କୌଣସି କ୍ଷେତ୍ରରେ ପରିବର୍ତ୍ତନ ଆଣିବା ଲାଗି ସକାରାମତ୍କ ଭାବନା ଓ ନିଷ୍ଠା ଜରୁରୀ, ଯାହା ଦେଖିତ୍ବାକୁ ମିଳେ ଗୁଜରାଟର ଡ୍ରାଇଭର ଜଗମଲଭାଇ ଡାଙ୍ଗରଙ୍କ ଜୀବନରେ। ଡାଙ୍ଗର ରାଜକୋଟ ଜିଲା ଉପଲେଟା ବ୍ଲକର ମଜେଠୀ ଗାଁରେ ରହୁଛନ୍ତି ଓ ନିଜସ୍ବ ଉଦ୍ୟମରେ ଏକ ଛୋଟ ଜଙ୍ଗଲ କରିଛନ୍ତି। ଅଦରକାରୀ ଜିନିଷ ବ୍ୟବହାର କରି ପିଲାମାନଙ୍କ ଲାଗି ଏକ ସୁନ୍ଦର ପାର୍କ ମଧ୍ୟ ନିର୍ମାଣ କରିଛନ୍ତି। ସେ ଜଙ୍ଗଲରେ ୫,୦୦୦ ଗଛ ଲଗାଇଛନ୍ତି । ଡାଙ୍ଗର ଯୁବାବସ୍ଥାରେ ଟ୍ରକ, ଟ୍ରାକ୍ଟର, ଜିପ୍ ଆଦି ଗାଡ଼ି ଚଳାଇ ସେହି ଆୟରେ ୧୮ ବର୍ଷ ପୂର୍ବେ ସେ ଜମି କିଣି ସେଥିରେ ଗଛ ଲଗାଇବା ଆରମ୍ଭ କରିଥିଲେ। ଏବେ ଜଙ୍ଗଲରେ ବିଭିନ୍ନ ପ୍ରକାର ଫଳ ଓ ଔଷଧୀୟ ବୃକ୍ଷ ଶୋଭା ପାଉଛି। ଶ୍ମଶାନରୁ ମାଟି ହାଣ୍ଡିକୁ ସଂଗ୍ରହ କରି ଜଙ୍ଗଲରେ ପକ୍ଷୀଙ୍କ ପାଇଁ ବସା ତିଆରି କରୁଛନ୍ତି। ଜଙ୍ଗଲୀ ପଶୁ ପାଣି ପିଇବା ଲାଗି ଛୋଟ ପୋଖରୀ ମଧ୍ୟ ଖୋଳିଛନ୍ତି। ୨୦୧୬ ଉରି ଆକ୍ରମଣ ଘଟଣା ପରେ ସେ ଶହୀଦ ଯବାନଙ୍କ ସ୍ମୃତି ଉଦ୍ଦେଶ୍ୟରେ ୧୮ଟି ବରଗଛ ଲଗାଇଛନ୍ତି। ବନୀକରଣ ପାଇଁ ଚାରା ଉତାରି ମାଗଣାରେ ଲୋକମାନଙ୍କୁ ବାଣ୍ଟୁଛନ୍ତି। ପ୍ରତିଦିନ ୧୨ଟା ଯାଏ ଚାଷ କାମ କରନ୍ତି ଓ ପରେ ଜଙ୍ଗଲ ଏବଂ ପାର୍କ କାର୍ଯ୍ୟରେ ଲାଗିଯାଆନ୍ତି। ବହୁ ଦିନରୁ ଡାଙ୍ଗର ଏମିତି ଜୀବନ କଟାଉଛନ୍ତି ।
ଏମିତି କି ବହୁ ସମୟରେ ମାସ ମାସ ଧରି ଗାଁକୁ ନ ଆସି ଜଙ୍ଗଲ କୁଡ଼ିଆରେ ରହିଯାଉଛନ୍ତି।
