ନୂଆଦିଲ୍ଲୀ,୪।୧୨: କୋଟାକ ଓ୍ବେଲ୍ଥ ସହଯୋଗରେ ହୁରୁନ ଇଣ୍ଡିଆ ୧୦୦ ଭାରତୀୟ ଧନୀ ମହିଳାଙ୍କ ତାଲିକା ପ୍ରସ୍ତୁତ କରିଛି। ଏହି ତାଲିକାରେ ଅନ୍ତର୍ଭୁକ୍ତ ମହିଳାଙ୍କ ମୋଟ ସମ୍ପତ୍ତି ହେଉଛି୨.୭୨ ଲକ୍ଷ କୋଟି ଟଙ୍କା। ଏଚ୍ସିଏଲ୍ ଟେକ୍ନୋଲୋଜିର ଚେୟାରମ୍ୟାନ ରୋଶନୀ ନାଡର ମାଲହୋତ୍ରା ହେଉଛନ୍ତି ସବୁଠାରୁ ଧନୀ ଭାରତୀୟ ମହିଳା। ରୋଶନୀଙ୍କ ନିଟ ମୂଲ୍ୟ ହେଉଛି ୫୪,୮୫୦ କୋଟି ଟଙ୍କା। ତାଙ୍କୁ ନିକଟରେ ଏଚ୍ସିଏଲ୍ ଟେକ୍ନୋଲୋଜିର ଚେୟାରମ୍ୟାନ କରାଯାଇଛି। ୨୦୧୯ରେ ସେ ଫୋର୍ବସର ୧୦୦ଟି ଶକ୍ତିଶାଳୀ ମହିଳା ତାଲିକାରେ ୫୪ସ୍ଥାନ ପାଇଥିଲେ। ସେ ମାତ୍ର ୨୮ ବର୍ଷ ବୟସରେ କମ୍ପାନୀର ସିଇଓ ହୋଇଥିଲେ। ହୁରୁନ ରିଚ ତାଲିକାରେ ଦ୍ୱିତୀୟ ସ୍ଥାନରେ ଅଛନ୍ତି ବାୟୋକନର ପରିଚାଳନା ନିର୍ଦ୍ଦେଶକ କିରଣ ମଜୁମଦାର-ଶ’। ତାଙ୍କ ମୋଟ ସମ୍ପତ୍ତି ହେଉଛି ୩୬.୬ ହଜାର କୋଟି ଟଙ୍କା। ଲୀନା ଗାନ୍ଧୀ ତିୱାରୀ ତୃତୀୟ ସ୍ଥାନରେ ଅଛନ୍ତି, ଯାହାର ମୋଟ ସମ୍ପତ୍ତି ହେଉଛି ୨୧,୩୪୦ କୋଟ। ସେ ୟୁଏସ୍ଭି କମ୍ପାନୀର ଚେୟାରମ୍ୟାନ ଅଟନ୍ତି। ୧୯୬୧ରେ ୟୁଏସ୍ଭି ଇଣ୍ଡିଆ ଲୀନା ତିୱାରୀଙ୍କ ପିତା ଭିଥାଲ ଗାନ୍ଧୀଙ୍କ ଦ୍ୱାରା ପ୍ରତିଷ୍ଠିତ ହୋଇଥିଲା। ହୁରୁନ ଧନୀ ତାଲିକାରେ ଚତୁର୍ଥ ସ୍ଥାନରେ ଅଛନ୍ତି ନୀଳିମା ମୋଟାପାର୍ଟି। ଯାହାର ମୋଟ ସମ୍ପତ୍ତି ୧୮,୬୨୦ କୋଟି ଟଙ୍କା ବୋଲି ଆକଳନ କରାଯାଇଛି। ତାଙ୍କ କମ୍ପାନୀ ହେଉଛି ଡିଭିସ ଲାବୋରେଟୋରୀ। ଧନୀ ତାଲିକାର ୫ମ ସ୍ଥାନରେ ରାଧା ଭେମ୍ବୁ ଅଛନ୍ତି। ଯାହାଙ୍କ ମୋଟ ସମ୍ପତ୍ତିର ମୂଲ୍ୟ ୧୧,୫୯୦କୋଟି ଟଙ୍କା ରହିଛି। ତାଙ୍କ କମ୍ପାନୀ ଜୋହୋ କର୍ପୋରେସନ୍। ଷଷ୍ଠ ନମ୍ବର ହେଉଛି ଧନୀ ମହିଳାଙ୍କ ତାଲିକାରେ ଜୟଶ୍ରୀ ଉଲାଲ, ଯାହାର ମୋଟ ସମ୍ପତ୍ତି ହେଉଛି ୧୦,୨୨୦ କୋଟି ଟଙ୍କା, ସେମାନଙ୍କ କମ୍ପାନୀ ହେଉଛି ଆରିଷ୍ଟା ନେଟୱାକ। ଏଥି ସହିତ ରେଣୁ ମୁଞ୍ଜାଲ ସପ୍ତମ ସ୍ଥାନରେ ଅଛନ୍ତି, ଯାହାର ମୋଟ ସମ୍ପତ୍ତି ହେଉଛି ୮,୬୯୦ କୋଟି ଟଙ୍କା, ତାଙ୍କ କମ୍ପାନୀ ହେଉଛି ହିରୋ ଫିନକର୍ପ।
