ନୂଆଦିଲ୍ଳୀ,୧୮ା୫: ଗୁରୁବାର ଅନୁଷ୍ଠିତ ପ୍ରଥମ ହକି ଟେଷ୍ଟରେ ଭାରତୀୟ ମହିଳା ହକି ଦଳ ୪-୨ଗୋଲରେ ପରାଜିତ ହୋଇ ଅଷ୍ଟ୍ରେଲିଆ ଗସ୍ତ ଆରମ୍ଭ କରିଛି। ଅଷ୍ଟ୍ରେଲିଆ ସମ୍ପୂର୍ଣ୍ଣ ପ୍ରାଧାନ୍ୟ ବିସ୍ତାର କରି ଖେଳିଥିଲା। ପ୍ରଥମ କ୍ୱାର୍ଟର ଗୋଲଶୂନ୍ୟ ରହିବା ପରେ ଦ୍ୱିତୀୟ କ୍ୱାର୍ଟରରେ ୬ ମିନିଟ ବ୍ୟବଧାନରେ ଅଷ୍ଟ୍ରେଲିଆ ଦୁଇଟି ଗୋଲ ଦେଇଥିଲା। ପ୍ରଥମ କ୍ୱାର୍ଟରରେ ଘରୋଇ ଦଳକୁ ଦୁଇଟି ପେନାଲ୍ଟି କର୍ନର ମିଳିଥିଲେ ମଧ୍ୟ ସବିତା ଏହାକୁ ସେଭ୍ କରିବାରେ ସଫଳ ହୋଇଥିଲେ। ଘରୋଇ ଦଳ ପକ୍ଷରୁ ଆଶଲିଙ୍ଗ ଉଟ୍ରି(୨୧ ମିନିଟ) ଓ ମ୍ୟାଡି ଫିଟ୍ଜପ୍ୟାଟ୍ରିକ୍ (୨୭ ମିନିଟ) ଗୋଟିଏ ଲେଖାଏ ଗୋଲ ଦେଇ ଦଳକୁ ୨-୦ରେ ଆଗୁଆ କରିଥିଲେ। ଭାରତ ପକ୍ଷରୁ ସଙ୍ଗୀତା କୁମାରୀ ୨୯ ତମ ମିନିଟରେ ଗୋଟିଏ ଗୋଲ ପରିଶୋଧ କରିଥିଲେ। ତୃତୀୟ କ୍ୱାର୍ଟରରେ ଅଷ୍ଟ୍ରେଲିଆ ଆଲିସ୍ ଆର୍ନୋଟ୍ (୩୨ ମିନିଟ୍) ଓ କର୍ଟନି ସ୍କନେଲ୍ (୩୫ ମିନିଟ୍) ଗୋଟିଏ ଲେଖାଏ ଗୋଲ କରିଥିଲେ। ୪୦ତମ ମିନିଟରେ ଭାରତ ପକ୍ଷରୁ ଶର୍ମିଳା ଦେବୀ ଆଉ ଗୋଟିଏ ଗୋଲ ପରିଶୋଧ କରିଥିଲେ। ଅନ୍ତିମ କ୍ୱାର୍ଟରରେ ଉଭୟ ଦଳ ପକ୍ଷରୁ ଗୋଲ ଦେବାର ପ୍ରୟାସ ହୋଇଥିଲେ ହେଁ କୌଣସି ଗୋଲ ସ୍କୋର ହୋଇ ନ ଥିଲା।
