ଭୁବନେଶ୍ୱର,୧୫।୬(ଅନୁରାଧା ମହାରଣା): ୨୦୨୪ ମେ’ରେ ଭାରତର ମୋଟ ରପ୍ତାନି ୧୦.୨୫ ପ୍ରତିଶତ ବୃଦ୍ଧି ପାଇବ। ୨୦୨୪ ଏପ୍ରିଲ-ମେ ମଧ୍ୟରେ ଭାରତର ମୋଟ ରପ୍ତାନି ୧୩୩.୬୧ ବିଲିୟନ ଡଲାର ହେବ ବୋଲି ଆକଳନ କରାଯାଇଛି, ଯାହା ୯.୨୧ ପ୍ରତିଶତ ଅଭିବୃଦ୍ଧି ଦର୍ଶାଉଛି। ଏପ୍ରିଲ-ମେ ୨୦୨୪ ମଧ୍ୟରେ ମୋଟ ଆମଦାନୀ ୧୪୯.୯୨ ବିଲିୟନ ଡଲାର ହେବ ବୋଲି ଆକଳନ କରାଯାଇଛି, ଯାହା ୯.୯୩ ପ୍ରତିଶତ ଅଭିବୃଦ୍ଧି ଦର୍ଶାଉଛି। ୨୦୨୪ ମେ’ରେ ଦ୍ରବ୍ୟ ରପ୍ତାନି ୯.୧୦ ପ୍ରତିଶତ ବୃଦ୍ଧି ହୋଇ ୩୮.୧୩ ବିଲିୟନ ଡଲାରରେ ପହଞ୍ଚିଥିବାବେଳେ ମେ ୨୦୨୩ରେ ଏହା ୩୪.୯୫ ବିଲିୟନ ଡଲାର ରହିଥିଲା। ୨୦୨୪ ମେ’ରେ ସାମଗ୍ରୀ ଆମଦାନୀ ୬୧.୯୧ ବିଲିୟନ ଡଲାରରେ ଥିବାବେଳେ ୨୦୨୩ ମେ’ରେ ଏହା ୫୭.୪୮ ବିଲିୟନ ଡଲାର ଥିଲା। ୨୦୨୪ ଏପ୍ରିଲ-ମେ ମଧ୍ୟରେ ସଂଗୃହୀତ ରପ୍ତାନି ମୂଲ୍ୟ ୫.୧୦ ପ୍ରତିଶତ ବୃଦ୍ଧି ହୋଇ ୭୩.୧୨ ବିଲିୟନ ଡଲାରରେ ପହଞ୍ଚିଛି। ଏହା ୨୦୨୩ ଏପ୍ରିଲ-ମେ ମଧ୍ୟରେ ୬୯.୫୭ ବିଲିୟନ ଡଲାର ରହିଥିଲା। ଏପ୍ରିଲ-ମେ ୨୦୨୪ ମଧ୍ୟରେ ସାମଗ୍ରୀ ଆମଦାନୀ ୧୧୬.୦୧ ବିଲିୟନ ଡଲାର ଥିବାବେଳେ ଏପ୍ରିଲ-ମେ ୨୦୨୩ ମଧ୍ୟରେ ଏହା ୧୦୬.୫୪ ବିଲିୟନ ଡଲାର ଥିଲା। ଅଣ ପେଟ୍ରୋଲିୟମ ଏବଂ ଅଣ-ରତ୍ନ ଏବଂ ଅଳଙ୍କାର ରପ୍ତାନିରେ ୨୦୨୩ ମେ’ରେ ୨୬.୨୭ ବିଲିୟନ ଡଲାରରୁ ୨୦୨୪ ମେ’ରେ ୨୮.୬୦ ବିଲିୟନ ଡଲାରରେ ପହଞ୍ଚତ୍ବା ସହ ୮.