ଭାରତୀୟ କ୍ରିକେଟ ଦଳର ସ୍ପିନର ୟୁଜବେନ୍ଦ୍ର ଚହଲଙ୍କ ଭାବିପତ୍ନୀ ଧନଶ୍ରୀ ବର୍ମା କୋରିଓଗ୍ରାଫି ପାଇଁ ବେଶ୍ ଜଣାଶୁଣା। ପ୍ରାୟ ସମୟରେ ସେ ସୋସିଆଲ ମିଡିଆରେ ନିଜର ଡ୍ୟାନ୍ସର ଭିଡିଓକୁ ଶେୟାର କରିଥାନ୍ତି। ଇତିମଧ୍ୟରେ ତାଙ୍କର ଆଉ ପୋଷ୍ଟ ସାମ୍ନାକୁ ଆସିଛି। ଯେଉଁଥିରେ ସେ ପିପିଇ କିଟ୍ ପିନ୍ଧି ଏକ ପଞ୍ଜାବି ଗୀତରେ ଡ୍ୟାନ୍ସ କରୁଥିବା ନଜର ଆସିଛନ୍ତି।
ସୂଚନାଯୋଗ୍ୟ, ଏକ ଏୟାରପୋର୍ଟର ପ୍ରତିକ୍ଷାଳୟରେ ଧନଶ୍ରୀ ଡ୍ୟାନ୍ସ କରୁଥିବା ନଜର ଆସିଛନ୍ତି। ଏଥିରେ ସେ ପିପିଇ କିଟ୍ ପିନ୍ଧି ଗାୟକ ଟୋନି କକ୍କଡଙ୍କ ଏକ ପଞ୍ଜାବି ଗୀତ ‘କୁର୍ତା ପଜାମା’ର ତାଳେ ତାଳେ ଝୁମିଥିବା ଦେଖିବାକୁ ମିଳିଛି। ଧନଶ୍ରୀଙ୍କ ଏହି ଭିଡିଓକୁ ପ୍ରଂଶସକ ବେଶ୍ ପସନ୍ଦ କରିବା ସହ କମେଣ୍ଟ ଦେଇଛନ୍ତି। ଦୀଘର୍ର୍ ସମୟରୁ ଚହଲ ଓ ଧନଶ୍ରୀ ଦୁହେଁ ଦୁହିଁଙ୍କୁ ଡେଟ୍ କରୁଛନ୍ତି। ନିକଟରେ ଚହଲ ଓ ଧନଶ୍ରୀଙ୍କ ନିର୍ବନ୍ଧ ସରିଛି। ନିର୍ବନ୍ଧ ସମୟରେ କେତେକ ଫଟୋକୁ ଦୁହେଁ ଇନ୍ଷ୍ଟାଗ୍ରାମ ଓ ଟୁଇଟରରେ ଶେୟାର କରିଥିଲେ। ସୂଚନାମୁତାବକ ଧନଶ୍ରୀ ଜଣେ ଡେଣ୍ଟିଷ୍ଟ ହେବା ସହ କୋରିଓଗ୍ରାଫର ଓ ଜଣେ ୟୁଟ୍ୟୁବର ମଧ୍ୟ।
