ନୂଆଦିଲ୍ଲୀ,୨୮।୭: ଜାପାନର ବହିର୍ବ୍ୟାପାର ମନ୍ତ୍ରୀ ଭାରତ ଗସ୍ତରେ ଅଛନ୍ତି। ଏହି ସମୟ ମଧ୍ୟରେ ଚାଇନା ସହିତ ଚାଲିଥିବା ବିବାଦକୁ ନେଇ ଭାରତ ବହିର୍ବ୍ୟାପାର ମନ୍ତ୍ରୀଙ୍କ ସମର୍ଥନ ପାଇଛି। ସ୍ବତନ୍ତ୍ର ଏବଂ ଖୋଲା ଭାରତ-ପ୍ରଶାନ୍ତ ମହାସାଗରକୁ ସୁନିଶ୍ଚିତ କରିବାରେ ଭାରତ ଏକ ଗୁରୁତ୍ୱପୂର୍ଣ୍ଣ ଅଂଶୀଦାର ବୋଲି ଜାପାନର ବହିର୍ବ୍ୟାପାର ମନ୍ତ୍ରୀ କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେ, ସୀମାରେ ସ୍ଥିତି ପରିବର୍ତ୍ତନକୁ ବରଦାସ୍ତ କରାଯାଇପାରିବ ନାହିଁ।
ସୂଚନାଯୋଗ୍ୟ, ଜାପାନର ବହିର୍ବ୍ୟାପାର ମନ୍ତ୍ରୀ ୟୋସିସାମା ହୟାଶି ଭାରତ-ଜାପାନ ଫୋରମର ଉଦ୍ଘାଟନୀ କାର୍ଯ୍ୟକ୍ରମରେ ଯୋଗଦେବାକୁ ଭାରତ ଆସିଛନ୍ତି। ଗୁରୁବାର ନୂଆଦିଲ୍ଲୀରେ ଭାରତ-ଜାପାନ ଫୋରମର ଉଦ୍ଘାଟନୀ ଅଧିବେଶନରେ ଜାପାନରବହିର୍ବ୍ୟାପାର ମନ୍ତ୍ରୀ ହୟାଶି କହିଛନ୍ତି ଯେ, ଜି -୨୦ ଅଧ୍ୟକ୍ଷତାକୁ ସଫଳ କରିବା ପାଇଁ ଜାପାନ ଭାରତ ସହ ଘନିଷ୍ଠ ଭାବରେ କାର୍ଯ୍ୟ କରିବାକୁ ଅପେକ୍ଷା କରିଛି। ଭାରତ ମହାସାଗରରେ ଚାଇନାର ବଢୁଥିବା ପ୍ରଭାବ ଉପରେ ହୟାଶି କହିଛନ୍ତି, ସ୍ବତନ୍ତ୍ର ଏବଂ ଖୋଲା ଭାରତ-ପ୍ରଶାନ୍ତ ମହାସାଗରକୁ ସୁନିଶ୍ଚିତ କରିବାରେ ଭାରତ ଏକ ଅପରିହାର୍ଯ୍ୟ ଅଂଶୀଦାର। ଜାପାନ କହିଛି ଯେ, ହିରୋସିମା ଶିଖର ସମ୍ମିଳନୀରେ ଜି-୭ ଦେଶ ସହମତ ହୋଇଛନ୍ତି ଯେ, ବଳପୂର୍ବକ ସ୍ଥିତି ପରିବର୍ତ୍ତନ କରିବାକୁ ଚେଷ୍ଟାକୁ ବରଦାସ୍ତ କରାଯାଇପାରିବ ନାହିଁ।
