ନୂଆଦିଲ୍ଲୀ,୨୬।୧: ୭୩ତମ ସାଧାରଣତନ୍ତ୍ର ଦିବସ ପରେଡ୍ ଭାରତୀୟ ବାୟୁ ସେନା (ଆଇଏଏଫ୍) ମେଢ଼ରେ ସ୍ଥାନ ପାଇଥିଲେ ଦେଶର ପ୍ରଥମ ମହିଳା ରାଫେଲ ଫାଇଟର ଜେଟ ପାଇଲଟ୍ ଶିଭାଙ୍ଗି ସିଂ। ଭାରତୀୟ ବାୟୁ ସେନା ମେଢ଼ରେ ସ୍ଥାନ ପାଇବାରେ ସେ ହେଉଛନ୍ତି ଦେଶର ଦ୍ୱିତୀୟ ମହିଳା ଫାଇଟର ଜେଟ୍ ପାଇଲଟ୍।
ଗତ ବର୍ଷ ଫ୍ଲାଇଟ୍ ଲ୍ୟୁଟନାଣ୍ଟ ଭାଓ୍ବନା କାନ୍ଥ ଦେଶର ପ୍ରଥମ ମହିଳା ଫାଇଟର ଜେଟ୍ ପାଇଲଟ୍ ଭାବେ ଆଇଏଏଫ୍ ମେଢ଼ରେ ସାମିଲ ହୋଇଥିଲେ।
ବାରଣାସିରେ ଜନ୍ମିତ ଶିଭାଙ୍ଗି ୨୦୧୭ରେ ଆଇଏଏଫ୍ରେ ଯୋଗଦେଇଥିଲେ। ଆଇଏଏଫ୍ର ମହିଳା ଫାଇଟର ପାଇଲଟ୍ଙ୍କ ଦ୍ୱିତୀୟ ବ୍ୟାଚ୍ରେ ତାଙ୍କୁ ସାମିଲ କରାଯାଇଥିଲା। ରାଫେଲ ପୂର୍ବରୁ ସେ ମିଗ୍-୨୧ ବିସନ ଏୟାରକ୍ରାଫ୍ଟ ଉଡ଼ାଉଥିଲେ।
‘ଇଣ୍ଡିଆନ ଏୟାର ଫୋର୍ସ ଟ୍ରାନ୍ସଫର୍ମିଂ ଫର ଦ ଫ୍ୟୁଚର’ ଥେମ ଉପରେ ଆଧାରିତ ଆଇଏଏଫ୍ ମେଢ଼ରେ ରାଫେଲ ଫାଇଟର ଜେଟ୍, ଲାଇଟ୍ କମ୍ବାଟ ହେଲିକପ୍ଟର (ଏଲ୍ସିଏଚ୍), ୩ଡି ସର୍ଭିଲାନ୍ସ ରାଡର ଆସଲେଶା ଏମ୍କେ-୧ ସ୍ଥାନ ପାଇଥିଲା।
