ନୂଆଦିଲ୍ଲୀ,୧୮।୧: ଭାଜପା ଏମ୍ପି ତେଜସ୍ବୀ ସୂର୍ଯ୍ୟ ଇଣ୍ଡିଗୋ ବିମାନର ଜରୁରୀକାଳୀନ ଦ୍ୱାର ଖୋଲିବା ପ୍ରସଙ୍ଗରେ କେନ୍ଦ୍ର ବିମାନ ଚଳାଚଳ ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ନିଜ ମତ ରଖିଛନ୍ତି। ଏନେଇ ସେ କହିଛନ୍ତି, ତଥ୍ୟକୁ ଦେଖିବା ଆବଶ୍ୟକ। ବିମାନଟି ରନ୍ଓ୍ବେରେ ଥିବାବେଳେ ଜରୁରୀକାଳୀନ ଦ୍ୱାର ଭୁଲବଶତଃ ଖୋଲା ଯାଇଥିଲା ଏବଂ ସମସ୍ତ ଯାଞ୍ଚ ପରେ ବିମାନ ଉଡ଼ାଣକୁ ଅନୁମତି ଦିଆଯାଇଥିଲା। ଏହି ଭୁଲ ପାଇଁ ସେ କ୍ଷମା ମାଗିଛନ୍ତି।
ସୂଚନାଯୋଗ୍ୟ, ଡିସେମ୍ବର ୧୦, ୨୦୨୨ରେ ଇଣ୍ଡିଗୋ ବିମାନରେ ବୋର୍ଡିଂ ପ୍ରକ୍ରିୟା ଚାଲିଥିବାବେଳେ ଜଣେ ଯାତ୍ରୀ ହଠାତ୍ ବିମାନର ଜରୁରୀକାଳୀନ ଦ୍ୱାର ଖୋଲିଥିଲେ। ଯାତ୍ରୀ ଏଥିପାଇଁ ତୁରନ୍ତ କ୍ଷମା ମାଗିଥିଲେ। ଏହା ପରେ ସମସ୍ତ ପ୍ରକାର ଯାଞ୍ଚ ପରେ ବିମାନଟି ଉଡ଼ିଗଲା। ଏହି ଘଟଣା ଯୋଗୁ ବିମାନ ବିଳମ୍ବ ହୋଇଥିଲା। ତେବେ ଏହି ଦାବି ଖୋଲିବା ପାଇଁ ବିମାନ କିମ୍ବା ଡିଜିସିଏ ଦ୍ୱାରା ଯାତ୍ରୀଙ୍କ ନାମ ପ୍ରକାଶ କରାଯାଇ ନ ଥିଲା। କିନ୍ତୁ ବିମାନରେ ଥିବା ଅନ୍ୟ ଜଣେ ଯାତ୍ରୀ ଭୁଲ କରିଥିବା ଯାତ୍ରୀ ଜଣଙ୍କ ଭାଜପା ଏମ୍ପି ତେଜସ୍ବୀ ସୂର୍ଯ୍ୟ ବୋଲି କହିଥିଲେ। ଏହା ପରେ କଂଗ୍ରେସ, ଏଆଇଏମଏମ ଏବଂ ଟିଏମସି ଭାଜପାକୁ ଟାର୍ଗେଟ୍ କରିଥିଲେ।
