ଭୁବନେଶ୍ୱର,୧।୨: ଓଡ଼ିଶା ସରକାରଙ୍କ ଅଣୁ, କ୍ଷୁଦ୍ର ଏବଂ ମଧ୍ୟମ ଉଦ୍ୟୋଗ (ମାଇକ୍ରୋ, ସ୍ମଲ ଆଣ୍ଡ ମିଡିୟମ ଏଣ୍ଟରପ୍ରାଇଜେସ୍ ବା ଏମ୍ଏସ୍ଏମ୍ଇ) ଅଧୀନରେ କାର୍ଯ୍ୟ କରୁଥିବା ଷ୍ଟାର୍ଟଅପ୍ ଓଡ଼ିଶା ପକ୍ଷରୁ ବୁଧବାର ଷ୍ଟାର୍ଟଅପ୍ ଉତ୍ସବ-୨୦୨୪ର ଆୟୋଜନ କରାଯାଇଛି। ଏହି ପରିପ୍ରେକ୍ଷୀରେ କିଟ୍ ଟେକ୍ନୋଲୋଜି ବିଜ୍ନେସ୍ ଇନ୍କ୍ୟୁବେଟର (କିଟ୍ ଟିବିଆଇ)କୁ ସଫଳ ଇନ୍କ୍ୟୁବେଟର ଅଫ୍ ଦି ଇୟରର ପୁରସ୍କାର ପ୍ରଦାନ କରାଯାଇଛି। ଉଲ୍ଲେଖଯୋଗ୍ୟ, ଷ୍ଟାର୍ଟଅପ୍ ଓଡ଼ିଶା ପକ୍ଷରୁ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ କିଟ୍ ଟିବିଆଇକୁ ସଫଳ ଇନ୍କ୍ୟୁବେଟର ଅଫ୍ ଦି ଇୟରର ସମ୍ମାନ ଦିଆଯାଇଛି। ଏହି ଅବସରରେ ବିଭାଗୀୟ ମନ୍ତ୍ରୀ ପ୍ରତାପ କେଶରୀ ଦେବଙ୍କ ସମେତ ରାଜ୍ୟ ସରକାରଙ୍କ ମୁଖ୍ୟ ଉପଦେଷ୍ଟା ସୁବ୍ରତ ବାଗ୍ଚୀ, ଷ୍ଟାର୍ଟଅପ୍ ଓଡ଼ିଶାର କାର୍ଯ୍ୟନିର୍ବାହୀ ଅଧ୍ୟକ୍ଷ (ଚେୟାରମ୍ୟାନ) ଡ. ଓମ୍କାର ରାୟ ଏବଂ ଷ୍ଟାର୍ଟଅପ୍ ଏବଂ ଉଦ୍ୟୋଗ ଜଗତର ଅନ୍ୟାନ୍ୟ ପ୍ରତିଷ୍ଠିତ ବ୍ୟକ୍ତି ତଥା ଷ୍ଟାର୍ଟଅପ୍ ଯାତ୍ରା ଏବଂ ଏକ୍ସପ୍ରେସର ଶ୍ରେଷ୍ଠ ୧୦ ଛାତ୍ର ଉଦ୍ଭାବକ, ମହିଳା ଉଦ୍ୟୋଗୀ, ମିଲେଟ୍ ଇନୋଭେଶନ ଚ୍ୟାଲେଞ୍ଜର ବିଜେତା, ଫଣ୍ଡ ଷ୍ଟ୍ୟାକ୍ ୩.୦ର ଟପ୍ ୨୦ ଷ୍ଟାର୍ଟଅପ୍ ପ୍ରମୁଖ ଉପସ୍ଥିତ ଥିଲେ। ଏ ସମ୍ପର୍କରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି, ଭବିଷ୍ୟତ ପାଇଁ ଉଦ୍ୟୋଗୀମାନଙ୍କର ଏକ ଶକ୍ତିଶାଳୀ ପାଇପଲାଇନ ଯୋଗାଇବା ପାଇଁ ଷ୍ଟାର୍ଟଅପ୍ ଓଡ଼ିଶା ଯଥାକ୍ରମେ କଲେଜ ଏବଂ ସ୍କୁଲ ଛାତ୍ରୀଛାତ୍ରମାନଙ୍କ ପାଇଁ ଓଡ଼ିଶା ଷ୍ଟାର୍ଟଅପ୍ ଯାତ୍ରା ଏବଂ ଓଡ଼ିଶା ଷ୍ଟାର୍ଟଅପ୍ ଏକ୍ସପ୍ରେସ ଆଦି ପରିଚାଳନା କରିଥିଲା। ଏପରିକି ଆମେ ରେକର୍ଡ ଭାଙ୍ଗୁଥିବା ୪,୪୦୦ ଅଭିନବ ଚିନ୍ତାଧାରା ଗ୍ରହଣ କରି ୩୬,୦୦୦ ରୁ ଅଧିକ ଛାତ୍ରଙ୍କ ନିକଟରେ ପହଞ୍ଚିଛୁ। ଆଜି ଶ୍ରେଷ୍ଠ ୧୦୦ ଛାତ୍ର ଚିନ୍ତାଧାରାକୁ ମନୋନୀତ ଏବଂ ଉତ୍ସାହିତ କରାଯାଇଛି ଏବଂ ମୁଁ ଏହି ଭବିଷ୍ୟତର ଉଦ୍ୟୋଗୀମାନଙ୍କୁ ମୋର ହାର୍ଦ୍ଦିକ ଅଭିନନ୍ଦନ ଜଣାଉଛି। ସେହିଭଳି ମନ୍ତ୍ରୀ ଦେବ କହିଛନ୍ତି, ଓଡ଼ିଶାର ପ୍ରାକୃତିକ ପ୍ରଚୁରତା ମଧ୍ୟରେ ମୁଁ ଆମର ଗତିଶୀଳ ଯୁବକମାନଙ୍କୁ ଚାକିରି ଖୋଜୁଥିବା ପାରମ୍ପରିକ ଧାରଣାକୁ ଅତିକ୍ରମ କରିବାକୁ ଏବଂ ନିଯୁକ୍ତି ସୃଷ୍ଟିର ସଶକ୍ତୀକରଣ ଭୂମିକା ଗ୍ରହଣ କରିବାକୁ ଉତ୍ସାହିତ କରୁଛି। ଯୁବ ଉଦ୍ୟୋଗ ପାଇଁ ଦୃଢ଼ ସମର୍ଥନ ବିସ୍ତାର କରିବାରେ ସରକାର ସ୍ଥିର ଅଛନ୍ତି। ସେହିପରି ଷ୍ଟାର୍ଟଅପ୍ ଓଡ଼ିଶାର କାର୍ଯ୍ୟନିର୍ବାହୀ ଅଧ୍ୟକ୍ଷ (ଚେୟାରମ୍ୟାନ୍) ଡ. ଓମ୍କର ରାୟ କହିଛନ୍ତି, ଷ୍ଟାର୍ଟଅପ୍ ଉତ୍ସବ-୨୦୨୪ ଓଡ଼ିଶାର ଷ୍ଟାର୍ଟଅପ୍ ଲ୍ୟାଣ୍ଡସ୍କେପ୍ ମଧ୍ୟରେ ବିଭିନ୍ନ ସଫଳତାର ଉତ୍ସବ ପାଳନ କରିଛି ଏବଂ ଷ୍ଟାର୍ଟଅପ୍ ଇକୋସିଷ୍ଟମର ଷ୍ଟାର୍ଟଅପ୍, ଉଦ୍ୟୋଗୀ, ନିବେଶକ, ଇନ୍କ୍ୟୁବେଟର ଏବଂ ଅନ୍ୟାନ୍ୟ ହିତାଧିକାରୀଙ୍କ ଦ୍ୱାରା ନିର୍ମିତ ସଫଳତାକୁ ଠିକ୍ ଭାବେ ସ୍ବୀକୃତି ଦେଇଛି।
