଅତ୍ୟନ୍ତ ଖରାପ ଥିଲା। ତେଣୁ ତାଙ୍କୁ ଅଧାରୁ ପାଠ ଛାଡ଼ିବାକୁ ପଡ଼ିଥିଲା। ୨୦୧୧ରୁ ସେ ପାଠପଢ଼ା ଛାଡ଼ି ମଧୁବନ ଅଞ୍ଚଳରେ ଥିବା ଏକ ଗଞ୍ଜି ଫ୍ୟାକ୍ଟ୍ରିରେ ଦିନମଜୁରିଆ ଭାବେ କାର୍ଯ୍ୟ କରୁଥିଲେ। ସେଥିରୁ ଯାହା ପାରିଶ୍ରମିକ ମିଳୁଥିଲା, ସେତକ ଘର ଚଳିବାରେ ଲାଗୁଥିଲା। ବଡ଼ ଭଉଣୀଙ୍କ ଅକାଳ ମୃତ୍ୟୁ ପରେ ଘରର ସମସ୍ତ ଚାପ ତାଙ୍କ ମୁଣ୍ଡ ଉପରେ ଥିଲା। ବାପା ଗୋକୁଳ ବାରିକ ଜଣେ କ୍ଷୁଦ୍ରଚାଷୀ। ସେ ଯାହା ରୋଜଗାର କରୁଥିଲେ, ସେଥିରେ ପରିବାର ଚଳିବା ସମ୍ଭବ ହେଉ ନ ଥିଲା। ତେଣୁ ରୋଜଗାର ପନ୍ଥା ଆପଣେଇବା ପାଇଁ ମଙ୍ଗୁଳି କାମ ଶିଖିବାକୁ ଭଦ୍ରକ ଚାଲି ଯାଇଥିଲେ। ସେଠାରେ ଏକ କାରଖାନରେ କାମ ଶିଖି ଘରକୁ ଫେରିଲେ। ପରେ ଗାଁ ମହାଜନଙ୍କଠାରୁ ଟଙ୍କା ସୁଧରେ ଆଣି ଏକ ଆଜ୍ବେଷ୍ଟସ ଘର ନିର୍ମାଣ କଲେ। ସେହି ଘରେ ୨ଟି ମେଶିନ ସହାୟତାରେ ଅନ୍ତଃବସ୍ତ୍ର ତିଆରି ଆରମ୍ଭ କଲେ। ଏହାଛଡ଼ା ଛୋଟ ପିଲାଙ୍କ ଟ୍ରାକ୍ ସୁଟ୍, ହାଫ୍ ପ୍ୟାଣ୍ଟ୍ ଆଦି ତିଆରି କରିବା ଆରମ୍ଭ କରିଛନ୍ତି। ମଙ୍ଗୁଳିଙ୍କୁ ଅଧିକ ପୁଞ୍ଜିର ଆବଶ୍ୟକତା ପଡ଼ିବାରୁ ସେ ବ୍ୟାଙ୍କରୁ ଋଣ ଆଣି କାରଖାନାରେ ବିନିଯୋଗ କରିଛନ୍ତି। ତାଙ୍କ ସିଲାଇ ମେଶିନ ସଂଖ୍ୟା ୮ରେ ପହଞ୍ଚତ୍ଛି। ମଙ୍ଗୁଳି ସାମଗ୍ରୀ ବିକ୍ରି ଦାୟିତ୍ୱ ନେଇଛନ୍ତି। ବେକାର ଯୁବତୀଙ୍କୁ ମାସିକ ୪/୫ ହଜାର ଟଙ୍କା ଦରମା ଦେବା ସହ ସେମାନଙ୍କୁ ମାଗଣା ପ୍ରଶିକ୍ଷଣ ଦେଉଛନ୍ତି। ମଙ୍ଗୁଳିଙ୍କ ଏହିଭଳି ପ୍ରୟାସ ଯୁବତୀଙ୍କୁ ଆତ୍ମନିର୍ଭରଶୀଳ ହେବାର ରାସ୍ତା ଦେଖାଉଛି। ମାସିକ ୩୦ ହଜାରରୁ ଊର୍ଦ୍ଧ୍ୱ ଟଙ୍କା ରୋଜଗାର କରିବାରେ ସେ ସକ୍ଷମ ହୋଇପାରୁଛନ୍ତି। ମଙ୍ଗୁଳି ତାଙ୍କ ପରିବାରକୁ ସୁରୁଖୁରୁରେ ଚଳାଇ ପାରୁଛନ୍ତି। ବ୍ୟବସାୟିକ ଆୟରୁ ସେ ଘର କରିଛନ୍ତି। ୨ଲକ୍ଷ ଟଙ୍କାରୁ ବ୍ୟବସାୟ ଆରମ୍ଭ କରିଥିବା ମଙ୍ଗୁଳିଙ୍କ ବ୍ୟବସାୟ ପ୍ରତିଷ୍ଠାନର ମୂଳ ପୁଞ୍ଜି ଏବେ ୫ଲକ୍ଷରୁ ଊର୍ଦ୍ଧ୍ୱ ଟଙ୍କା ହେବ ବୋଲି ଆକଳନ କରାଯାଉଛି। ମଙ୍ଗୁଳି କାରଖାନା କଳେବର ବଢ଼ାଇବା ସହ ଅଧିକରୁ ଅଧିକ ବେରୋଜଗାର ଯୁବତୀ ଯୁବକଙ୍କୁ ନିଯୁକ୍ତି ଦେବାକୁ ଲକ୍ଷ୍ୟ ରଖିଛନ୍ତି। ତାଙ୍କୁ ସରକାରୀ ପ୍ରୋତ୍ସାହନ ମିଳିଲେ ସେ ଗ୍ରାମାଞ୍ଚଳ ଯୁବତୀ ଯୁବକଙ୍କ ସଫଳ ନିଯୁକ୍ତିଦାତା ହୋଇପାରନ୍ତେ ବୋଲି କୁହାଯାଉଛି।
