ଉଦ୍‌ଘାଟନ ସରିଛି, କାର୍ଯ୍ୟକାରୀ ହେଉନି

ସମ୍ବଲପୁର,୩ା୧୨ (ଭବାନୀ ଶଙ୍କର ଭୋଇ)ରାସ୍ତାଘାଟରେ ବଜାର ବସିବା କାରଣରୁ ସମ୍ବଲପୁରର ସର୍ବପୁରାତନ ଗୋଳବଜାର ସଙ୍କୁଚିତ ହୋଇଯାଇଛି। ଏଥିପାଇଁ ଟ୍ରାଫିକ ସମସ୍ୟା ଏଠାକାର ନିତିଦିନିଆ ସମସ୍ୟା ଭାବେ ଉଭା ହୋଇଥାଏ। ଏହାକୁ ଦୃଷ୍ଟିରେ ରଖି ମହାନଗର ନିଗମ ପକ୍ଷରୁ ପୁରୁଣା ଗୋଲବଜାର ଭିତରେ ଉଦ୍ୟୋଗ ବିହାର ନାମରେ ନୂତନ କୋଠା ନିର୍ମାଣ କରାଯାଇଛି। ଗତ ଗଣେଶ ପୂଜା ଅବସରରେ ଏହାକୁ ଉଦ୍‌ଘାଟନ ମଧ୍ୟ କରାଯାଇଛି। ଏହି କୋଠାର ପ୍ରଥମ ମହଲାରେ ମୋଟ ୨୫ଟି ଦୋକାନ ଘର ତିଆରି ହୋଇଛି। କୋଠା ସାମ୍‌ନାରେ ବସୁଥିବା ୮ଜଣ ଦୋକାନୀଙ୍କୁ ପ୍ରଥମେ ନୂଆ କୋଠାକୁ ସ୍ଥାନାନ୍ତର କରାଯିବାର ଯୋଜନା ରହିଛି। ହେଲେ ଏହି କାର୍ଯ୍ୟ ବର୍ତ୍ତମାନ ପର୍ଯ୍ୟନ୍ତ ହୋଇପାରି ନାହିଁ।
ଉଦ୍‌ଘାଟନ ସମୟରେ ମହାନଗର ନିଗମ କୋଠା ସାମ୍‌ନାରେ ଥିବା ୮ ଦୋକାନକୁ ସ୍ଥାନାନ୍ତର କରିବା ପାଇଁ ନିର୍ଦ୍ଦେଶ ଦେଇଥିଲା। ହେଲେ ସେ ସମୟରେ ଦୋକାନୀମାନେ ଦଶହରା ସମୟରେ ଦୋକାନ ପରିବର୍ତ୍ତନ କଲେ ବିକ୍ରିରେ ପ୍ରଭାବ ପଡିବ ବୋଲି କହି ୧୫ଦିନ ସମୟ ମାଗିଥିଲେ। ଏହି ସମୟ ଅତିକ୍ରାନ୍ତ ହୋଇଥିଲେ ମଧ୍ୟ ଦୋକାନୀମାନେ ନବ ନିର୍ମିତ ଉଦ୍ୟୋଗ ବିହାର କୋଠାକୁ ଦୋକାନ ସ୍ଥାନାନ୍ତର କରି ଯାଇନାହାନ୍ତି। ଏ ନେଇ ଦୋକାନୀ ସଂଘ ଅଧ୍ୟକ୍ଷ ରମାକାନ୍ତ ମେହେର କହନ୍ତି, ନବନିର୍ମିତ କୋଠା ନିର୍ମାଣ କାମ ସରିଥିବା ନେଇ ମହାନଗର ନିଗମ ପକ୍ଷରୁ ଆମକୁ ସୂଚନା ଦିଆଯିବା ସହ ଯଥାଶୀଘ୍ର ଦୋକାନ ସ୍ଥାନାନ୍ତର କରିବାକୁ କୁହାଯାଇଛି। ହେଲେ ତଳମହଲା ପାର୍କିଂ ଏରିଆରେ ଏବେ ବି ଆଣ୍ଠୁଏ ପାଣି ଜମୁଛି। ପ୍ରଥମ ମହଲା କାମ ସରିଥିବା ବେଳେ ଉପର ପଟେ ଖୋଲା ରହିଛି। ଏହାଦ୍ୱାରା ଚୋର ପଶି ଚୋରି କରିବା ଆଶଙ୍କା ରହିଛି। ଏହାଛଡା ସ୍ବତନ୍ତ୍ର ଶୌଚାଳୟ ଆଦିର ବ୍ୟବସ୍ଥା କରାଯାଇ ନ ଥିବାରୁ ଦୋକାନୀମାନେ ହଇରାଣ ହେବା ଆଶଙ୍କା ରହିଛି। ଏସବୁ ସମସ୍ୟା ସମାଧାନ ନ ହେଲେ ଦୋକାନୀମାନେ କିଭଳି ଦୋକାନ ସ୍ଥାନାନ୍ତର କରିବେ ବୋଲି ସେ ପ୍ରଶ୍ନ କରିଛନ୍ତି। ଏ ସମ୍ପର୍କରେ ସମ୍ବଲପୁର ମହାନଗର ନିଗମ କମିଶନର ବେଦଭୁଷଣଙ୍କୁ ପଚାରିବାରୁ ସେ କହିଛନ୍ତି, ତଳ ମହଲାରେ ପାଣି ଜମିଥିବା ଦେଖିଛି। ହେଲେ ସାମ୍‌ନାରେ ଥିବା ପୁରୁଣା ଦୋକାନ ଘର ଭଙ୍ଗା ନ ଗଲେ ଡ୍ରେନ ନିର୍ମାଣ କରାଯାଇ ପାରିବ ନାହିଁ। ସେଥିପାଇଁ ସାମ୍‌ନାରେ ଥିବା ଦୋକାନୀମାନଙ୍କ ସହ ଆଲୋଚନା କରାଯାଇ ସେମାନଙ୍କୁ ନୂଆ କୋଠାକୁ ଦେକାନ ସ୍ଥାନାନ୍ତର କରିବାକୁ ବୁଝାଯାଇଛି। ଦୋକାନୀମାନେ ସ୍ଥାନାନ୍ତର କରିବା ପରେ ଖୁବ୍‌ଶୀଘ୍ର ଡ୍ରେନ୍‌ ନିର୍ମାଣ କରାଯିବ ଓ ତଳ ମହଲାର ପାଣି ସୁବିଧାରେ ନିଷ୍କାସନ ହୋଇପାରିବ। ଏହାଛଡା ସେମାନେ ଜଣାଇଥିବା ଅନ୍ୟାନ୍ୟ ସମସ୍ୟା ସମାଧାନ ପାଇଁ ମହାନଗର ନିଗମ ଚିନ୍ତା କରୁଛି। ଦୋକାନ ସ୍ଥାନାନ୍ତର ହେବା ପରେ ବାକି ଦୋକାନ ବଣ୍ଟନ କରାଯିବ ବୋଲି କମିଶନର କହିଛନ୍ତି ।


