ନୂଆଦିଲ୍ଲୀ,୧ ।୮: ଦେଶରେ କରୋନା ସଂକ୍ରମଣ ସ୍ଥିତି ଏବେବି ଚିନ୍ତା ଜନକ ରହିଛି । କିଛି ଅଞ୍ଚଳରେ କରୋନା ଗ୍ରାଫ ବଢୁଥିବା ବେଳେ ଏହାର ତୃତୀୟ ଲହର ଚିନ୍ତାରେ ପକାଉଥିବା କହିଛନ୍ତି ଦିଲ୍ଲୀ ସ୍ଥିତ ଅଲ ଇଣ୍ଡିଆ ଇନଷ୍ଟିଚ୍ୟୁଟ ଅଫ୍ ମେଡିକାଲ ସାଇନସେସ୍(ଏମ୍ସ)ର ନିର୍ଦ୍ଦେଶକ ଡାକ୍ତର ରଣଦୀପ ଗୁଲେରିୟା । ସେ କହିଛନ୍ତି ଦେଶରେ ଆର୍ ଭାଲ୍ୟୁ ବେଳକୁ ବେଳ ବଢିବାରେ ଲାଗିଛି ଯାହା ଚିନ୍ତାର କାରଣ । ତେଣୁ ଯେଉଁ ଅଞ୍ଚଳରେ କରୋନା ସଂକ୍ରମଣ ବୃଦ୍ଧି ପାଉଛି ସେଠାରେ ଏହାକୁ ରୋକିବାକୁ କଡା କାର୍ଯ୍ୟାନୁଷ୍ଠାନ ନେବା ଜରୁରୀ । ଏନ୍ଡିଟିଭିକୁ ଦେଇଥିବା ଏକ ସାକ୍ଷାତ୍ କାରରେ ଗୁଲେରିୟା କହିଛନ୍ତି ୦.୯୬ରୁ ଆରମ୍ଭ ହେଉଥିବା ଆର୍ ଭାଲ୍ୟୁ ଏବେ ୧ରୁ ଅଧିକ ହୋଇ ଗଲାଣି । ଆର୍ ଭାଲ୍ୟୁ ବଢିବା ଚିନ୍ତାର କାରଣ । ଏହାର ଅର୍ଥ ହେଉଛି ଯେତେବେଳେ ଜଣେ ସଂକ୍ରମିତଙ୍କ ଠାରୁ ଏହା ଅନ୍ୟ ଜଣଙ୍କୁ ସଂକ୍ରମିତ ହୋଇଥାଏ । ତେଣୁ ଯେଉଁ ଅଞ୍ଚଳରେସଂକ୍ରମଣ ବଢୁଛି ସେଠାରେ ଚେନ୍ ବ୍ରେକ୍ କରିବା ସହ ଟେଷ୍ଟ, ଟ୍ରାକ୍ ଓ ଟ୍ରିଟ ରଣନୀତି ଆପଣେଇବା ଦରକାର । ଆର୍ ଫ୍ୟାକ୍ଟରକୁ କରୋନା ସଂକ୍ରମଣର ବୃଦ୍ଧି ସଂଖ୍ୟାର ସୁଚକାଙ୍କ ବୋଲି କୁହାଯାଇଥାଏ ।
