ବର୍ତ୍ତମାନ କେବଳ ବୟସ୍କ ନୁହନ୍ତି, ଯୁବ ବୟସ୍କଙ୍କଠାରେ ମଧ୍ୟ ହୃଦ୍ ସମସ୍ୟା ବୃଦ୍ଧି ପାଉଥିବା ଦେଖିବାକୁ
ମିଳୁଛି । ପରିବର୍ତ୍ତିତ ଜୀବନଶୈଳୀ ବ୍ୟତୀତ ଏହାର ଅନ୍ୟତମ ମୁଖ୍ୟ କାରଣ ହେଉଛି ଆବଶ୍ୟକ ମାତ୍ରାରେ ଅମ୍ଳଜାନ
ଅଭାବ। ତେଣୁ ବର୍ତ୍ତମାନର ପରିବେଶ ପ୍ରଦୂଷଣକୁ ଆଖିଆଗରେ ରଖି ଶରୀର କିପରି ଆବଶ୍ୟକ
ମାତ୍ରାରେ ଅମ୍ଳଜାନ
ପାଇବ, ସେଥିପାଇଁ
କେତୋଟି ଉପାୟ ଆପଣାଇପାରିବେ
ଜାଣିରଖନ୍ତୁ ସେ
ସମ୍ପର୍କରେ…
ପିଅନ୍ତୁ ଅଧିକ ପାଣି: ଶରୀରର ପ୍ରତ୍ୟେକ ଅଙ୍ଗକୁ ଅମ୍ଳଜାନ ଭଲ ଭାବେ ସଂଚାଳନ ଲାଗି ଜଳୀୟାଂଶ ମାତ୍ରା ଠିକ୍ ରହିବା ସବୁଠୁ ଗୁରୁତ୍ୱପୂର୍ଣ୍ଣ। ତେଣୁ ପର୍ଯ୍ୟାପ୍ତ ପରିମାଣରେ ପାଣି ଅର୍ଥାତ୍ ଦିନକୁ ଅତିକମ୍ରେ ୩-୪ ଲିଟର ପାଣି ପିଅନ୍ତୁ। ପାଣିରେ ଥିବା ଅମ୍ଳଜାନ ଆପଣଙ୍କୁ ଫିଟ୍ ରଖିବା ସହ ଶରୀରକୁ ଡିହାଇଡ୍ରେଶନ୍ ହେବାକୁ ଦେବ ନାହିଁ।
ବ୍ୟାୟାମ ରଖିବ ଫିଟ୍: ପ୍ରତିଦିନ କିଛି ନା କିଛି ବ୍ୟାୟାମ କରିବା ଦ୍ୱାରା ଶରୀର ଫିଟ୍ ରହିଥାଏ। ଦିନକୁ ଅତିକମ୍ରେ ଅଧଘଣ୍ଟା ଓ୍ବାକିଂ, ବିଭିନ୍ନ ଯୋଗ, ବ୍ୟାୟାମ ସହିତ ପ୍ରାଣାୟାମ କରନ୍ତୁ। ଏରୋବିକ୍ ଏକ୍ସରସାଇଜ୍ ମଧ୍ୟ ଏଥିପାଇଁ ଖୁବ୍ ଭଲ। ଏହିସବୁ ଏକ୍ସରସାଇଜ୍ ଶରୀରରେ ରକ୍ତ ସଞ୍ଚାଳନ ବ୍ୟବସ୍ଥା ଠିକ୍ ରଖିବା ସହ ହୃତ୍ପିଣ୍ଡ ଏବଂ ଫୁସ୍ଫୁସ୍କୁ ମଜଭୁତ କରି ଅମ୍ଳଜାନ ମାତ୍ରା ବଢ଼ାଇବାରେ ସାହାଯ୍ୟ କରିବ।
ଖାଆନ୍ତୁ ଲୌହଯୁକ୍ତ ଖାଦ୍ୟ: ରକ୍ତରେ ଥିବା ହିମୋଗ୍ଲୋବିନ୍ରେ ଅକ୍ସିଜେନ ମିଶି ଅକ୍ସିହିମୋଗ୍ଲୋବିନ୍ ଭାବେ ପ୍ରବାହିତ ହୋଇଥାଏ। ତେବେ ଏହି ହିମୋଗ୍ଲୋବିନ୍ ପରିମାଣ ନିୟନ୍ତ୍ରଣରେ ରଖିବା ଲାଗି ସବୁଜ ପନିପରିବା, ଶାଗ, ବିନ୍ସ, ଅଣ୍ଡା ଭଳି ଲୌହଯୁକ୍ତ ଖାଦ୍ୟ ଅଧିକ ଖାଆନ୍ତୁ।
ଇନ୍ଡୋର ପ୍ଲାଣ୍ଟ ରଖନ୍ତୁ: ଘରକୁ ସୁନ୍ଦର କରିବା ସହ ଶୁଦ୍ଧ ପବନ ବା ଫ୍ରେଶ୍ ଏୟାର୍ ପାଇବା ଲାଗି ଇନ୍ଡୋର ପ୍ଲାଣ୍ଟ ରଖନ୍ତୁ। ଏତଦ୍ବ୍ୟତୀତ ସ୍ନେକ୍ ପ୍ଲାଣ୍ଟ, ସ୍ପାଇଡର ପ୍ଲାଣ୍ଟ, ଆଲୋଭେରା, ମନିପ୍ଲାଣ୍ଟ ଆଦି ରଖନ୍ତୁ। ଅନ୍ୟାନ୍ୟ ଏୟାର ପ୍ୟୁରିଫାଇଂ ଇନ୍ଡୋର ପ୍ଲାଣ୍ଟ ରଖିଲେ ମଧ୍ୟ ଉପକୃତ ହେବେ।