Enter your email to get our daily news in your inbox.

All Right Reserved By Dharitri.Com

ଆଜିଠୁ ଯୋରନ୍ଦା ମେଳା, ୨୦ହଜାର ସାଧୁସନ୍ଥ-ଶ୍ରଦ୍ଧାଳୁଙ୍କ ସମାଗମ

ଢେଙ୍କାନାଳ,୨୨।୨: ଆଜିଠୁ ଆରମ୍ଭ ହେଉଛି ବିଶ୍ୱ ପ୍ରସିଦ୍ଧ ଯୋରନ୍ଦା ମେଳା । ଏଥିପାଇଁ ସଜେଇ ହୋଇଛି ଢେଙ୍କାନାଳ ଜିଲାର ଯୋରନ୍ଦା ମହିମା ଗାଦି ପୀଠ। ଯୋରନ୍ଦା...

ଅବଧି ସରିଲାଣି, ପାଣି ମିଳୁନି

ଯାଜପୁର,୨୨ା୨(ହର୍ଷବର୍ଦ୍ଧନ ବେହେରା) :ଯାଜପୁର ଜିଲାରେ ମୋଟ ୧୫୯୭ ଗ୍ରାମ ମଧ୍ୟରୁ ପ୍ରାୟ ୫୦୦ ଗ୍ରାମରେ ପାଇପ୍‌ ଯୋଗେ ପାନୀୟ ଜଳ ଯୋଗାଣ କରାଯାଉଛି। ଅବଶିଷ୍ଟ ଗ୍ରାମରେ...

