ଜଣେ ଚାକିରି ଛାଡ଼ି ଗୋଟିଏ ଗାଁର ୫୦୦ ପରିବାରକୁ ୩୦ ବର୍ଷ ପରେ କୃଷିକୁ ଫେରାଇ ଆଣିବା କିଛି କମ୍ କଥା ନୁହେଁ। ଏହି ବ୍ୟକ୍ତି ହେଉଛନ୍ତି ଗୋଆର ଇଲେକ୍ଟ୍ରିକାଲ ଇଞ୍ଜିନିୟର ନେଷ୍ଟର ରାଙ୍ଗଲ। ତାଙ୍କୁ ବର୍ତ୍ତମାନ ବୟସ ୫୨। ସେ ସେଣ୍ଟ ଇଷ୍ଟେଭାମ ଗାଁର ଲୋକମାନଙ୍କୁ କମ୍ୟୁନିଟି କୃଷି ମାଧ୍ୟମରେ ଧାନ ଚାଷ କରାଉଛନ୍ତିି। ଲୁଣିମାଟି ଯୋଗୁ ଚାଷ ନ ହୋଇ ଗାଁ ଜମି ପଡିଆ ପଡ଼େ। ଏହି ଜମିକୁ କୋଇଲା ପରିବହନ ପାଇଁ ଡେଭେଲପର୍ସମାନେ ବ୍ୟବହାର କରନ୍ତି। ଫଳରେ ୩ ଦଶନ୍ଧି ହେବ ଗାଁ ଲୋକେ ମୁମ୍ବାଇକୁ କାମ କରିବାକୁ ଚାଲିଯାଉଥିଲେ। ପ୍ରତି ପରିବାରକୁ ୧ ଏକର ଜମି ହିସାବରେ ପ୍ରାୟ ୫ ଶହ ଏକର ଜମିରେ ସେମାନେ କମ୍ୟୁନିଟି ଫାର୍ମିଂ କରୁଛନ୍ତି। ଜୈବିକ ପଦ୍ଧତିରେ ଏହିି ଚାଷ ହେଉଛି। ରାଙ୍ଗଲ ମୁମ୍ବାଇରେ ଏକ ବହୁରାଷ୍ଟ୍ରୀୟ ଜାପାନିଜ କମ୍ପାନୀରୁ ୨୦୦୨ରେ ଚାକିରି ଛାଡ଼ିବା ପରେ ଗୋଆରେ ଏକ ଇଲେକ୍ଟ୍ରୋନିକ୍ସ ଦୋକାନ କରିଥିଲେ। ଏବେ ସେ ୪୦ ଏକର ଜମିରେ ଚାଷ କରିବା ସହ ଛେଳି ଓ ଗୋପାଳନ କରୁଛନ୍ତି। ୭୦୦ରୁ ଊର୍ଦ୍ଧ୍ୱ ଆମ୍ବ ଗଛ ଲଗାଇଛନ୍ତି। ସେ ଇଷ୍ଟେଭାମ ଗାଁକୁ କମ୍ୟୁନିଟି ଫାର୍ମିଂ ପାଇଁ ଚୟନ କରିଥିଲେ। ଗାଁ ଲୋକମାନେ ଏବେ ଜ୍ୟୋତି କିସମର ଧାନ ଚାଷ କରୁଛନ୍ତି। ଧାନକୁ ପ୍ରୋସେସିଂ କରି ଚାଉଳ କରୁଛନ୍ତି। ଏହି ଚାଉଳର ଚାହିଦା ଅଧିକ ଓ ଏକ କେଜିକୁ ୬୦ ଟଙ୍କା ମୂଲ୍ୟରେ ବିକ୍ରି କରି ଯଥେଷ୍ଟ ଲାଭ ପାଉଛନ୍ତି।
