ନୂଆଦିଲ୍ଲୀ,୯।୮: ଟୋକିଓ ଅଲିମ୍ପିକ୍ସରେ ଏକ ଐତିହାସିକ ତଥା ସ୍ମରଣୀୟ ପ୍ରଦର୍ଶନ କରିବା ପରେ ଭାରତୀୟ ଆଥଲେଟ୍ମାନେ ଆଜି ଦିଲ୍ଲୀରେ ପହଞ୍ଚିଛନ୍ତି। ତାଙ୍କୁ ଦିଲ୍ଲୀ ବିମାନବନ୍ଦରରେ ଜୋରଦାର ସ୍ବାଗତ କରାଯାଇଥିଲା। ଟୋକିଓରୁ ଘରକୁ ଫେରୁଥିବା ବ୍ୟକ୍ତିଙ୍କ ମଧ୍ୟରେ ସ୍ବର୍ଣ୍ଣ ପଦକ ବିଜେତା ନୀରଜ ଚୋପ୍ରା, ବ୍ରୋଞ୍ଜ ପଦକ ବିଜେତା ବଜରଙ୍ଗ ପୁନିଆ ଏବଂ ପୁରୁଷ ହକି ଦଳ ମଧ୍ୟ ଆସିଛନ୍ତି। ଭାରତ ଫେରିବା ପରେ ଦିଲ୍ଲୀର ଅଶୋକା ହୋଟେଲରେ ଏକ କାର୍ଯ୍ୟକ୍ରମରେ ସମସ୍ତ ଖେଳାଳିଙ୍କୁ ସମ୍ମାନିତ କରାଯିବ। ଏହି ସମୟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ମଧ୍ୟ ଭିଡିଓ କନଫରେନ୍ସିଂ ମାଧ୍ୟମରେ ଖେଳାଳିଙ୍କ ସହ ଯୋଗାଯୋଗ କରିବେ। ଦିଲ୍ଲୀ ବିମାନ ବନ୍ଦର ଆଗରେ ‘ୟେ ମେରା ଇଣ୍ଡିଆ …’ ଗୀତ ବଜାଇ ଭାରତୀୟ ଆଥଲେଟ୍ଙ୍କୁ ସ୍ବାଗତ କରାଯାଇଥିଲା। ସ୍ପୋର୍ଟସ ଅଥରିଟି ଅଫ ଇଣ୍ଡିଆ ଅଶୋକା ହୋଟେଲରେ ଖେଳାଳିଙ୍କୁ ସମ୍ବର୍ଦ୍ଧନା ଉତ୍ସବ ଆୟୋଜିତ ହେବ। ଏହି କାର୍ଯ୍ୟକ୍ରମ ସନ୍ଧ୍ୟା ୬.୩୦ରେ ଆରମ୍ଭ ହେବ। ଏହି କାର୍ଯ୍ୟକ୍ରମରେ କେନ୍ଦ୍ର କ୍ରୀଡ଼ା ମନ୍ତ୍ରୀ ଅନୁରାଗ ଠାକୁର ବହୁ ପୂର୍ବତନ ଅଲିମ୍ପିକ ଖେଳାଳି ଏବଂ ଭାରତ ସରକାରଙ୍କ ଅଧିକାରୀମାନେ ଯୋଗଦେବେ। ଚଳିତ ବର୍ଷର ଅଲିମ୍ପିକ୍ସରେ ଭାରତ ଏପର୍ଯ୍ୟନ୍ତ ସର୍ବୋତ୍ତମ ପ୍ରଦର୍ଶନ ଦେଇଛି। ଭାରତୀୟ ସ୍ବର୍ଣ୍ଣ ପଦକ ସମେତ ମୋଟ ୭ ଟି ପଦକ ଜିତିଛି।
