ନୂଆଦିଲ୍ଲୀ,୧୫।୧୧: ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ଖେଳାଯାଉଥିବା ପାଞ୍ଚ ମ୍ୟାଚ୍ ବିଶିଷ୍ଟ ଦିନିକିଆ ସିରିଜର ପଞ୍ଚମ ତଥା ଚୂଡ଼ାନ୍ତ ମୁକାବିଲାରେ ଦ୍ରୁତ ବୋଲର ଯଶ ଠାକୁର ଭାରତୀୟ ଦଳ ପାଇଁ ନିଜର ଦିନିକିଆ ଆନ୍ତର୍ଜାତୀୟ ଡେବ୍ୟୁ କରିଛନ୍ତି। ଘରୋଇ କ୍ରିକେଟ୍ରେ ବିଦର୍ଭ ପାଇଁ ଦଳରୁ ଲଗାତାର ପ୍ରଭାବଶାଳୀ ପ୍ରଦର୍ଶନ ଏବଂ ଆଇପିଏଲ୍ରେ ନିଜର ଘାତକ ବୋଲିଂ ବଳରେ ସେ ଏହି ଗୁରୁତ୍ୱପୂର୍ଣ୍ଣ ମ୍ୟାଚ୍ର ଚୂଡ଼ାନ୍ତ ଏକାଦଶରେ ସ୍ଥାନ ପାଇଛନ୍ତି। ପୂର୍ବରୁ ଭାରତ ପାଇଁ ୪ଟି ଟି-୨୦ ମ୍ୟାଚ୍ ଖେଳିସାରିଥିବା ଯଶ ଏବେ ଏହି ୫୦ ଓଭର ଫର୍ମାଟ୍ରେ ମଧ୍ୟ ନିଜର କମାଲ ଦେଖାଇବାକୁ ପ୍ରସ୍ତୁତ ଅଛନ୍ତି। ଏହାସହିତ ଅଭିଜ୍ଞ ପେସର୍ ମହମ୍ମଦ ସିରାଜ ମଧ୍ୟ ପ୍ଲେଇଙ୍ଗ ଇଲେଭେନ୍ରେ ସାମିଲ ହୋଇଛନ୍ତି।
୧୯୯୮ ମସିହା ଡିସେମ୍ବର ୨୮ ତାରିଖରେ କୋଲକାତାରେ ଜନ୍ମଗ୍ରହଣ କରିଥିବା ଯଶ ଠାକୁର ନିଜର କ୍ରିକେଟ୍ ଯାତ୍ରା ବିଦର୍ଭରୁ ଆଗକୁ ବଢ଼ାଇଥିଲେ। ସେ ରଣଜୀ ଟ୍ରଫି, ବିଜୟ ହଜାରେ ଟ୍ରଫି ଏବଂ ସୟଦ ମୁସ୍ତାକ ଅଲି ଟ୍ରଫି ଭଳି ଘରୋଇ କ୍ରିକେଟ୍ର ତିନୋଟି ମୁଖ୍ୟ ଫର୍ମାଟ୍ରେ ଲଗାତାର ଉଇକେଟ୍ ନେଇ ସେଲେକ୍ଟରମାନଙ୍କ ଦୃଷ୍ଟି ଆକର୍ଷଣ କରିଥିଲେ। ଯଶ ତାଙ୍କର ସଠିକ୍ ଲାଇନ୍-ଲେନ୍ଥ, ଡେଥ୍ ଓଭରରେ ଚାପର ସମ୍ମୁଖୀନ କରିବାର କ୍ଷମତା ଏବଂ ସ୍ଲୋଅର୍ ବଲ୍ର ଚମତ୍କାର ବ୍ୟବହାର ପାଇଁ ବେଶ୍ ଜଣାଶୁଣା।
ଆଇପିଏଲ୍ (IPL)ରେ ସେ ଲକ୍ଷ୍ନୌ ସୁପର ଜାଏଣ୍ଟ୍ସ ଏବଂ ପଞ୍ଜାବ କିଙ୍ଗ୍ସ ପରି ଦଳଗୁଡ଼ିକର ପ୍ରତିନିଧିତ୍ୱ କରି ବଡ଼ ମଞ୍ଚରେ ନିଜର ଉପଯୋଗିତା ପ୍ରମାଣିତ କରିଛନ୍ତି। ତାଙ୍କ କ୍ୟାରିୟରରେ ଏଯାବତ୍ ୬୦ଟି ଲିଷ୍ଟ ‘ଏ’ ମ୍ୟାଚ୍ରୁ ୯୭ଟି ଉଇକେଟ୍ ଏବଂ ୩୫ଟି ପ୍ରଥମ ଶ୍ରେଣୀ (First Class) କ୍ରିକେଟ୍ ମ୍ୟାଚ୍ରୁ ୧୦୧ଟି ଉଇକେଟ୍ ନେଇଛନ୍ତି। ସେହିପରି ଟି-୨୦ କ୍ରିକେଟ୍ରେ ମଧ୍ୟ ତାଙ୍କ ନାଁରେ ୭୮ ମ୍ୟାଚ୍ରୁ ୧୧୫ଟି ଉଇକେଟ୍ ରହିଛି।
New Zealand have won the toss and elect to bowl first in the 5th and final ODI of the series.
Two changes for #TeamIndia
Yash Thakur makes his debut and Mohd Siraj comes into the XI
Live – https://t.co/wqxhoXb2WC #NZvIND https://t.co/nYl2nc5OQo
— BCCI (@BCCI) November 15, 2026
ଭାରତୀୟ ଦଳ: ରୋହିତ ଶର୍ମା, ଋତୁରାଜ ଗାଏକ୍ୱାଡ, ବିରାଟ କୋହଲି, ଶ୍ରେୟସ ଆୟର (ଅଧିନାୟକ), ଇଶାନ କିଶନ (ଉଇକେଟକିପର), ଅକ୍ଷର ପଟେଲ, ନମନ ଧୀର, ଆକିବ ନବୀ, ଅର୍ଶଦୀପ ସିଂହ, ମହମ୍ମଦ ସିରାଜ, ଯଶ ଠାକୁର
ନ୍ୟୁଜିଲ୍ୟାଣ୍ଡ ଦଳ: ୱିଲ୍ ୟଙ୍ଗ, ଟିମ୍ ସାଇଫର୍ଟ (ଉଇକେଟକିପର), ନିକ୍ କେଲି, ଡିନ୍ ଫକ୍ସକ୍ରଫ୍ଟ, ଫିନ୍ ଆଲେନ୍, ମାଇକେଲ ବ୍ରେସୱେଲ, ମିଚେଲ ସାଣ୍ଟନର (ଅଧିନାୟକ), କ୍ରିଷ୍ଟିଆନ୍ କ୍ଲାର୍କ, ବ୍ଲେୟର ଟିକ୍ନର, ଜ୍ୟାକବ ଡଫି, ମାଥ୍ୟୁ ଫିଶର