ଆଫଗାନିସ୍ତାନରେ ଏକଜୁଟ ହେଲେ ଭାରତ-ପାକିସ୍ତାନ, ତାଲିବାନ ହେଲା ଆଶ୍ଚର୍ଯ୍ୟ…

କାବୁଲ, ୭।୮ : ଭାରତ ଏବଂ ପାକିସ୍ତାନ ମଧ୍ୟରେ ସମ୍ପର୍କ ପ୍ରାୟତଃ ତିକ୍ତ ରହିଥାଏ। କିନ୍ତୁ ଚଳିତ ସପ୍ତାହରେ ଆଫଗାନିସ୍ତାନରେ ଘଟିଥିବା ଏକ ଘଟଣା ତାଲିବାନକୁ ଆଶ୍ଚର୍ଯ୍ୟ କରିଥିଲା। କାବୁଲରେ ଭାରତ ଏବଂ ପାକିସ୍ଥାନର କୂଟନୀତିଜ୍ଞମାନେ ଏହି ନିୟମ ଉଲ୍ଲଂଘନ କରି ଗିରଫ ହୋଇଥିବା ଜଣେ ବିଦେଶୀ ଗଣମାଧ୍ୟମ ପ୍ରତିନିଧିଙ୍କୁ ମୁକ୍ତ କରିବାକୁ ଏକଜୁଟ ହୋଇ ଦାବି କରିଥିଲେ। ପାକିସ୍ତାନୀ ଗଣମାଧ୍ୟମ ପ୍ରତିନିଧି ଅନସ ମାଲିକ ତାଲିବାନ ଦ୍ୱାରା ୪ ଅଗଷ୍ଟ ୨୦୨୨ରେ ତାଙ୍କ ସ୍ଥାନୀୟ ପ୍ରଡ୍ୟୁସର ତଥା ଡ୍ରାଇଭରଙ୍କ ସହ ଗିରଫ ହୋଇଥିଲେ। ମାଲିକଙ୍କୁ ମାଡ଼ ମରାଯାଇ ପଚରାଉଚରା କରାଯାଇଥିଲା। ତାଙ୍କୁ ୨୧ ଘଣ୍ଟା ପୋଲିସ ହେପାଜତରେ ରଖାଯାଇଥିବାବେଳେ ୪୨ ଘଣ୍ଟା ଜେଲରେ ରଖାଯାଇଥିଲା। ପରେ ଶନିବାର ତାଙ୍କର ଦୁଇ ସହଯୋଗୀଙ୍କୁ ମୁକ୍ତ କରାଯାଇଥିଲା।

କାବୁଲର ଭୋଏ ନିଜ ରିପୋର୍ଟରେ କହିଛି ଯେ ମାଲିକଙ୍କ ନିଖୋଜ ଖବର ପ୍ରକାଶ ପାଇବା ପରେ ଭାରତ ଏବଂ ପାକିସ୍ଥାନର କୂଟନୀତିଜ୍ଞମାନେ ଗଣମାଧ୍ୟମ ପ୍ରତିନିଧିଙ୍କ ସୁରକ୍ଷା ଏବଂ ସ୍ବାଧୀନତା ପାଇଁ ତାଲିବାନ ଅଧିକାରୀଙ୍କ ସହ ଯୋଗାଯୋଗ କରିଥିଲେ।

ରିପୋର୍ଟ ଅନୁଯାୟୀ, ତାଲିବାନ ସୂତ୍ରରୁ ପ୍ରକାଶ ଯେ ବିଳମ୍ବକୁ ନେଇ ଭାରତ ଏବଂ ପାକିସ୍ତାନୀ ଦୂତାବାସରୁ ଲଗାତାର ଫୋନ କଲରେ ମାଲିକଙ୍କ ମୁକ୍ତି ଦାବିରେ ଦର୍ଶାଯାଇଛି। ଏହି ସମ୍ପର୍କିତ ସୂତ୍ର ଅନୁଯାୟୀ ତାଲିବାନ ଅଧିକାରୀମାନେ ଭାରତୀୟ ପକ୍ଷକୁ ପଚାରିଥିଲେ, ’ଆମେ ଜାଣୁ ଯେ ସେ ଜଣେ ପାକିସ୍ତାନୀ। ତୁମେ କିପରି କହିପାରିବ ଯେ ସେ ଆପଣଙ୍କର ଲୋକ? ସେତେବେଳେ ଜଣେ ଭାରତୀୟ ଅଧିକାରୀ ଉତ୍ତରରେ କହିଥିଲେ ଯେ ମାଲିକ ଏକ ଭାରତ ଭିତ୍ତିକ ନ୍ୟୁଜ ଚ୍ୟାନେଲରେ କାମ କରନ୍ତି। ସେହିପରି ପାକିସ୍ତାନୀ ଦୂତାବାସ ତାଲିବାନ ଅଧିକାରୀଙ୍କୁ ଫୋନ୍‌ କଲ କରିବା ସହ ମାଲିକଙ୍କୁ ମୁକ୍ତ କରିବାକୁ ଦାବି କରିଛି।

ରିପୋର୍ଟ ଅନୁଯାୟୀ, ତାଲିବାନ ପାକିସ୍ତାନର ରାଜଧାନୀ ଇସଲାମାବାଦରୁ ନୂଆଦିଲ୍ଲୀରେ ଅବସ୍ଥିତ ଏକ ଭାରତୀୟ ନ୍ୟୁଜ ଚ୍ୟାନେଲ ଓ୍ବିଅନରେ କାମ କରୁଥିବା ମାଲିକଙ୍କୁ ମୁକ୍ତ କରିଛି। ଏହାର ମୁଖ୍ୟାଳୟ ଦିଲ୍ଲୀରେ ରହିଛି। ତାଙ୍କୁ ଆଫଗାନିସ୍ତାନ ଛାଡିବାକୁ କୁହାଯାଇଥିଲା।

ପାକିସ୍ତାନରେ ପହଞ୍ଚି ସେ ନିଜ ଚ୍ୟାନେଲକୁ କହିଛନ୍ତି ଯେ କାବୁଲର ପୋଶ୍‌ ଅଞ୍ଚଳରୁ ରିପୋର୍ଟିଂ କରି ଫେରୁଥିଲେ। ଖବର ପାଇବା ପରେ ତାଲିବାନ ତାଙ୍କୁ କାର ଭିତରୁ ଟାଣି ନେଇଥିଲା ସେହି ସମାନ ଅଞ୍ଚଳ ଯେଉଁଠାରେ ଆମେରିକା ରବିବାର ଡ୍ରୋନ ଆକ୍ରମଣରେ ଅଲ-କାଏଦା ନେତା ଆୟମାନ ଅଲ-ଜାୱାହିରିଙ୍କୁ ହତ୍ୟା କରିଥିଲା। ତାଲିବାନ ଗଣମାଧ୍ୟମ ପ୍ରତିନିଧିଙ୍କୁ ଜଓ୍ବାହିରଙ୍କୁି ହତ୍ୟା କରାଯାଇଥିବା ଘରଠାରୁ ଦୂରରେ ରହିବାକୁ ନିର୍ଦ୍ଦେଶ ଦେଇଥିଲା। ତିନି ଜଣଙ୍କୁ ଅଟକ ରଖିଥିବା ଅଭିଯୋଗର ତାଲିବାନ ଅଧିକାରୀ ଏପର୍ଯ୍ୟନ୍ତ କୌଣସି ପ୍ରତିକ୍ରିୟା ଦେଇନାହାଁନ୍ତି।