ପ୍ରାଣୀଧନ ଚିକିତ୍ସା ପ୍ରତି ଅବହେଳା

ପଟ୍ଟାମୁଣ୍ଡାଇ, ୨୨ା୨(କଳ୍ପତରୁ ନାୟକ)ଗ୍ରାମୀଣ ଅର୍ଥନୀତିକୁ ସୁଦୃଢ଼ କରିବା ପାଇଁ ସରକାର ପ୍ରାଣୀଧନ ପାଳନକୁ ପ୍ରୋତ୍ସାହନ ଦେଉଛନ୍ତି। ଏଥିପାଇଁ ଚାଷୀମାନଙ୍କୁ ବ୍ୟାଙ୍କ ଜରିଆରେ ଋଣ ସହାୟତା ଯୋଗାଇ...

ଛାତ୍ର ନେତାଙ୍କୁ ଦଳରୁ ତଡିଲା ବିଜେଡି, ହତ୍ୟା ମାମଲାରେ ହୋଇଥିଲେ ଗିରଫ

ଗଜପତି,୨୨।୨: ଜଣେ ବୃଦ୍ଧାଙ୍କୁ ହତ୍ୟା ମାମଲାରେ ଗିରଫ ଛାତ୍ର ବିଜେଡି ନେତାଙ୍କୁ ନିଲମ୍ବନ କରିଛି ଦଳ । ଗଜପତି ଜିଲା ପାରଳାଖେମୁଣ୍ଡି କରଣସାହିର ସରୋଜିନୀ ପଟ୍ଟନାୟକ...

ଆଜି ଓଡିଶା ଆସୁଛନ୍ତି ରାଜନାଥ ସିଂ

ଭୁବନେଶ୍ୱର,୨୨।୨: ଓଡିଶା ଗସ୍ତରେ ଆସୁଛନ୍ତି କେନ୍ଦ୍ର ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ । ଦିନିକିଆ ଗସ୍ତରେ ଆସି ରାଜନାଥ ବିଭିନ୍ନ କାର୍ଯ୍ୟକ୍ରମରେ ଯୋଗ ଦେବେ ।...

ଆଜି କ୍ୟାବିନେଟ: ଏସବୁ ପ୍ରସ୍ତାବ ଉପରେ ଲାଗିପାରେ ମୋହର

ଭୁବନେଶ୍ୱର,୨୨ା୨(ଅନିଲ ଦାସ):ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଲୋକସେବା ଭବନଠାରେ ଗୁରୁବାର ସନ୍ଧ୍ୟା ୬ଟା ୩୦ ମିନିଟରେ ରାଜ୍ୟ କ୍ୟାବିନେଟର ଗୁରୁତ୍ୱପୂର୍ଣ୍ଣ ବୈଠକ ଅନୁଷ୍ଠିତ ହେବ। ଏହି...

ଏବର୍ଷ ଅଧିକ ଗରମ: ହୋଇଯାନ୍ତୁ ସତର୍କ

ଭୁବନେଶ୍ୱର, ୨୨।୨(ଅସମାପିକା ସାହୁ):ମାଘରେ ମୁଣ୍ଡଫଟା ଖରା। ଉପାନ୍ତଠାରୁ ଉପକୂଳ ପର୍ଯ୍ୟନ୍ତ ସବୁଠି ପାରଦ ଉପରମୁହାଁ। ସକାଳ ୧୦ଟା ପରେ ଘରୁ ବାହାରିବାକୁ ବି ଡର। ପ୍ରବଳ...

ହାତୀ ବେକରେ ଲାଗିଲା ରେଡିଓ କଲାର, ଓଡ଼ିଶାରେ ପ୍ରଥମ

ଛେଣ୍ଡିପଦା,୨୧।୨(ଅଜିତ ଧଳ): ଅନୁଗୋଳ ଜିଲା ଛେଣ୍ଡିପଦା ବନାଞ୍ଚଳରେ ଗୁଳିବିଦ୍ଧ ଦନ୍ତାହାତୀକୁ ବନବିଭାଗ ତତ୍ତ୍ୱାବଧାନରେ ୫ଦିନ ଧରି ୩ଟି ଡାକ୍ତରୀ ଦଳ ଚିକିତ୍ସା କରିବା ପରେ ବୁଧବାର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri