ଆଦିବାସୀ ଗ୍ରାମ୍ୟଜୀବନର ଉକତ୍ୃଷ୍ଟ କଳା ଧୀରେ ଧୀରେ ଲୋପ ପାଇଯାଉଛି। ଏହାର ସଂରକ୍ଷଣ ପାଇଁ ସରକାରୀ ସ୍ତରରେ ଚେଷ୍ଟା କରାଯାଉଥିବା ବେଳେ ଏ କ୍ଷେତ୍ରରେ ଜଣେ ଆଦିବାସୀ ମହିଳାଙ୍କ ଅବଦାନ ପ୍ରଶଂସନୀୟ। ମଧ୍ୟପ୍ରଦେଶର ଭିଲାଲ ଆଦିବାସୀ ସମୁଦାୟର ମହିଳା ସାକ୍ଷୀ ଭୟଡିଆ ଗ୍ରାମ୍ୟ କଳାକୁ ଉଜ୍ଜୀବିତ କରିଛନ୍ତି। ଆଲିରାଜପୁର ଜିଲା ଜୋବଟ ତହସିଲର ସାକ୍ଷୀ ଏକ ଟ୍ରାଇବାଲ ଆର୍ଟ ଗ୍ୟାଲେରି ପ୍ରତିଷ୍ଠା କରି ତା’ ମାଧ୍ୟମରେ ଏହି କାର୍ଯ୍ୟ କରୁଛନ୍ତି। ଇନ୍ଦୋରରେ ଏହି ଆର୍ଟ ଗ୍ୟାଲେରି ଚଳାଉଛନ୍ତି। ନିଜ ସମ୍ପର୍କୀୟ ଓ ବନ୍ଧୁମାନଙ୍କଠାରୁ ପାଣ୍ଠି ଯୋଗାଡ଼ କରି ପ୍ରଥମେ ଏହି ଆର୍ଟ ଗ୍ୟାଲେରି ଗଠନ କରିଥିଲେ ଏବଂ ଏବେ ଏହା କଳା କ୍ଷେତ୍ରରେ ଏକ ସ୍ବତନ୍ତ୍ର ସ୍ଥାନ ଦଖଲ କରିପାରିଛି। ସାକ୍ଷୀ ବିଭିନ୍ନ ଆଦିବାସୀ କଳା ପରମ୍ପରାକୁ ଆର୍ଟ ମାଧ୍ୟମରେ ସାରା ଦେଶରେ ନୂଆ ପରିଚୟ ଦେବାରେ ଲାଗିଛନ୍ତି। ତାଙ୍କ ଦ୍ୱାରା ପ୍ରସ୍ତୁତ ଚିତ୍ରକଳା ଓ ହସ୍ତକଳା ବେଶ୍ ପ୍ରଶଂସିତ ହେଉଛି। ତାଙ୍କ ପ୍ରଚେଷ୍ଟାରେ ଗାଁର ପିଥୋରୀ କଳାକୁ ନୂଆ ପରିଚୟ ବି ମିଳିପାରିଛି। ଦେଶର ସବୁଆଡେ ଆୟୋଜିତ ପ୍ରଦର୍ଶନୀରେ ଭାଗ ନେଇ ତାଙ୍କ ଦ୍ୱାରା ପ୍ରସ୍ତୁତ ଆଦିବାସୀ ଚିତ୍ରକଳା ଓ ହସ୍ତକଳାକୁ ଲୋକଙ୍କ ସାମ୍ନାରେ ଉପସ୍ଥାପନ କରୁଛନ୍ତି। ଏହି କାର୍ଯ୍ୟରେ ସେ ୧୦ ଜଣ ଲୋକଙ୍କୁ ନିଯୁକ୍ତି ଦେଇଛନ୍ତ।
