ପୁଣେ,୨୨।୩: ଇଂଲଣ୍ଡ ବିପକ୍ଷ ଟେଷ୍ଟ ଏବଂ ଟି-୨୦ ସିରିଜ ଜିତିବା ପରେ ଭାରତୀୟ ଦଳ ଏକଦିବସୀୟ ସିରିଜ୍ ଉପରେ ନଜର ରଖିଛି। ମାର୍ଚ୍ଚ ୨୩ ରୁ ୨୮ ପର୍ଯ୍ୟନ୍ତ ପୁଣେର ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମରେ ଦୁଇ ଦଳ ତିନୋଟି ଦିନିକିଆ ଖେଳାଯିବ। ଏକଦିବସୀୟ ଦଳରେ ଇଂଲଣ୍ଡ ଆଇସିସି ର଼୍ୟାଙ୍କିଙ୍ଗରେ ଏକ ନମ୍ବର ଏବଂ ଭାରତୀୟ ଦଳ ଦ୍ୱିତୀୟ ସ୍ଥାନରେ ରହିଛି। ଏଭଳି ପରିସ୍ଥିତିରେ ଦୁନିଆର ଏହି ଦୁଇ ଶ୍ରେଷ୍ଠ ଦଳ ମଧ୍ୟରେ ଅନେକ ତାରକା ଖେଳାଳିଙ୍କ ମଧ୍ୟରେ ୫୦-୫୦ ଓଭର ମ୍ୟାଚରେ ଏକ କଡା ଟକ୍କର ଦେଖିବାକୁ ମିଳିବ।ଭାରତୀୟ ଦଳ ଏହି ସିରିଜ ଜିତିବାକୁ ଏବଂ ସମସ୍ତ ତିନୋଟି ଫର୍ମାଟରେ ଇଂଲଣ୍ଡ ବିପକ୍ଷରେ କ୍ଲିନ୍ ସୁଇପ କରିବାକୁ ଚାହୁଁଥିବାବେଳେ ଇଂଲଣ୍ଡ ଦଳ ପୂର୍ବ ପରାଜୟର ପ୍ରତିଶୋଧ ନେବାକୁ ଚେଷ୍ଟା କରିବ।
ଏକଦିବସୀୟର ସିରିଜର କାର୍ଯ୍ୟସୂଚୀ
୨୩ ମାର୍ଚ୍ଚ ୧.୩୦ ଅପରାହ୍ନରେ ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମ, ପୁଣେ
୨୬ ମାର୍ଚ୍ଚ ୧.୩୦ ଅପରାହ୍ନରେ ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମ, ପୁଣେ
୨୮ ମାର୍ଚ୍ଚ ୧.୩୦ ଅପରାହ୍ନରେ ମହାରାଷ୍ଟ୍ର କ୍ରିକେଟ ଆସୋସିଏସନ ଷ୍ଟାଡିୟମ, ପୁଣେ
କେଉଁ ଚ୍ୟାନେଲ ପ୍ରସାରଣ ହେବ?
ଭାରତୀୟ ମାଟିରେ ସମସ୍ତ ମ୍ୟାଚର ପ୍ରସାରଣ ଅଧିକାର ଷ୍ଟାର୍ ନେଟୱାର୍କ ପାଇଛି। ତେଣୁ ଏହି ମ୍ୟାଚ ଷ୍ଟାର୍ ସ୍ପୋର୍ଟ ୧ HD / SD ଏବଂ ଷ୍ଟାର୍ ସ୍ପୋର୍ଟସ ୩ HD / SDରେ ଲାଇଭ ହେବ। ପ୍ରଶଂସକମାନେ ଉଭୟ ଇଂରାଜୀ ଏବଂ ହିନ୍ଦୀ ଭାଷାରେ ଲାଇଭ ଆକ୍ସନ ଉପଭୋଗ କରିପାରିବେ। ଡିଜିଟାଲ ମାଧ୍ୟମରେ ମ୍ୟାଚର ଲାଇଭ ଷ୍ଟ୍ରିମିଂ ଡିଜ୍ନି ହଟଷ୍ଟାରରେ ଦେଖିହେବ।
