କେପଟାଉନ,୪।୧: ଭାରତ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ଦୁଇ ମ୍ୟାଚ ବିଶିଷ୍ଟ ଟେଷ୍ଟ ସିରିଜର ଶେଷ ମ୍ୟାଚ କେପଟାଉନରେ ଖେଳାଯାଉଛି। ଏହି ମ୍ୟାଚ ଦକ୍ଷିଣ ଆଫ୍ରିକା ଟେଷ୍ଟ କ୍ରିକେଟର ଡିନ ଏଲଗାରଙ୍କ କ୍ୟାରିୟରର ଶେଷ ଅନ୍ତର୍ଜାତୀୟ ମ୍ୟାଚ ଅଟେ। ଏହା ପରେ ଏଲଗାରଙ୍କୁ ଦକ୍ଷିଣ ଆଫ୍ରିକାର ଜର୍ସିରେ ଦେଖାଯିବ ନାହିଁ। ମ୍ୟାଚ୍ର ପ୍ରଥମ ଦିନରେ ଡିନ ଏଲଗର୍ ତାଙ୍କର ଶେଷ ଇନିଂସ ଶେଷ କରିଥିଲେ, ସେତେବେଳେ ସେ କେବଳ ଷ୍ଟାଡିୟମରେ ଉପସ୍ଥିତ ଦର୍ଶକଙ୍କ ଅଭିବାଦନ ଗ୍ରହଣ କରି ନ ଥିଲେ, ବରଂ ଟିମ ଇଣ୍ଡିଆ ମଧ୍ୟ ତାଙ୍କୁ ପୂର୍ଣ୍ଣ ସମ୍ମାନ ସହିତ ବିଦାୟ ଦେଇଥିଲା।
ବୁଧବାର ମ୍ୟାଚର ପ୍ରଥମ ଦିନରେ ମୋଟ ୨୩ ଉଇକେଟ ପଡିଥିଲା। କେପଟାଉନର ଦ୍ରୁତ ଏବଂ ବାଉନ୍ସିଂ ପିଚରେ ବ୍ୟାଟିଂ କଷ୍ଟସାଧ୍ୟ ଥିଲା ଏବଂ ଦିନସାରା ଉଇକେଟ ପଡ଼ିଥିଲା। ଶେଷ ମ୍ୟାଚରେ ୧୮୫ ରନ ସ୍କୋର କରିଥିବା ଡିନ ଏଲଗାର୍ ଗୋଟିଏ ଦିନରେ ଦୁଇଥର ଆଉଟ ହୋଇଥିଲେ। ସେ ପ୍ରଥମ ଇନିଂସରେ ୪ ରନ ସ୍କୋର କରିବା ପରେ ଆଉଟ ହୋଇଥିଲେ ଏବଂ ଦ୍ୱିତୀୟ ଇନିଂସରେ ମାତ୍ର ୧୨ ରନ ସ୍କୋର କରିପାରନ୍ତି। ଅର୍ଥାତ୍ ତାଙ୍କ ଟେଷ୍ଟ କ୍ୟାରିୟରର ଶେଷ ଇନିଂସ ମ୍ୟାଚର ପ୍ରଥମ ଦିନରେ ଶେଷ ହୋଇଥିଲା।
ପ୍ରଥମ ଦିନର ତୃତୀୟ ଅଧିବେଶନରେ ମୁକେଶ କୁମାର ଏଲଗାରଙ୍କୁ ପ୍ୟାଭିଲିୟନକୁ ପଠାଇବା ମାତ୍ରେ ଭାରତୀୟ ଖେଳାଳିମାନେ ଉଇକେଟ ଯିବା ଖୁସି ପାଳନ କରିବା ବନ୍ଦ କରି ପ୍ରଥମେ ଡିନ ଏଲଗାରଙ୍କ ସମ୍ମାନର ସହ ବିଦା କରିଥିଲେ। ବିରାଟ କୋହଲି ଏଲଗାରର କ୍ୟାଚ ନେଇଥିଲେ, ପରେ ସେ ତାଙ୍କ ଆଡକୁ ଦୌଡ଼ିଯାଇ ତାଙ୍କୁ ଆଲିଙ୍ଗନ କରିଥିଲେ। ମହମ୍ମଦ ସିରାଜ ଏବଂ ଜସପ୍ରୀତ ବୁମରା ମଧ୍ୟ ଏଲଗାରକୁ ଆଲିଙ୍ଗନ କରୁଥିବା ଦେଖିବାକୁ ମିଳିଥିଲା।
୩୬ ବର୍ଷୀୟ ଏଲଗାର ୨୦୧୨ରେ ଅନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ। ସେ ତାଙ୍କ କ୍ୟାରିୟରରେ ମାତ୍ର ୮ଟି ଦିନିକିଆ ଖେଳିଥିଲେ କିନ୍ତୁ ଟେଷ୍ଟ ମ୍ୟାଚରେ ଦକ୍ଷିଣ ଆଫ୍ରିକା ପାଇଁ ନିୟମିତ ଖେଳାଳି ଥିଲେ। ଏଲଗାର ୮୬ଟି ଟେଷ୍ଟ ମ୍ୟାଚ ଖେଳିଥିଲେ। ଏହି ଅବଧିରେ ସେ ୫୩୪୭ ରନ ସ୍କୋର କରିଥିଲେ। ଏହି ଫର୍ମାଟରେ ଏଲଗାରଙ୍କ ନାମରେ ୧୪ ଶତକ ଏବଂ ୨୩ ଅର୍ଦ୍ଧଶତକ ଅଛି।
Mutual respect takes center stage as #TeamIndia players bid a fitting farewell to the South African captain! 👏🏻🙌🏻
Thank you for the memories, #DeanElgar! 🤌🏻
Tune-in to Day 2 of #SAvIND 2nd Test
Tomorrow, 12:30 PM | Star Sports Network#Cricket pic.twitter.com/7Hy5Zezc7u— Star Sports (@StarSportsIndia) January 3, 2024
