ବର୍ମିଂହାମ, ୧୪ା୬: ପଡ଼ୋଶୀ ପାକିସ୍ତାନ ସହ ହାତ ନ ମିଳାଇବା ନୀତି ଭାରତ ଜାରି ରଖିଛି। ରବିବାର ମହିଳା ବିଶ୍ୱକପ୍ ମ୍ୟାଚ୍ରେ ଭାରତର ଅଧିନାୟିକା ହରମନପ୍ରୀତ କୌର ପ୍ରତିପକ୍ଷ ପାକିସ୍ତାନ ଦଳର ଅଧିନାୟିକା ଫାତିମା ସାନାଙ୍କ ସହ ଟସ୍ ବେଳେ ହାତ ମିଳାଇ ନ ଥିଲେ।
ଗତ ବର୍ଷ ପହଲଗାମ ଆକ୍ରମଣ ଓ ଭାରତୀୟ ସଶସ୍ତ୍ରବାହିନୀ ଦ୍ୱାରା କରାଯାଇଥିବା ଅପରେଶନ ସିନ୍ଦୂର ପରଠାରୁ ଭାରତୀୟ କ୍ରିକେଟ ଦଳ ପାକିସ୍ତାନ ସହ ଟସ୍ ବେଳେ ଓ ମ୍ୟାଚ୍ ପରେ ହାତ ନ ମିଳାଇବାକୁ ନିଷ୍ପତ୍ତି ନେଇଥିଲା। ଭାରତର ପୂର୍ବତନ ଟି୨୦ ଅଧିନାୟକ ସୂର୍ଯ୍ୟକୁମାର ଯାଦବ ଦୁବାଇରେ ଖେଳାଯାଇଥିବା ଏସିଆ କପ୍ରେ ପ୍ରଥମ ଥର ପାଇଁ ଏହି ନୀତି ଆପଣେଇଥିଲେ।