ନୂଆଦିଲ୍ଲୀ,୧୫।୧: ଘରୋଇ ଟି -୨୦ ସିରିଜରେ କୌଣସି ଦଳ ଭାରତକୁ ପରାସ୍ତ କରିବା ସହଜ ନୁହେଁ। ଆଜିକାଲି ଟିମ ଇଣ୍ଡିଆ ଏବଂ ଆଫଗାନିସ୍ତାନ ମଧ୍ୟରେ ତିନି ମ୍ୟାଚ ବିଶିଷ୍ଟ ଟି -୨୦ ସିରିଜ ଖେଳାଯାଉଛି। ଯେଉଁଥିରେ ଭାରତ ୨ଟିରେ ବିଜୟ ପଞ୍ଜିକରଣ କରିଛି। ଏହା ପ୍ରଥମ ଥର ନୁହେଁ କିମ୍ବା ଦୁଇଥର ନୁହେଁ ଯେ ଭାରତ ଘରୋଇ ମାଟିରେ ଟି -୨୦ ସିରିଜ ଜିତିଛି, ବରଂ ଗତ ୧୫ଟି ଟି -୨୦ ସିରିଜରେ କେହି ଭାରତକୁ ପରାସ୍ତ କରିପାରିନାହାନ୍ତି। ଆଫଗାନିସ୍ତାନ ବିପକ୍ଷରେ ୧୫ତମ ସିରିଜ ଜାରି ରହିଛି।
ଟିମ ଇଣ୍ଡିଆ ଶେଷ ଥର ପାଇଁ ଫେବୃଆରୀ ୨୦୧୯ ରେ ଅଷ୍ଟ୍ରେଲିଆ ବିପକ୍ଷରେ ଟି -୨୦ ସିରିଜ ହରାଇଥିଲା, ଯାହାକି ୨ ମ୍ୟାଚ ବିଶିଷ୍ଟ ସିରିଜ ଥିଲା । ଉଭୟ ମ୍ୟାଚ ଜିତିବା ସହ ଘରୋଇ ମାଟିରେ ଭାରତକୁ ପରାସ୍ତ କରି ଅଷ୍ଟ୍ରେଲିଆ ଏକ ବଡ଼ ସଫଳତା ହାସଲ କରିଥିଲା। ଫେବୃଆରୀରେ ଅଷ୍ଟ୍ରେଲିଆ ବିପକ୍ଷ ଟି -୨୦ ସିରିଜ ପରେ ଟିମ ଇଣ୍ଡିଆ କୌଣସି ଘରୋଇ ଟି -୨୦ ସିରିଜ ହରାଇ ନାହିଁ। ଜୁନ ୨୦୧୯ଠାରୁ ଏ ପର୍ଯ୍ୟନ୍ତ ହୋଷ୍ଟ ଭାବରେ ଭାରତ ୧୫ ଟି -୨୦ ସିରିଜ ଖେଳିଛି, ସେଥିମଧ୍ୟରୁ ସେମାନେ ୧୩ ଟି ଜିତିଛନ୍ତି ଏବଂ ଅବଶିଷ୍ଟ ୨ ସିରିଜ ଡ୍ରରେ ଶେଷ ହୋଇଛି ।
ଆଫଗାନିସ୍ତାନ ବିପକ୍ଷରେ ଚାଲିଥିବା ତିନି ମ୍ୟାଚ ବିଶିଷ୍ଟ ଟି -୨୦ ସିରିଜର ତୃତୀୟ ତଥା ଶେଷ ମ୍ୟାଚ ଜାନୁଆରୀ ୧୭ବୁଧବାର ବାଙ୍ଗାଲୋରର ଏମ ଚିନ୍ନାସ୍ବାମୀ ଷ୍ଟାଡିୟମରେ ଖେଳାଯିବ। ଶେଷ ମ୍ୟାଚ ଜିତି ଆୟୋଜକ ଭାରତ ଆଫଗାନିସ୍ତାନକୁ ୩-୦ରେ କ୍ଲିନ୍ ସ୍ବିପ୍ କରିବାକୁ ଚାହିଁବ।
