ନୂଆଦିଲ୍ଲୀ,୧୬।୪: ଭାରତର ସବୁଠାରୁ ମହଙ୍ଗା ବାଇକ୍ର ମୂଲ୍ୟ ଏତେ ଅଧିକ ଯେ ଆପଣ କେବଳ ଗୋଟିଏ କି ଦୁଇଟି ନୁହେଁ ବରଂ ୫୦ଟି ରୟାଲ ଏନଫିଲ୍ଡ ବୁଲେଟ ଘରକୁ ଆଣିପାରିବେ। ହଁ, ଏହି ବାଇକ୍ର ଏକ୍ସ-ସୋରୁମ ମୂଲ୍ୟ ୧ କୋଟି ଟଙ୍କାରୁ ଅଧିକ। ଏହା ଏକ ଲିମିଟେଡ୍ ପ୍ରଡକ୍ସନ(ସୀମିତ ଉତ୍ପାଦନ) ବାଇକ। ସେଥିପାଇଁ ଏହା ଏକ ସଂଗ୍ରହଣୀୟ ମଡେଲ ପାଲଟିଛି। ଏପର୍ଯ୍ୟନ୍ତ ଏହାର ମାତ୍ର ୫୦୦ ୟୁନିଟ ତିଆରି ହୋଇଛି।
ଏହି ବାଇକ ହେଉଛି Ducati Superleggera V୪, ଯାହା ଏହାର ଉଚ୍ଚ-ପ୍ରଦର୍ଶିତା ପାଇଁ ଜଣାଶୁଣା। ଏହି ବାଇକ୍ରେକାର୍ବନ ଫାଇବର ଭଳି ହାଲୁକା ଏବଂ ଦୃଢ଼ ସାମଗ୍ରୀ ବ୍ୟବହାର କରାଯାଇଛି, ଯେଉଁଥିଲାଗି ଏହାର ଗତି ମଧ୍ୟ ଉତ୍କୃଷ୍ଟ। ଏହା ଦେଶର ସବୁଠାରୁ ମହଙ୍ଗା ୨ଚକିଆ ଯାନ ମଧ୍ୟରୁ ଗୋଟିଏ।
ଏହି ବାଇକ୍ରେ ଆପଣଙ୍କୁ ୯୯୮cc Desmosedici Stradale ୯୦ଂ V୪ ଇଞ୍ଜିନ ମିଳିବ। ଏହା ୨୨୪ hp ପାୱାର ଜେନେରେଟ ୍ କରେ, ହେଲେ ରେସିଂ କିଟ ସହିତ ଏହାର ପାୱାର ୨୩୪ hp। ଏହି ବାଇକ୍ର ସର୍ବାଧିକ ଟର୍କ ୧୧୬ Nm, ହେଲେ ରେସିଂ କିଟ ସହିତ ଏହା ୧୧୯ Nm ଟର୍କ ଜେନେରେଟ କରେ। ଏହି ବାଇକ୍ର ସର୍ବାଧିକ ଗତି ଘଣ୍ଟା ପ୍ରତି ୨୯୯ ରୁ ୪୦୦ କିଲୋମିଟର ପର୍ଯ୍ୟନ୍ତ। ଏହି ବାଇକ୍ରେ ୧୭ ଲିଟର ପର୍ଯ୍ୟନ୍ତ ଇନ୍ଧନ ଟାଙ୍କି ମିଳିଥାଏ।
ଭାରତରେ Ducati Superleggera V୪ ର ମୂଲ୍ୟ ୧.୧୨ କୋଟି ଟଙ୍କାରୁ ୧.୪୦ କୋଟି ଟଙ୍କା ମଧ୍ୟରେ ରହିଛି। ଏବେ ଏହି ବାଇକ ଏକ ସଂଗ୍ରହଣୀୟ ମଡେଲ, ତେଣୁ ଏହାର ରି-ସେଲ୍ ଭାଲ୍ୟୁ(ପୁନଃବିକ୍ରୟ ମୂଲ୍ୟ) ପ୍ରତ୍ୟେକ ଥର ବୃଦ୍ଧି ପାଉଛି। ଏହି ବାଇକ୍ଟି ସାଧାରଣତଃ ରେସିଂ ପାଇଁ ବ୍ୟବହୃତ ହୁଏ। ଡୁକାଟି ତାର ରେସିଂ ବାଇକ ପାଇଁ ସାରା ବିଶ୍ୱରେ ଜଣାଶୁଣା। କମ୍ପାନୀର ଅଧିକାଂଶ ବାଇକ ସଂଗ୍ରହଯୋଗ୍ୟ। ଏହି ବାଇକ୍ଗୁଡ଼ିକର ବିଶେଷତ୍ୱ ହେଉଛି ଏହାର କାର୍ଯ୍ୟଦକ୍ଷତା ଏବଂ ଗତି।
ଏହି ବାଇକ୍ର ମୂଲ୍ୟ ଯେତିକି ସେଥିରେ ଅତ୍ୟନ୍ତ ଲୋକପ୍ରିୟ ରୟାଲ ଏନଫିଲ୍ଡ ବୁଲେଟ ୩୫୦ର ୫୦ ରୁ ଅଧିକ ବାଇକ କିଣି ହୋଇଯିବ। ଏହି ରୟାଲ ଏନଫିଲ୍ଡ ବାଇକ୍ର ଏକ୍ସ-ଶୋ’ରୁମ ମୂଲ୍ୟ ନୋଏଡାରେ ୧.୭୪ ଲକ୍ଷ ଟଙ୍କାରୁ ଆରମ୍ଭ ହେଉଛି। ଅନ-ରୋଡ ମୂଲ୍ୟ ପ୍ରାୟ ୨.୦୩ ଲକ୍ଷ ଟଙ୍କା ପର୍ଯ୍ୟନ୍ତ ପହଞ୍ଚିଥାଏ। ରୟାଲ ଏନଫିଲ୍ଡର କ୍ଲାସିକ ୩୫୦ ଏବଂ ବୁଲେଟ ୩୫୦ ସର୍ବାଧିକ ବିକ୍ରି ହେଉଥିବା ବାଇକ।
