ଷଢ଼େଇରୁ ଆକର୍ଷଣୀୟ ଜିନିଷ ତିଆରି କରୁଛନ୍ତି ମହାରାଷ୍ଟ୍ରର ବିଜୟାନନ୍ଦ ଶେମ୍ବେକର। ବିଜୟାନନ୍ଦଙ୍କୁ ବୟସ ୫୯। ସେ ଦିନବେଳା ଅଫିସ୍ ଯାଆନ୍ତି ଓ ରାତିରେ ବାହାରି ଯାଆନ୍ତି ଷଢ଼େଇ ଗୋଟାଇବାକୁ। ଏମିତିକି ଷଢେଇ ଗୋଟାଇବାବେଳେ ସେ ପ୍ରଶାସନ ସନ୍ଦେହର ଶିକାର ହୋଇଛନ୍ତି। ଏ ସମ୍ପର୍କରେ ବି ତାଙ୍କୁ ସ୍ପଷ୍ଟୀକରଣ ଦେବାକୁ ପଡିଛି। ହେଲେ ସେ ତାଙ୍କ ନିଶାରୁ ଓହରିନାହାନ୍ତି। ଷଢେଇଗୁଡ଼ିକୁ ସଂଗ୍ରହ କରିବା ପରେ ବିଜୟାନନ୍ଦ ବିଭିନ୍ନ ପ୍ରକାର ଜିନିଷ ତିଆରି କରିବାରେ ଲାଗିଛନ୍ତି ଯାହାର ଚାହିଦା ଏବେ କାହିଁରେ କ’ଣ। ଏହାକୁ ସେ ରାଜ୍ୟରେ ଅନୁଷ୍ଠିତ ଆର୍ଟ ଗ୍ୟାଲେରିରେ ପ୍ରଦର୍ଶନ କରୁଛନ୍ତି। ଏହି କାର୍ଯ୍ୟ ସେ ୧୨ ବର୍ଷ ତଳେ ଆରମ୍ଭ କରିଥିଲେ। ସେ ଛୋଟ ଗାଡ଼ିଠାରୁ ଆରମ୍ଭ କରି ମନ୍ଦିର, ପଶୁ ତଥା ଗୃହ ସଜ୍ଜା ଉପକରଣର ପାଖାପାଖି ୪୦୦ଟି ଜିନିଷ ତିଆରି କରିଛନ୍ତି। କେବଳ ଷଢ଼େଇ ନୁହେଁ ସେ ନଡିଆ କତା, ପତ୍ର ଓ ଗଣ୍ଡି ମଧ୍ୟ ଉପଯୋଗ କରିଛନ୍ତି। ସେ ସ୍କୁଲପିଲା ଓ ବୟସ୍କମାନଙ୍କୁ ଏହି କଳା ସମ୍ପର୍କରେ ପ୍ରଶିକ୍ଷଣ ଦେଉଛନ୍ତି।
