କେନ୍ଦୁଝର, ୬।୮(ସ୍ବ.ପ୍ର.)-କେନ୍ଦୁଝର ଜିଲା ମୁଖ୍ୟାଳୟର ସାୈନ୍ଦର୍ଯ୍ୟକରଣ ନାମରେ ଖର୍ଚ୍ଚ ହେଉଛି କୋଟି କୋଟି ଟଙ୍କା। କିନ୍ତୁ ସହରର ଡ୍ରେନେଜ, ରାସ୍ତାଘାଟକୁ ସଫେଇ କରାଯାଉ ନ ଥିବାରୁ ସ୍ଥାନୀୟ ବାସିନ୍ଦା ନର୍କଯନ୍ତ୍ରଣା ଭୋଗୁଛନ୍ତି। ଅନ୍ୟପକ୍ଷରେ ମଶାମାଛିଙ୍କ ପ୍ରଦୁର୍ଭାବରେ ସହରବାସୀ ଅତିଷ୍ଠ ହୋଇପଡିଲେଣି। ଏବେ ରାଜ୍ୟରେ ଡେଙ୍ଗୁ ବ୍ୟାପୁଥିବାରୁ ଲୋକେ ଭୟଭୀତ ହୋଇପଡୁଛନ୍ତି। ଗତ ୩ ବର୍ଷ ହେଲା ମଶା ତେଲ କିଣାଯାଇ ନ ଥିବାରୁ ମଶା ନିରାକରଣ ଯୋଜନା ଫେଲ୍ ମାରିଛି ା କେବଳ ବଡବଡିଆ ବାବୁଙ୍କ ଘରେ ମଶା ଧୂଆଁ ସ୍ପ୍ରେ କରି ଦାୟିତ୍ୱ ଶେଷ କରିଦିଆଯାଉଛି ବୋଲି ପୂର୍ବତନ ପାୈରାଧ୍ୟକ୍ଷ ପ୍ରଭଞ୍ଜନ ପଟ୍ଟନାୟକ କହିଛନ୍ତି ା
ମ୍ୟାଲେରିଆପ୍ରବଣ କେନ୍ଦୁଝର ସହରର ବିଭିନ୍ନ ସାହି, ବସ୍ତିରେ ମାସ ମାସ ଧରି ବିଭିନ୍ନ ନାଳନର୍ଦ୍ଦମାରେ ପାଣି ଜମା ହୋଇରହୁଛି। ପୋଖରୀଗୁଡିକର ପାଣି ବିଶୋଧନ କିମ୍ବା ସଫେଇ ହେଉ ନ ଥିବାରୁ ସେସବୁ ମଧ୍ୟ ମଶାମାଛିଙ୍କ ଉପତ୍ତ୍ତିସ୍ଥଳ ପାଲଟିଛି। ଦିନରାତି ମଶାଙ୍କ ଦାଉରୁ ଲୋକମାନେ ଘର ଭିତରେ ବସିପାରୁନାହାନ୍ତି ବୋଲି ଆଇନଜୀବୀ ଅଶୋକ ଦାସ କହିଛନ୍ତି ା ଏନେଇ ବାରମ୍ବାର ଅଭିଯୋଗ କଲେ ମଧ୍ୟ ମଶା ତେଲ ପକାଯାଉନାହିଁ କିମ୍ବା ମଶା ଧୂଆଁ ଛଡା ଯାଉ ନ ଥିବାରୁ ସାହିବାସୀ ପ୍ରତିବାଦ କରିବାକୁ ଏକଜୁଟ ହେଉଛନ୍ତି ା ମଶା ପରିଚାଳନାରେ ପାୈରପ୍ରଶାସନ ଫେଲ୍ ମାରୁଥିବାରୁ ଏନେଇ ପ୍ରତିବାଦ କରାଯିବ ବୋଲି ଜିଲା ସମ୍ପାଦକ ଶିବ କୁମାର ରାଠୋର କହିଛନ୍ତି ା
ଦୁଇଟି ଗାଡି ସହିତ ମଶା ସ୍ପ୍ରେ ଓ ଦୁଇଟି ହାତରେ ପରିଚାଳିତ ସ୍ପ୍ରେ ଭଳି ମେଶିନ ପାୈରପାଳିକା ଅଫିସରେ ଖତ ଖାଇବାକୁ ବସିଥିଲେ ହେଁ ବ୍ୟବହାର ହୋଇପାରୁନାହିଁ। ସେସବୁ ମରାମତି ଅଭାବରୁ ଖରାପ ହୋଇପଡିଥିବା ବିଭାଗୀୟ କର୍ମଚାରୀମାନେ ସଫେଇ ଦେଉଛନ୍ତି ା କିନ୍ତୁ ଡିଏମଏଫରୁ କୋଟି କୋଟି ଟଙ୍କା ସାୈନ୍ଦର୍ଯ୍ୟକରଣ, ନୂଆ ମେଶିନ କିଣାରେ ଖର୍ଚ୍ଚ କରାଯାଉଛି ଅଥଚ ସେସବୁ ମେଶିନର ମରାମତି କରାଯାଉ ନ ଥିବାରୁ ପାୈରପ୍ରଶାସନର ପାରିବାପଣିଆ ଉପରେ ସହରବାସୀ ପ୍ରଶ୍ନ ଉଠାଇଛନ୍ତି। ଜିଲା ସହରାଞ୍ଚଳ ଉନ୍ନୟନ ସଂସ୍ଥା ପ୍ରକଳ୍ପ ନିର୍ଦ୍ଦେଶକ ଘାସିନାଥ ମୁର୍ମୁ କହିଛନ୍ତି, ମ୍ୟାଲେରିଆ ଓ ଡେଙ୍ଗୁ ନିରାକରଣ ପାଇଁ ପାୈର ପ୍ରଶାସନ ପଦକ୍ଷେପ ନେବା ଜରୁରୀ ା ତେବେ କାହିଁକି ମଶା ତେଲ କିଣାଯାଉନାହିଁ ଓ ସ୍ପ୍ରେ ହେଉନାହିଁ ସେନେଇ ଆଶ୍ଚର୍ଯ୍ୟ ବ୍ୟକ୍ତ କରିବା ସହ ପଦକ୍ଷେପ ନେବେ ବୋଲି କହିଛନ୍ତି ା
