ନୂଆଦିଲ୍ଲୀ,୨୨।୭: ଏସୀୟ କ୍ରିକେଟର ମହାକୁମ୍ଭ ୩୦ ଅଗଷ୍ଟରୁ ଆରମ୍ଭ ହେବ। ୨୦୨୩ଏସିଆ କପରେ ଭାରତ ଏବଂ ପାକିସ୍ତାନ ମଧ୍ୟରେ ୨ ସେପ୍ଟେମ୍ବରରେ ଏକ ବଡ଼ ମ୍ୟାଚ ଖେଳାଯିବ। ଚଳିତ ବର୍ଷ ଏସିଆ କପ ପାକିସ୍ତାନ ଏବଂ ଶ୍ରୀଲଙ୍କାରେ ଅନୁଷ୍ଠିତ ହେବ। ଏହାପୂର୍ବରୁ ଶ୍ରୀଲଙ୍କାରେ ୨୦୨୩ ଏମର୍ଜିଂ ଏସିଆ କପ ମ୍ୟାଚ ଖେଳାଯାଉଛି।ଏହି ଟୁର୍ନାମେଣ୍ଟ ମଧ୍ୟ ଏହାର ଶେଷ ପର୍ଯ୍ୟାୟରେ ଅଛି।
ଭାରତ-ଏ ଏବଂ ପାକିସ୍ତାନ-ଏ ଦଳ ୨୦୨୩ ଏମର୍ଜିଂ ଏସିଆ କପ ଫାଇନାଲରେ ପ୍ରବେଶ କରିଛନ୍ତି। ଉଭୟ ଦଳ ନିଜ ନିଜ ସେମିଫାଇନାଲ ମ୍ୟାଚରେ ଆକର୍ଷଣୀୟ ବିଜୟ ପଞ୍ଜିକରଣ କରିଥିଲେ। ବର୍ତ୍ତମାନ ଉଭୟ ଦଳ ଆସନ୍ତାକାଲି ଅର୍ଥାତ୍ ରବିବାର ଟାଇଟଲ ମ୍ୟାଚ ଖେଳିବେ।
୨୦୨୩ ଏମର୍ଜିଂ ଏସିଆ କପର ପ୍ରଥମ ସେମିଫାଇନାଲ ମ୍ୟାଚ ପାକିସ୍ତାନ-ଏ ଏବଂ ଶ୍ରୀଲଙ୍କା-ଏ ମଧ୍ୟରେ ଖେଳାଯାଇଥିଲା। ଏହି ମ୍ୟାଚରେ ପାକିସ୍ତାନ-ଏ ଦଳ ସହଜରେ ଜିତିଥିଲା। ପ୍ରଥମେ ଖେଳିବା ପରେ ପାକିସ୍ତାନ-ଏ ୫୦ ଓଭରରେ ୩୨୨ ରନ ସଂଗ୍ରହ କରିଥିଲା। ଏହାର ଜବାବରେ ଶ୍ରୀଲଙ୍କା-ଏ ଦଳ ୪୫.୪ ଓଭରରେ ମାତ୍ର ୨୬୨ ରନ ସ୍କୋର କରିପାରଥିଲା।
