୩ୟ ଟେଷ୍ଟ ପୂର୍ବରୁ ରାଜକୋଟ ଷ୍ଟାଡିୟମରେ ହେବ ପରିବର୍ତ୍ତନ, ବଦଳିବ ଏହାର ପରିଚୟ

ନୂଆଦିଲ୍ଲୀ,୭।୨: ଭାରତ ଏବଂ ଇଂଲଣ୍ଡ ମଧ୍ୟରେ ପାଞ୍ଚ ମ୍ୟାଚ ବିଶିଷ୍ଟ ଟେଷ୍ଟ ସିରିଜ ଏକ ରୋମାଞ୍ଚକର ମୋଡ଼ରେ ପହଞ୍ଚିଛି। ପ୍ରଥମ ଟେଷ୍ଟରେ ଇଂଲଣ୍ଡ ହାତରେ ପରାଜୟର ସମ୍ମୁଖୀନ ହେବା ପରେ ଭାରତୀୟ ଦଳ ଦୃଢ ପ୍ରତ୍ୟାବର୍ତ୍ତନ କରି ଦ୍ୱିତୀୟ ମ୍ୟାଚ ଜିତିଥିଲା। ଏହି ବିଜୟ ସହିତ ସିରିଜ ବର୍ତ୍ତମାନ ୧-୧ ସ୍ତରରେ ପହଞ୍ଚିଛି । ବର୍ତ୍ତମାନ ଦୁଇ ଦଳ ମଧ୍ୟରେ ତୃତୀୟ ମ୍ୟାଚ ୧୫ ଫେବୃଆରୀରୁ ରାଜକୋଟରେ ଖେଳାଯିବ। ତେବେ ଏହି ମ୍ୟାଚ ପୂର୍ବରୁ ରାଜକୋଟ କ୍ରିକେଟ ଷ୍ଟାଡିୟମରେ ଏକ ବଡ ପରିବର୍ତ୍ତନ ହେବାକୁ ଯାଉଛି। ବାସ୍ତବରେ, ରାଜକୋଟର ସୌରାଷ୍ଟ୍ର କ୍ରିକେଟ ଷ୍ଟାଡିୟମ ତୃତୀୟ ଟେଷ୍ଟର ଗୋଟିଏ ଦିନ ପୂର୍ବରୁ ଏକ ନୂଆ ନାମ ପାଇବାକୁ ଯାଉଛି।

୧୪ ଫେବୃଆରୀରେ ରାଜକୋଟର ସୌରାଷ୍ଟ୍ର କ୍ରିକେଟ ଆସୋସିଏଶନ ଷ୍ଟାଡିୟମର ନାମ ପରିବର୍ତ୍ତନ କରାଯିବ। ଏହି ଷ୍ଟାଡିୟମର ନୂତନ ନାମ ପୂର୍ବତନ କ୍ରିକେଟର ତଥା ଅଭିଜ୍ଞ ପ୍ରଶାସକ ନୀରଞ୍ଜନ ଶାହାଙ୍କ ନାମରେ ନାମିତ ହେବ। ବିସିସିଆଇ ସଚିବ ଜୟ ଶାହା ରାଜକୋଟରେ ଷ୍ଟାଡିୟମର ନୂତନ ନାମ ନୀରଞ୍ଜନ ଶାହା ଷ୍ଟାଡିୟମର ଉନ୍ମୋଚନ କରିବେ। ଷ୍ଟାଡିୟମ ସଚିବ ହିମାଂଶୁ ଶାହା ଗଣମାଧ୍ୟମକୁ ନୂତନ ନାମ ବିଷୟରେ ସୂଚନା ଦେଇଛନ୍ତି। ଏହି କାର୍ଯ୍ୟ ପାଇଁ ଆମେ ବିସିସିଆଇର ବରିଷ୍ଠ ଅଧିକାରୀମାନଙ୍କୁ ନିମନ୍ତ୍ରଣ ପଠାଯାଇଛି। ଖେଳାଳିମାନେ ମଧ୍ୟ ଏହି ବିଶେଷ କାର୍ଯ୍ୟକ୍ରମରେ ଅଂଶଗ୍ରହଣ କରିପାରନ୍ତି।