ନୂଆଦିଲ୍ଲୀ,୨୫।୯: ୱେଷ୍ଟଇଣ୍ଡିଜ ସିରିଜ ପାଇଁ ଟିମ ଇଣ୍ଡିଆ ଘୋଷଣା କରାଯାଇଛି। ଏହି ଗସ୍ତ ପାଇଁ ଶୁବମନ ଗିଲ ଅଧିନାୟକ ଏବଂ ରବିନ୍ଦ୍ର ଜାଡେଜା ଉପ-ଅଧିନାୟକ କରାଯାଇଛି। ସରଫରାଜ ଖାନଙ୍କୁ ଦଳରୁ ବାଦ ଦିଆଯାଇଛି। ଦେବଦତ୍ତ ପଡିକ୍କଲ ଟିମ ଇଣ୍ଡିଆକୁ ଫେରିଛନ୍ତି। ବଡ଼ ଖବର ହେଉଛି କରୁଣ ନାୟାର, ସାଇ ସୁଦର୍ଶନ ଏବଂ ଆକାଶଦୀପଙ୍କୁ ବାଦ ଦିଆଯାଇଛି। କରୁଣ ନାୟାର ଏବଂ ସାଇ ସୁଦର୍ଶନ ଇଂଲଣ୍ଡ ସିରିଜରେ ବିଫଳ ହୋଇଥିଲେ। ଚାରିଟି ଟେଷ୍ଟରେ କେବଳ ଗୋଟିଏ ଅର୍ଦ୍ଧଶତକ କରିଥିଲେ। ଉଇକେଟକିପର ରିଷଭ ପନ୍ତ ଫିଟ ହୋଇ ନାହାଁନ୍ତି, ତେଣୁ ତାଙ୍କ ସ୍ଥାନରେ ନାରାୟଣ ଜଗଦୀସନଙ୍କୁ ଚୟନ କରାଯାଇଛି। ଅକ୍ଷର ପଟେଲ ମଧ୍ୟ ଟେଷ୍ଟ ଦଳକୁ ଫେରିଛନ୍ତି।
ଭାରତର ଟେଷ୍ଟ ଦଳ: ଶୁବମନ ଗିଲ, ଯଶସ୍ବୀ ଜୟସ୍ବାଲ, କେଏଲ ରାହୁଲ, ଦେବଦତ୍ତ ପଡିକ୍କଲ, ଧ୍ରୁବ ଜୁରେଲ, ରବିନ୍ଦ୍ର ଜାଡେଜା, ୱାଶିଂଟନ ସୁନ୍ଦର, ଜସପ୍ରିତ ବୁମରା, ଅକ୍ଷର ପଟେଲ, ନୀତିଶ କୁମାର ରେଡ୍ଡୀ, ମହମ୍ମଦ ସିରାଜ, ପ୍ରସିଦ୍ଧ କ୍ରିଷ୍ଣା, କୁଲଦୀପ ଯାଦବ ଏବଂ ନାରାୟଣ ଜଗଦୀସନ।
ଭାରତ ଏବଂ ୱେଷ୍ଟଇଣ୍ଡିଜ ମଧ୍ୟରେ ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଅକ୍ଟୋବର ୨ରେ ଆରମ୍ଭ ହେବ। ପ୍ରଥମ ମ୍ୟାଚ ଅହମଦାବାଦର ନରେନ୍ଦ୍ର ମୋଦି ଷ୍ଟାଡିୟମରେ ଖେଳାଯିବ। ଦ୍ୱିତୀୟ ଟେଷ୍ଟ ଅକ୍ଟୋବର ୧୦ରେ ଦିଲ୍ଲୀର ଅରୁଣ ଜେଟଲି ଷ୍ଟାଡିୟମରେ ଖେଳାଯିବ। ସିରିଜ ଆରମ୍ଭ ହେବା ପୂର୍ବରୁ ୱେଷ୍ଟଇଣ୍ଡିଜ ପ୍ରଶିକ୍ଷକ ଡାରେନ ସାମି ଟିମ ଇଣ୍ଡିଆକୁ ଏକ ସୂକ୍ଷ୍ମ ଚ୍ୟାଲେଞ୍ଜ ଦେଇଛନ୍ତି। ସେ କହିଛନ୍ତି, ଯଦି ନ୍ୟୁଜିଲାଣ୍ଡ ଦଳ ଘରୋଇ ପରିବେଶରେ ଭାରତକୁ ପରାସ୍ତ କରିପାରିବ, ତେବେ ସେମାନେ ମଧ୍ୟ ସେହିପରି କରିପାରିବେ।
ୱେଷ୍ଟଇଣ୍ଡିଜ ଟେଷ୍ଟ ଦଳ
କେଭ୍ରନ ଆଣ୍ଡରସନ, ଆଲିକ ଆଥାନାଜେ, ଜନ କ୍ୟାମ୍ପବେଲ, ଟେଗନାରିନ ଚନ୍ଦ୍ରପଲ, ଶାଇ ହୋପ, ଟେଭିନ ଇମଲାଚ, ବ୍ରାଣ୍ଡନ କିଙ୍ଗ, ରୋଷ୍ଟନ ଚେଜ (ଅଧିନାୟକ), ଜଷ୍ଟିନ ଗ୍ରିଭ୍ସ, ଖାରି ପିଏରେ, ଜନ ୱାରିକାନ, ଆଲଜାରି ଜୋସେଫ, ଶେମାର ଜୋସେଫ, ଆଣ୍ଡରସନ ଫିଲିପ, ଏବଂ ଜାଡେନ ସିଲ୍ସ
ଭାରତ ଏବଂ ୱେଷ୍ଟଇଣ୍ଡିଜ ଏପର୍ଯ୍ୟନ୍ତ ୧୦୦ ଟେଷ୍ଟ ମ୍ୟାଚ ଖେଳିଛନ୍ତି। ଭାରତ ୨୩ ଟେଷ୍ଟ ଜିତିଛି ଏବଂ ୱେଷ୍ଟଇଣ୍ଡିଜ ୩୦ ଜିତିଛି। ଉଭୟଙ୍କ ମଧ୍ୟରେ ମୋଟ ୪୭ ଟେଷ୍ଟ ମ୍ୟାଚ ଡ୍ର ହୋଇଛି। ଭାରତ ଲଗାତାର ନଅଟି ଟେଷ୍ଟ ସିରିଜରେ ୱେଷ୍ଟଇଣ୍ଡିଜ ପରାସ୍ତ କରିଛି। ୱେଷ୍ଟଇଣ୍ଡିଜ ଶେଷ ଥର ପାଇଁ ୨୦୦୨ରେ ଭାରତ ବିପକ୍ଷରେ ଏକ ଟେଷ୍ଟ ସିରିଜ ଜିତିଥିଲା।
