ନୂଆଦିଲ୍ଲୀ,୫ା୨: ଭାରତ ନୂଆଦିଲ୍ଲୀଠାରେ ଚାଲିଥିବା ଏସିଆନ ଶୁଟିଂ ଚାମ୍ପିୟନଶିପ୍ରେ ନିଜ ଆଧିପତ୍ୟ ଜାରି ରଖିଛି। ବିଶ୍ୱ ଚାମ୍ପିୟନ ସମ୍ରାଟ ରାଣା ଓ ବିଶ୍ୱ କପ୍ ଫାଇନାଲ ବିଜେତା ସୁରୁଚି ସିଂ ୧୦ମିଟର ଏୟାର ପିସ୍ତଲ ମିକ୍ସଡ ଟିମ୍ ଇଭେଣ୍ଟରେ ରୌପ୍ୟ ପଦକ ଲାଭ କରିଛନ୍ତି।
ଜୁନିୟର ମହିଳା ୧୦ ମିଟର ଏୟାର ପିସ୍ତଲରେ ରଶ୍ମିକା ସହଗଲ ଓ ବଂଶିକା ଚୌଧାରୀ ଏବଂ ପ୍ରିୟାଂଶି ପୁରଭା ଓ ଚେତକ କୋହଲା ଯଥାକ୍ରମେ ପଛକୁ ପ୍ରଛ ପ୍ରଥମ ଓ ଦ୍ୱିିତୀୟ ସ୍ଥାନ ଅଧିକାର କରିଛନ୍ତି।
ଚାମ୍ପିୟନଶିପ୍ରେ ଭାରତ ଏହାର ଆଧିପତ୍ୟ ଜାରି ରଖିଛି। ଦଳ ଇତିମଧ୍ୟରେ ୧୦ ସ୍ବର୍ଣ୍ଣ, ୫ ରୌପ୍ୟ ଓ ଏକ ବ୍ରୋଞ୍ଜ ପଦକ ସହ ଭାରତ ଟେବୁଲରେ ପ୍ରଥମ ସ୍ଥାନରେ ରହିଥିବା ବେଳେ ଉଜ୍ବେକିସ୍ତାନ ଦିବସରେ ଏକମାତ୍ର ସ୍ବର୍ଣ୍ଣ ୧୦ମିଟର ଏୟାର ପିସ୍ତଲ ମିକ୍ସଡ ଟିମ୍ ଇଭେଣ୍ଟରେ ଜିତିଛି। ନିଗିନା ସୂଇଦକୁଲୋଭା ଓ ମୁଖୁମ୍ମଦ କମାଲୋଭ ୪୮ ଶଟ୍ ବିଶିଷ୍ଟ ଫାଇନାଲରେ ସମ୍ରାଟ ଓ ସୁରୁଚି ୪୮୧.୩-୪୭୯.୬ ବ୍ୟବଧାନରେ ପଛରେ ପକାଇ ସ୍ବର୍ଣ୍ଣ ଜିତିଥିଲେ। ଭାରତୀୟ ଯୋଡ଼ି ପୂର୍ବରୁ ୧୦ଟି ଦଳକୁ ନେଇ କ୍ୱାଲିଫିକେଶନ ରାଉଣ୍ଡରେ ୬୦ଶଟ୍ ପରେ ମୋଟ ୫୮୩ ସ୍କୋର କର ଶୀର୍ଷରେ ରହିଥିଲେ।
