୨୦୩୦ ସୁଦ୍ଧା ଜାପାନକୁ ଅତିକ୍ରମ କରି ଭାରତ ହେବ ତୃତୀୟ ବୃହତ ଅର୍ଥବ୍ୟବସ୍ଥା

ନୂଆଦିଲ୍ଲୀ,୨୪/୧୦: ଭାରତ ବର୍ତମାନ ବିଶ୍ୱ ଅର୍ଥନୀତିରେ ପଞ୍ଚମ ସ୍ଥାନରେ ରହିଥିବା ବେଳେ ୨୦୩୦ ସୁଦ୍ଧା ୭,୩୦୦ ବିଲିୟନ ଡ଼ଲାରର ଜିଡିପି ସହିତ ବିଶ୍ୱର ତୃତୀୟ ବୃହତ୍ତମ ଅର୍ଥନୀତିରେ ଜାପାନକୁ ଅତିକ୍ରମ କରିପାରେ। ଏହାପରେ ଭାରତ ଏସିଆର ଦ୍ୱିତୀୟ ବୃହତ୍ତମ ଅର୍ଥନୀତି ହେବା ସହ ଏକ ବିଶ୍ଵଶକ୍ତିରେ ପରିଣତ ହେବ ବୋଲି ଏସ ଆଣ୍ଡ ପି ଗ୍ଲୋବାଲ୍ ମାର୍କେଟ ଇଣ୍ଟେଲିଜେନ୍ସ ଏହାର ସର୍ବଶେଷ କ୍ରୟ ମ୍ୟାନେଜର୍ ଇଣ୍ଡେକ୍ସ (ପିଏମଆଇ) ରେ ଏହା କହିଛି।

୨୦୨୧ ଏବଂ ୨୦୨୨ ରେ ଦୁଇ ବର୍ଷର ଦ୍ରୁତ ଅର୍ଥନୈତିକ ଅଭିବୃଦ୍ଧି ପରେ, ଭାରତୀୟ ଅର୍ଥନୀତି ଚଳିତ ବର୍ଷ ସ୍ଥିର ଅଭିବୃଦ୍ଧି ଜାରି ରଖିଛି। ମାର୍ଚ୍ଚ ୨୦୨୪ ଶେଷ ହେବାକୁ ଥିବା ଆର୍ଥିକ ବର୍ଷରେ ଭାରତର ମୋଟ ଘରୋଇ ଉତ୍ପାଦ (ଜିଡିପି) ୬.୨-୬.୩ ପ୍ରତିଶତ ବୃଦ୍ଧି ପାଇବ ବୋଲି ଆଶା କରାଯାଉଛି। ଏହା ସହିତ ଭାରତୀୟ ଅର୍ଥନୀତି ଚଳିତ ଆର୍ଥିକ ବର୍ଷରେ ଦ୍ରୁତ ଅଭିବୃଦ୍ଧିଶୀଳ ପ୍ରମୁଖ ଅର୍ଥନୀତି ହେବ। ଏପ୍ରିଲ-ଜୁନ୍ ତ୍ରୈମାସରେ ଏସିଆର ତୃତୀୟ ବୃହତ୍ତମ ଅର୍ଥନୀତିର ଅଭିବୃଦ୍ଧି ହାର ୭.୮ ପ୍ରତିଶତ ଥିଲା।

ତେବେ ଘରୋଇ ଚାହିଦା ବଢିବା କାରଣରୁ ୨୦୨୪ ମସିହାରେ କ୍ରମାଗତ ଦ୍ରୁତ ବିସ୍ତାର ଆକଳନ କରାଯାଇଛି ବୋଲି ଏସ ଆଣ୍ଡ ପି ଗ୍ଲୋବାଲ କହିଛି। ବର୍ତ୍ତମାନର ମୂଲ୍ୟରେ ଭାରତର ଜିଡିପି ୨୦୨୨ ମସିହାରେ ୩୫୦୦ ବିଲିୟନ ଡ଼ଲାରରୁ ୨୦୩୦ ସୁଦ୍ଧା ୭୩୦୦ ବିଲିୟନ ଡ଼ଲାରରେ ପହଞ୍ଚିବ ବୋଲି ଆକଳନ କରାଯାଇଛି। ଅର୍ଥନୈତିକ ବିସ୍ତାରର ଏହି ଦ୍ରୁତ ଗତି ୨୦୩୦ ସୁଦ୍ଧା ଭାରତୀୟ ଜିଡିପିର ଆକାର ଜାପାନର ଜିଡିପି ଅତିକ୍ରମ କରିବ ଏବଂ ଏସିଆ-ପ୍ରଶାନ୍ତ ମହାସାଗରରେ ଭାରତକୁ ଦ୍ୱିତୀୟ ବୃହତ୍ତମ ଅର୍ଥନୀତିରେ ପରିଣତ କରିବ।

ଜିଡିପି ୨୫.୫ ଟ୍ରିଲିୟନ ଡଲାର ସହିତ ଆମେରିକା ବର୍ତ୍ତମାନ ବିଶ୍ୱର ବୃହତ୍ତମ ଅର୍ଥନୀତି ଅଟେ। ଏହା ପରେ ଚାଇନା ୧୮,୦୦୦ ବିଲିୟନ ଡ଼ଲାର ସହିତ ଦ୍ୱିତୀୟ ବୃହତ୍ତମ ଅର୍ଥନୀତି ଏବଂ ଜାପାନ ୪,୨୦୦ ବିଲିୟନ ଡ଼ଲାର ସହିତ ତୃତୀୟ ବୃହତ୍ତମ ଅର୍ଥନୀତି ଅଟେ। ଏଥି ସହିତ, ୨୦୨୨ ସୁଦ୍ଧା, ବ୍ରିଟେନର ଏବଂ ଫ୍ରାନ୍ସର ଜିଡିପି ତୁଳନାରେ ଭାରତୀୟ ଜିଡିପିର ଆକାର ବଡ଼ ହୋଇସାରିଛି। ୨୦୩୦ ସୁଦ୍ଧା ଭାରତର ଜିଡିପି ଜର୍ମାନୀକୁ ଅତିକ୍ରମ କରିବ ବୋଲି ଆଶା କରାଯାଉଛି।