୮୩ ପ୍ରତିଶତ ଅଭିବୃଦ୍ଧି ଘଟିଛି। ୨୦୨୪ ମେ’ରେ ବାଣିଜ୍ୟ ରପ୍ତାନି ଅଭିବୃଦ୍ଧିର ପ୍ରମୁଖ ଉସତ୍ଗୁଡ଼ିକ ମଧ୍ୟରେ ପେଟ୍ରୋଲିୟମ ଉତ୍ପାଦ, ଇଞ୍ଜିନିୟରିଂ ସାମଗ୍ରୀ, ଇଲେକ୍ଟ୍ରୋନିକ ସାମଗ୍ରୀ, ଔଷଧ ଏବଂ ଫାର୍ମାସ୍ୟୁଟିକାଲ୍ସ, ସମସ୍ତ ପ୍ରକାର ପ୍ରସ୍ତୁତ ପୋଷାକ ଏବଂ ପ୍ଲାଷ୍ଟିକ ଏବଂ ଲିନୋଲିୟମ ରହିଛି। ପେଟ୍ରୋଲିୟମ ଦ୍ରବ୍ୟର ରପ୍ତାନି ୨୦୨୩ ମେ’ରେ ୫.୮୫ ବିଲିୟନ ଡଲାରରୁ ୧୫.୭୫ ପ୍ରତିଶତ ବୃଦ୍ଧି ହୋଇ ୨୦୨୪ ମେ’ରେ ୬.୭୮ ବିଲିୟନ ଡଲାରରେ ପହଞ୍ଚିଛି। ଇଞ୍ଜିନିୟରିଂ ସାମଗ୍ରୀ ରପ୍ତାନି ମେ ୨୦୨୩ ରେ ୯.୩ ବିଲିୟନ ଡଲାରରୁ ୭.୩୯ ପ୍ରତିଶତ ବୃଦ୍ଧି ହୋଇ ମେ ୨୦୨୪ ରେ ୯.୯୯ ବିଲିୟନ ଡଲାରରେ ପହଞ୍ଚିଛି। ସେହିପରି ଇଲେକ୍ଟ୍ରୋନିକ୍ ସାମଗ୍ରୀର ରପ୍ତାନି ୨୦୨୩ ମେ’ରେ ୨.୪୧ ବିଲିୟନ ଡଲାରରୁ ୨୦୨୪ ମେ’ରେ ୨.୯୭ ବିଲିୟନ ଡଲାରରେ ୨୨.୯୭ ପ୍ରତିଶତ ବୃଦ୍ଧି ହୋଇଛି। ଔଷଧ ଏବଂ ଫାର୍ମାସ୍ୟୁଟିକାଲ୍ସର ରପ୍ତାନି ୨୦୨୩ ମେ’ରେ ୨.୦୮ ବିଲିୟନ ଆମେରିକୀୟ ଡଲାରରୁ ୧୦.୪୫ ପ୍ରତିଶତ ବୃଦ୍ଧି ହୋଇ ୨.୩୦ ବିଲିୟନ ଡଲାରରେ ପହଞ୍ଚିଛି। ସମସ୍ତ ପ୍ରକାର ପ୍ରସ୍ତୁତ ପୋଷାକର ରପ୍ତାନି ୨୦୨୩ ତୁଳନାରେ ଚଳିତ ବର୍ଷ ୧.୨୪ ବିଲିୟନରୁ ୧.୩୬ ବିଲିୟନ ଡଲାରରେ ୯.୮୪ ପ୍ରତିଶତ ବୃଦ୍ଧି ହେବ। ପ୍ଲାଷ୍ଟିକ ଏବଂ ଲିନୋଲିୟମ ରପ୍ତାନି ୨୦୨୩ ମେ’ରେ ୦.୬୫ ବିଲିୟନ ଡଲାରରୁ ୧୬.୬ ପ୍ରତିଶତ ବୃଦ୍ଧି ହୋଇ ୨୦୨୪ ମେ’ରେ ୦.୭୬ ବିଲିୟନ ଡଲାରରେ ପହଞ୍ଚିଛି। ଅନ୍ୟପଟେ ୨୦୨୪ ମେ’ରେ ସେବା ରପ୍ତାନିର ଆନୁମାନିକ ମୂଲ୍ୟ ହେଉଛି ୩୦.୧୬ ବିଲିୟନ ଡଲାର ରହିଛି, ଯାହାକି ୨୦୨୩ରେ ୨୬.୯୯ ବିଲିୟନ ଡଲାର ରହିଥିଲା। ୨୦୨୪ ମେ’ରେ ସେବା ଆମଦାନୀଗୁଡ଼ିକର ଆନୁମାନିକ ମୂଲ୍ୟ ୧୫.୮୮ ବିଲିୟନ ଡଲାରରୁ ବୃଦ୍ଧି ପାଇ ୧୭.୨୮ ବିଲିୟନ ଡଲାରରେ ପହଞ୍ଚତ୍ଛି।
